Lwaḥi 14:13 - Ṯarifiṯ 2020

¹³ Sȓiɣ i yijjen n ṯmijja zeg ujenna ṯeqqar: "Ari manaya: Ssaƹḏ n imettinen iy ɣa immṯen ssa aȓ ṯsawent umnen zi Siḏiṯneɣ." Arruḥ n Arebbi iqqar: "Wah, ḥima aḏ reyyḥen zi tamara nsen ȓaḥeqqac ḏeffarent-ṯen lḥasanaṯ nsen."

Lwaḥi 14:13 ပူးပေါင်းရင်းမြစ်များ

Matta 3:17

Ssenni iȓaɣa-d ijjen n ṣṣut zeg ujenna inna-d: "Wa ḏ Memmi iƹizzen, nec farrḥeɣ zzayes."

Luqa 16:25

Inna-as Brahim: Ƹqeȓ a mmi inu, cek ṯeysiḏ ȓḥaqq nnec zi ȓxir ḏi ṯuḏarṯ nnec, Liƹazar iƹic mƹaddeb. Ȓexxu netta aqaṯ ḏa mliḥ, cek aqac ḏi ȓaƹḏab.

Luqa 16:9

Nec aḏawem iniɣ: Ggem imeddukaȓ zi ȓewsex n ddunect-a. Ataf xmi ɣa itwaqḍa aḏ twaqebȓem ḏi ṯuḏrin n ȓebda.

Ayṯ-Ruma 14:8

Neccin meȓa neddar, a neddar i Siḏi Arebbi. Meȓa nemmuṯ, a nemmeṯ i Siḏi Arebbi. Falihaḏa, meȓa neddar niɣ nemmuṯ neccin n Siḏi Arebbi.

1 Ayṯ-Kurinṯ 15:18

Maƹlik amenni, iȓi yinni iṭṭṣen iƹni yinni immuṯen ḏi Lmasiḥ zaƹma ṣafi qa fnan.

1 Ayṯ-Kurinṯ 15:20

Fa aqa ȓexxu Lmasiḥ itwasekkar-d zi ȓmewṯ, iƹni netta ḏ ṯafeǧaḥṯ ṯamezwarut iy d ikkaren zeg yinni immuṯen.

1 Ayṯ-Kurinṯ 15:58

S manaya ay ayṯma imƹizzen inu, beddeṯ nican maci akenniw senhezzen. Ggeṯ lmejhud nwem ȓebda ḏi ȓxeḏmeṯ n Siḏiṯneɣ, qa ṯessnem belli ȓxeḏmeṯ nwem ḏi Siḏiṯneɣ maci ḏ ȓbaṭeȓ.

2 Ayṯ-Kurinṯ 5:8

War ntefciȓ ca, lla! Maƹlic neccin meȓa ntaggwaj zi ddat-a n ddunect-a ataf neccin netƹic ak Siḏiṯneɣ.

Ayṯ-Filippas 2:17

Nec farrḥeɣ akiḏwem s yijjen n ȓefraḥeṯ maƹlic meȓa ferrɣen-ayi-d waha am yijjen n ṣṣeḏqeṯ n iḏammen x dbiḥeṯ nwem iy tqeddamem kenniw s lʼiman nwem.

1 Ayṯ-Salunik 4:14

Cuf, neccin ntamen belli Ƹisa immuṯ ikkar-d, ntamen ƹaweḏ belli Arebbi ƹaḏ aḏ iysi yinni iṭṭṣen ḏeg imeḍȓan iy yumnen zi Lmasih aḏ iȓin ak Ƹisa.

1 Ayṯ-Salunik 4:16

Liʼanna Siḏiṯneɣ aqa aḏ d ihwa s yixef nnes zeg ujenna s yijjen n ṯɣuyyeṯ ṯemɣar ḏ yijjen n ṯmijja n lmalak nni ameqqran ḏ zzammar nni itṣuḍen n Arebbi, ȓexddenni imettinen tuɣa yumnen zi Lmasiḥ aḏ d kkaren ḏ imezwura.

1 Ayṯ-Salunik 5:10

Netta immuṯ xaneɣ bac a neddar akiḏes waxxa neccin nfaq niɣ neṭṭeṣ ḏeg unḍeȓ.

1 Timutawus 5:24

Ca n ȓmuƹṣiyaṯ n iryazen twameḍharent-id tizwarent-id i lƹiqab nsen, walakin ȓmuƹṣiyaṯ n iryazen nneɣni axasen d xeḍȓent menbaƹd.

1 Timutawus 5:25

Ammu ƹaweḏ can n lḥasanaṯ twameḍharent-id, ƹaḏ can n lḥasanaṯ nneɣni war zemmarent ca aḏ qqiment twanuffarent.

Lwaḥi 1:11

Ṯeqqar-ayi: "Min twaȓiḏ cek ari-ṯ ḏeg yijjen n lkitab, sekk-iṯ ɣar sebƹa n ṯjumaƹ n ȓmuminin ḏi ṯendint n Ufasus, ḏ Smirna, ḏ Barɣamus, ḏ Ṯiyatra, ḏ Sardis, ḏ Filadalfya, ḏ Lawdukya."

Lwaḥi 10:4

Wami d arrin sebƹa nni n wajjajen, nec xseɣ aḏ ariɣ manayenni walakin sȓiɣ i yijjen n ṯmijja zeg ujenna ṯenna-ayi-d: "Lla, min nnan sebƹa-ya n wajjajen ejj-iṯ ɣarek ḏ ssirr, war ṯ tari ca."

Lwaḥi 11:15

Ṯekkar lmalaʼika wis sebƹa ṯṣuḍ ḏi zzammar nnes, uca ṯimijjawin ḏeg ujenna qqarent s jjheḏ: "Iḏweȓ ȓeḥkam n ddunect-a ḏeg ifassen n Siḏi Arebbi nneɣ ḏ Lmasiḥ nnes, aḏ iḥkem i ȓebda n ȓebdaṯ."

Lwaḥi 11:19

Ṯnurzem ṯemziḏa ṯameqqrant n Arebbi ḏeg ujenna, imeḍhar-d tabut n ȓƹaheḏ n Arebbi ḏi ṯemziḏa nni. Iwqeƹ wassam ḏ iɣuyan ḏ wajjaj ḏ zzinzal ḏ icarra aṭṭas.

Lwaḥi 16:17

Ṯekkar lmalaʼika wis sebƹa ṯzeǧeƹ ṯimejmarṯ nnes ḏi lhawa sȓiɣ i yijjen n ṯmijja zi ṯemziḏa ṯameqqrant iy d ikkin zi lƹarc ṯeqqar s jjheḏ: "Ṣafi, itwakemmeȓ!"

Lwaḥi 19:9

Inna-ayi lmalak wenni: "Ari manaya: Ssaƹḏ n yinni itwaƹarḍen ɣar umensi n ȓfarḥ n Yizmar!" Inna-ayi ƹaweḏ: "Awaȓen-a ǧan ḏ ṣṣaḥ zi Arebbi."

Lwaḥi 2:1

"Ari-yas i lmalaʼika n jmaƹṯ n ȓmuminin iy iǧan ḏi ṯendint n Ufasus, ini-yas qa wenni iy iṭṭfen sebƹa n yiṯran ḏeg ufus nnes afusi, iggur ḏi ȓwesṭ n sebƹa n ȓeqnaḏeȓ n ddheb, iqqar-ac:

Lwaḥi 2:7

Ṣenneṭ mliḥ a wenni itsȓan min iqqar Arruḥ n Arebbi i ṯjumaƹ n ȓmuminin. Wenni ɣa irebḥen aḏas uceɣ aḏ icc zi ṯcejjarṯ n ṯuḏarṯ iy iǧan ḏi jjenneṯ n Arebbi.

Lwaḥi 20:6

Yinni d ɣa ikkaren ḏi lqiyama ṯamezwarut ssaƹḏ nsen, aqaṯen ṣfan. Ȓmewṯ wis ṯnayen war ɣares tiȓi ca ssulṭa xasen. Aḏ iȓin ḏ ȓfuqaha n Arebbi ḏ Lmasiḥ, akiḏes ḥekmen aȓaf n iseggwusa.

Lwaḥi 21:5

Inna-ayi wenni iqqimen x lƹarc: "Aḏ ggeɣ kuȓci ḏ jḏiḏ!" Uca inna: "Ari manaya qa awaȓen-a ḏaysen ȓaman ḏaysen ȓḥaqq."

Lwaḥi 22:17

Arruḥ ḏ ṯsȓiṯ qqaren: "Araḥ-d!" Wenni itsȓan aḏ yini: "Araḥ-d!" Wenni ifuḏen aḏ d yas, wenni irezzun aman n ṯuḏarṯ aḏ isew baṭeȓ!

Lwaḥi 6:11

Ṯumma immuc-asen marra ij-ij, čammir ḏ acemȓaȓ itwanna-yasen ƹaḏ aḏ teṣbarem cwayt aȓ ɣa itwakemmeȓ lƹadad nican n ayṯmaṯwem iy ɣa itwanɣen amecnaw kenniw, iƹni yinni iy iƹebbḏen am kenniw.