Lwaḥi 14:18 - Ṯarifiṯ 2020

¹⁸ Ikkar iffeɣ-d ijjen n lmalak nneɣni zi ȓmeḏbaḥ n ṯemziḏa ṯameqqrant ɣares ssulṭa x ṯmessi, iȓaɣa s jjheḏ inna-as i lmalak nni ɣar iǧa umjar iqḍeƹ: "Ysi amjar nnec, jmeƹ-d zzayes izekkunen n ṯzayarṯ n ṯmurṯ ȓaḥeqqac aḍiȓ ṯuweḍ-d ȓweqṯ nnes."

Lwaḥi 14:18 ပူးပေါင်းရင်းမြစ်များ

Marqus 4:29

Walakin ɣir aḏ iwjeḏ imendi, ȓexddenni aḏ iffeɣ aḏ imjar minzi ȓweqṯ n umjar ṯuweḍ-d."

Lwaḥi 16:7

Sȓiɣ i yijjen n ṣṣut iqqar-d zi ȓmeḏbaḥ: "Wah a Siḏi Arebbi nneɣ ig izemmaren i kuȓci, ȓeḥkamaṯ nnec ḏ ȓḥaqq, aqaṯent nican."

Lwaḥi 16:8

Ṯekkar lmalaʼika wis arbeƹa ṯzeǧeƹ ṯimejmarṯ nnes x ṯfuct itwasmeḥ-as i ṯfuct aḏ tsecmeḍ iwḏan s ṯmessi.

Lwaḥi 8:3

Yusa-d ijjen n lmalak nneɣni ibedd ɣar ȓmeḏbaḥ, iysi-d ṯimejmarṯ nni itwaṣenƹen s ddheb. Immuc-as aṭṭas n tbaxur ḥima aḏ iqeddem tbaxur nni ak ṯẓaǧiṯ n ȓmuminin ṣṣaliḥin x ȓmeḏbaḥ n ddheb iǧan zzaṯ i lƹarc.