Lwaḥi 14:7 - Ṯarifiṯ 2020

⁷ Ṯeqqar s jjheḏ: "Ggwḏem Arebbi semɣarem-ṯ, aqa ṯuweḍ-d ṯsaƹƹat nnes aḏ igg lḥisab ḏ lƹiqab. Sejjḏeṯ i wenni iy d ixeȓqen ajenna ḏ ṯmurṯ ḏ ȓebḥar ḏ ȓaƹnaṣer."

Lwaḥi 14:7 ပူးပေါင်းရင်းမြစ်များ

Matta 25:13

Iḏen, iȓim ƹlabal ȓaḥeqqac war ṯessinem uȓa ḏ nhar nni uȓa ḏ ṯsaƹƹat nni.

Luqa 17:18

Ma abarrani-ya waha iy d iḏewȓen iḥemmeḏ Arebbi?"

Ȓexḏayem 14:15

"Ay iryazen, mayemmi teggem manaya? Qa neccin ḏ iwḏan waha am kenniw am neccin kif-kif. Nuwi-awem-d ijjen n wawaȓ ḏ aṣebḥan bac aḏ tbeƹƹḏem i ṯmesȓayin-a war ineffƹen ca, aḏ tḏewȓem ɣar Arebbi iddaren iy d ixeȓqen ajenna ḏ ṯmurṯ ḏ ȓebḥar ḏ marra min ḏaysen.

1 Buṭrus 4:7

Aqa yusa-d uneggaru n marra ṯimesȓayin. Iḏen itxeṣṣa aḏ d tarrem ȓbaȓ nwem aɣarwem yiȓi ȓaƹqeȓ nwem bac ataf aḏ tzemmarem aḏ tẓaǧem.

Lwaḥi 11:13

Ḏi ȓweqṯ nni iwqeƹ ijjen n zzinzal ḏ ameqqran, ṯnehḏem ƹecra ḏi miyya zi ṯendint. Mmuṯen ḏi zzinzal-a sebƹaȓaf n yiwḏan. Yinni iqqimen ggwḏen, bḏan semɣaren Arebbi ig iǧan ḏeg ujenna.

Lwaḥi 11:18

Ȓegnus ɣeḍben, yuweḍ-d uɣḍab nnec. Yuweḍ-d Nhar n Lḥisab ḏ Lƹiqab n yinni immuṯen. Aḏ tjaziḏ yinni ḏac ixeddmen iƹni lʼanbiya ḏ ȓmuminin nnec ṣṣaliḥin, ḏ yinni itweqqaren isem nnec s imezyanen ḏ imeqqranen. Aḏ teqḍiḏ x yinni isefsaḏen ṯamurṯ."

Lwaḥi 15:4

A Siḏi, min ƹnan yinni war c iteggwḏen? Min ƹnan yinni isem nnec war ṯ isemɣaren? Aqa cek waḥḏec ig iṣfan. Marra ȓegnus aḏ d asen aḏac sejjḏen, minzi ȓexḏayem nnec banent-id nican."

Lwaḥi 16:9

Cemḍen yiwḏan s lḥarara ijehḏen. Waxxa amenni qqaren awaȓen war iḥȓin ḏeg yisem n Arebbi wenni ɣar ṯeǧa ssulṭa x lmuṣibaṯ-a. War tuben ca, war ṯ semɣaren ca.

Lwaḥi 18:10

Aḏ bedden ɣar ȓeggwaj s ṯiggwḏi n ȓaƹḏab nnes niṯni qqaren: Ya Laṭif, ya Laṭif! Ya ṯandint ṯameqqrant, ya Babil ṯandint ijehḏen! Ḏeg yijjen n ṯsaƹƹat ihwa-d xam lḥisab ḏ lƹiqab!

Lwaḥi 18:17

Iruḥ marra manayenni ḏeg yijjen n ṯsaƹƹat waha! Arruyas n iɣarruba ḏ yinni itsafaren ḏeg uɣarrabu ḏ ibeḥriyen ḏ marra yinni itƹicen zi ȓebḥar bedden ɣar ȓeggwaj,

Lwaḥi 18:19

Neṭṭaren caȓ x izeǧifen nsen, sɣuyiwen, trun, ḥezznen, qqaren: Ya Laṭif, ya Laṭif n ṯendint ṯameqqrant! Ayṯbab n iɣarruba ḏi ȓebḥar tuɣa ḏewȓen ḏ twajar liʼanna ṯandint ḏayes agȓa aṭṭas! Ḏeg yijjen n ṯsaƹƹat kuȓci iruḥ!

Lwaḥi 19:5

Ṯusa-d ijjen n ṯmijja zi lƹarc ṯeqqar: "Ḥemḏeṯ Arebbi ya lƹibad nnes marra, a yinni ṯ iteggwḏen s umezyan ḏ umeqqran!"

Lwaḥi 4:11

"A Mawlana a Siḏi Arebbi nneɣ, ḏ cek iy isḏaheǧen lƹaḍama ḏ uweqqar ḏ jjheḏ, ȓaḥeqqac cek ṯxeȓqeḏ kuȓci, s ȓxaḍar nnec twaxeȓqen-d aqaṯen ǧan."

Lwaḥi 4:9

Lmexluqaṯ-a meȓmi ma semɣaren tweqqaren ḥemmḏen-as i wenni iqqimen x lƹarc ig iddaren i ȓebda n ȓebdaṯ,

Lwaḥi 8:10

Ṯekkar lmalaʼika wis tȓaṯa ṯṣuḍ ḏi zzammar nnes uca iwḍa-d ijjen n yiṯri ḏ ameqqran zeg ujenna itceƹƹaȓ amecnaw asfeḍ. Iwḍa-d x tuluṯ n yiɣzran ḏ ȓaƹnaṣer n waman.