Lwaḥi 14:2 - Ṯarifiṯ 2020

² Sȓiɣ i yijjen n ṯmijja zeg ujenna ṯegga am ṣṣut n waṭṭas n waman niɣ am wajjaj ijehḏen. Ƹaweḏ ṯmijja nni umi sȓiɣ ṯegga am ṣṣut n yinni iccaṯen ḏi ṯgambrit.

Lwaḥi 14:2 ပူးပေါင်းရင်းမြစ်များ

1 Ayṯ-Kurinṯ 13:1

Maƹlik ssawaȓeɣ s yiȓesawen n iṯarrasen s lluɣa, maƹlik ssawaȓeɣ s lluɣa n lmalaʼikaṯ iƹni ruḥiya, maca ȓemḥibbeṯ war ḏayi tiȓi ca, iȓi tseddaƹeɣ am yij n darbuga, temqerqabeɣ am ȓeqraqeb waha.

Lwaḥi 1:10

Ḏi nhar n Siḏiṯneɣ tuɣa ihwa-d xafi Arruḥ n Arebbi, sȓiɣ ɣar ḏeffar inu ijjen n ṯmijja ṯemɣar ṣṣut nnes igga am zzammar.

Lwaḥi 1:15

Iḍaren nnes tceƹciƹen ggin am nneḥḥas iṣfan am yallah iy d iffɣen zi ȓkuceṯ, ṯmijja nnes ṯegga am ṣṣut n waṭṭas n waman.

Lwaḥi 11:12

Sȓin i yijjen n ṯmijja ṯejheḏ tȓaɣa-d xasen zeg ujenna ṯeqqar-asen: "Gaƹƹḏem-d ḏanita!" Ȓechuḏ nni gaƹƹḏen ɣar ujenna ḏeg useynu, ȓƹaḏyan nsen xzaren ḏaysen.

Lwaḥi 11:15

Ṯekkar lmalaʼika wis sebƹa ṯṣuḍ ḏi zzammar nnes, uca ṯimijjawin ḏeg ujenna qqarent s jjheḏ: "Iḏweȓ ȓeḥkam n ddunect-a ḏeg ifassen n Siḏi Arebbi nneɣ ḏ Lmasiḥ nnes, aḏ iḥkem i ȓebda n ȓebdaṯ."

Lwaḥi 15:2

Ẓriɣ ƹaweḏ amecnaw ȓebḥar n jjaj ixelleṭ ak ṯmessi, bedden xas yinni iɣeȓben ȓwaḥc ḏ lʼaṣnam nnes ḏ rraqem n yisem nnes. Kuȓ ijjen zzaysen ikessi ijjen n ṯgambrit n Arebbi.

Lwaḥi 18:22

Zi ssa aȓ ṯsawent ƹemmarṣ aḏayem tesȓan i ṣṣut n imeḏyazen ḏ yinni iccaṯen ḏi ṯgambrit ḏ yinni itṣuḍen ḏi zzammar ḏ ṯemja. Ƹemmarṣ aḏayem yiȓin yinni itṣennaƹen mammec ma ṯegga ṣṣenƹaṯ nsen. Ƹemmarṣ aḏayem tesȓan i ṣṣut n ṯsirṯ.

Lwaḥi 5:8

Wami iysi Lkitab-a, lmexluqaṯ nni s arbeƹa ḏ arbeƹa u ƹicrin n imɣaren nni sejjḏen-as i Yizmar. Mkuȓ ijjen zzaysen ɣares ṯgambrit ɣares ṯimejmarin ggin-ṯent s ddheb ƹemmarent s tbaxur, iƹni ḏ ṯẓaǧiṯ n ȓmuminin ṣṣaliḥin.

Lwaḥi 6:1

Ṯumma ẓriɣ Izmar nni wami irzem ijjen zi sebƹa n icemmaƹen nni, sȓiɣ i yijjen zi arbeƹa nni n lmexluqaṯ iqqar s jjheḏ am wajjaj: "Araḥ-d!"

Lwaḥi 8:7

Ṯekkar lmalaʼika ṯamezwarut ṯṣuḍ ḏi zzammar nnes uca yusa-d icarra ḏ ṯmessi mxellṭen ak iḏammen menḍaren ɣar ṯmurṯ. Ṯecmeḍ tuluṯ n ṯmurṯ ḏ tuluṯ n ȓcejjur ḏ marra arbiƹ azeyza.