Lwaḥi 14:4 - Ṯarifiṯ 2020

⁴ Yina ḏ yinni war iẓrin ƹemmarṣ ṯimɣarin qqimen ḏ iƹzriyen. Yina ḏ yinni iḏeffaren Izmar mani ma iruḥ. Twasnejmen niṯni zi ȓwesṭ n yiwḏan ḥima aḏ twaqeddmen ḏ imezwura i Arebbi ḏ Yizmar.

Lwaḥi 14:4 ပူးပေါင်းရင်းမြစ်များ

Matta 19:12

Ḏinni ȓebƹaḍ zeg wami xeȓqen war zemmaren aḏ meȓcen. Ḏinni ȓebƹaḍ nneɣni qqnen-ṯen yiwḏan. U ḏinni ȓebƹaḍ nneɣni ugin aḏ meȓcen x ssabab n ȓmulk ujenna. Wenni izemmaren aḏ iqbeȓ ṯimesȓayin-a aṯent iqbeȓ."

Matta 25:1

Ȓmulk ujenna amecnaw can ƹecra n ṯeƹzriyin ig iysin ȓeqnaḏeȓ, ffɣent aḏ ȓeqqant muȓay.

Matta 8:19

Iqarreb-d ɣares ijjen n umseȓmaḏ n ccariƹa inna-as: "A Lmuƹallim, nec ac ḏfareɣ mani ma ṯruḥeḏ."

Yuḥanna 10:27

Iḥuȓiyen inu tesȓan ɣar ṣṣut inu, ssneɣ-ṯen niṯni ḏeffaren-ayi.

Yuḥanna 12:26

Wenni ixsen aḏayi ixḏem, itxeṣṣa aḏayi iḏfar. Mani ɣa iȓiɣ nec, aḏ yiȓi ƹaweḏ ḏ axeddam inu. Wenni ḏayi ɣa ixeḏmen, aṯ ikarrem Baba.

Yuḥanna 13:37

Inna-as Buṭrus: "A Siḏi, mayemmi war zemmareɣ ca ac ḏfareɣ ȓexxu? Nec axak ṣeddqeɣ ṯuḏarṯ inu!"

Yuḥanna 8:12

Issiweȓ ɣarsen ƹaweḏ Ƹisa inna-asen: "Nec ḏ nnur n ddunect. Wenni ḏayi ɣa iḏfaren ƹemmarṣ aḏ yuyur ḏi ṯaǧest, aɣares yiȓi nnur n ṯuḏarṯ."

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

1 Ayṯ-Kurinṯ 16:15

Aqa ṯessnem Stifanus ḏ ȓeḥbab nnes ḏ niṯni iy yumnen zi Lmasiḥ ḏ imezwura ḏi lʼiqlim n Uxaya, ṭewwƹen ixef nsen aḏ sexxaren i ȓmuminin ṣṣaliḥin. Ay ayṯma, tettareɣ zzaywem aḏ tṭaƹem i yiwḏan-a am yina u ḏ yinni marra icarrcen ḏi ȓxeḏmeṯ-a tamaran ḏayes aṭṭas.

1 Ayṯ-Kurinṯ 6:20

minzi twasɣem kenniw s yijjen n ttaman. Falihaḏa, semɣareṯ Arebbi s ddat nwem.

1 Ayṯ-Kurinṯ 7:28

Walakin cek meȓa ṯmeȓceḏ maƹlic, war ṯeƹṣiḏ ca. Ƹaweḏ ṯaḥarmucṯ meȓa ṯemȓec maƹlic, war ṯeƹṣi ca. Walakin yinni imeȓcen aɣarsen iȓin lmacakil ḏi ddunect-a. Nec rezzuɣ axawem sbeƹƹḏeɣ manayenni.

Ayṯ-Ufasus 1:14

Arruḥ-a netta ḏ ijjen n ȓƹarbun iḍemmen lwareṯ nneɣ aȓ ɣa ṯ neṭṭef ṯumma a neḥmeḏ Arebbi x lƹaḍama nnes.

Ayṯ-Ufasus 5:27

Ḥima Lmasiḥ aḏ iqeddem jmaƹeṯ n ȓmuminin i yixef nnes tceƹciƹ ḏ ṯamqeddest war twessix war tecniq war ḏayes itiȓi bu ca n ȓƹib nneɣni.

1 Timutawus 4:3

Niṯni aḏ sbedden iwḏan bac war meǧcen ca, qqaren-asen ƹaweḏ qa ca n lmaklaṯ memnuƹ aṯent ccen. Walakin lmaklaṯ nni ixȓeq-iṯent-id Arebbi aṯent neqbeȓ neccin ig itamnen nessen lḥaqiqa.

Iƹibraniyen 12:23

Ṯqarrbem-d ɣar yinni itmunen ḏi ȓefraḥeṯ iƹni ɣar jmaƹeṯ n yinni ixḍar Arebbi iy d ixeȓqen ḏ imezwura isemawen nsen twazemmen ḏeg ujenna. Ṯqarrbem-d ɣar Arebbi wenni iǧan ḏ ȓqaḍi x marra iwḏan. Ṯqarrbem-d ɣar arruḥaṯ n ṣṣaliḥin yarri-ṯen Arebbi bȓa ȓƹib.

Yaƹqub 1:18

Wami ixes netta, ikkar yarra-aneɣ ḏ ṯarwa nnes iy d ijja s wawaȓ n lḥaqiqa ḥima a niȓi neccin ḏ imezwura zi min d ixȓeq.

1 Buṭrus 2:9

Fa kenniw ḏ ijjen n ccaƹb itwaxḍaren ḏ ijjen n jmaƹeṯ n ȓfuqaha n Uzeǧiḏ ḏ ijjen n ȓgens ḏ amqeddes ḏ yiwḏan niṯni Bab nsen ḏ Arebbi bac aḏ tbeccarem s ṯmesȓayin ṯiṣebḥanin n wenni iy kenniw issufɣen zeg yijjen n ṯaǧest yarri-kenniw-d ɣar nnur nnes ƹajib.

Lwaḥi 17:14

Niṯni aḏ ḥarben Izmar walakin netta aṯen iɣȓeb; Qa netta ḏ Mawlana n mawlanaṯ ḏ Azeǧiḏ n izeǧiḏen, yinni iy kiḏes iǧan iȓaɣa-yasen-d Arebbi ixḍar-iṯen, ḏaysen iǧa ȓaman."

Lwaḥi 21:22

War ẓriɣ ca Ṯamziḏa ṯameqqrant ḏi ṯendint nni, mayemmi? Liʼanna Siḏi Arebbi ig izemmaren i kuȓci ak Yizmar niṯni ig iǧan ḏ Ṯamziḏa-ya ṯameqqrant.

Lwaḥi 21:23

Ṯandint-a war teḥḏiji ca ṯfawṯ n ṯfucṯ niɣ n ṯziri ȓaḥeqqac lƹaḍama n Arebbi nettaṯ iy iteggen ḏinni ṯfawṯ, Izmar ḏ netta ḏ ȓefnar nnes.

Lwaḥi 3:4

Akiḏec ḏinni ȓebƹaḍ n yiwḏan ḏi Sardis war swesixen ca arruḍ nsen, akiḏi uyuren s warruḍ ḏ acemȓaȓ ȓaḥeqqac sḏaheǧen-t.

Lwaḥi 5:9

Tɣennajen s yijjen n yizȓi ḏ jḏiḏ qqaren: "Ḏ cek iy isḏaheǧen aḏ teysiḏ Lkitab aḏ terzmeḏ icemmaƹen nnes, ȓaḥeqqac twaɣarṣeḏ, ṯesnejmeḏ iwḏan i Arebbi s iḏammen nnec zi mkuȓ ȓqum ḏ lluɣa ḏ ccaƹb ḏ ȓgens.