Lwaḥi 13:6 - Ṯarifiṯ 2020

⁶ Ibḏa issawaȓ s wawaȓ war iḥȓin x Arebbi, iƹni s wawaȓ war iḥȓin x yisem nnes ḏ ṯzeddiɣṯ nnes ḏ imezḏaɣ ujenna.

Lwaḥi 13:6 ပူးပေါင်းရင်းမြစ်များ

Matta 12:34

A ṯarwa ifiɣeran, mammec ɣa ṯeggem aḏ tinim awaȓ aṣebḥan u kenniw ḏ iƹeffanen? Ȓaḥeqqac aqemmum n bnaḏem issawaȓ min iǧan ḏeg wuȓ nnes.

Matta 15:19

Ȓaḥeqqac zeg wuȓ iy zi d tekkant lʼafkar ṯiƹeffanin ḏ ṯmenɣiwṯ ḏ zzna ḏ lfasad ḏ ṯukkarḏa ḏ ẓẓur ḏ ȓbaṭeȓ.

Yuḥanna 1:14

Awaȓ-a iḏweȓ ḏ bnaḏem, izḏeɣ jaraneɣ. Neccin neẓra lƹaḍama ɣares iǧan, lƹaḍama-ya ṯeǧa ɣar Mmis waḥḏes n Babas. Netta iccur s arḍa ḏ lḥaqiqa.

Ayṯ-Ruma 3:13

Ṯmijja nsen ḏ anḍeȓ inurzmen, iȓesawen nsen ixeddƹen. Ssem n ifiɣeran iteffeɣ-d zeg iyencicen nsen.

Ayṯ-Kulus 1:19

Liʼanna iƹjeb-as i Arebbi aḏayes isezḏeɣ ḏi Mmis qaƹ min ɣares.

Ayṯ-Kulus 2:9

Liʼanna Lmasiḥ marra min iǧan n Arebbi izḏeɣ ḏi ddat nnes.

Iƹibraniyen 9:2

Iƹni sewjaḏen ijjen n Uqiḍun Ameqqran ḏayes ṯnayen n ixammen. Ḏeg uxxam amezwaru ggin ḏayes ȓqendiȓ ḏ ṭṭabȓa mani srusan aɣrum nni itqeddamen ḏ ṣṣeḏqeṯ i Arebbi. Axxam nni qqaren-as

Iƹibraniyen 9:24

Cuf, Lmasiḥ war yuḏif ca Axxam nni Amqeddes Aṭṭas iy ibnan s ifassen n bnaḏem itcabbahen waha ḏeg wenni n ṣṣaḥ; Lla, netta yuḏef ḏeg ujenna nniṯ aḏ iḥḍar zzaṯ i Arebbi ƹlaḥsab neccin.

Lwaḥi 11:12

Sȓin i yijjen n ṯmijja ṯejheḏ tȓaɣa-d xasen zeg ujenna ṯeqqar-asen: "Gaƹƹḏem-d ḏanita!" Ȓechuḏ nni gaƹƹḏen ɣar ujenna ḏeg useynu, ȓƹaḏyan nsen xzaren ḏaysen.

Lwaḥi 12:12

X manaya, fareḥ ay Ajenna, ḏ yinni ḏayes izeddɣen! Walakin ya tamara x imezḏaɣ n ȓbarr ḏ ȓebḥar! Ibȓis ihwa-d ɣarwem iɣḍeb aṭṭas, minzi issen ṯeqqim-as ḏrus n ȓweqṯ."

Lwaḥi 15:5

Menbaƹd i manaya ẓriɣ ṯamziḏa ṯameqqrant iƹni aqiḍun n chaḏeṯ inurzem ḏeg ujenna.

Lwaḥi 18:20

Ay ajenna, fareḥ x uhḏam nnes. Farḥem a ȓmuminin ṣṣaliḥin ḏ arrusul ḏ lʼanbiya! Aqa iḥaseb-it Arebbi x min ḏawem ṯegga."

Lwaḥi 21:3

Sȓiɣ i yijjen n ṯmijja zi lƹarc ṯeqqar s jjheḏ: "Aqa ṯazeddiɣṯ n Arebbi ak yiwḏan, aḏ izḏeɣ jarasen aḏ iȓin ḏ ccaƹb nnes. Arebbi s yixef nnes akiḏsen yiȓi, u ƹaweḏ aḏ yiȓi ḏ Arebbi nsen.

Lwaḥi 4:1

Menbaƹd i manaya ẓriɣ ijjen n ṯewwarṯ ṯnurzem ḏeg ujenna, sȓiɣ i ṯmijja nni iy ɣari d issiwȓen zi qbeȓ ṣṣut nnes igga am zzammar, ṯenna-ayi-d: "Gaƹƹeḏ-d ḏanita aḏac d smeḍhareɣ min labud ɣa iweqƹen menbaƹd i manaya."

Lwaḥi 4:4

Nnḍen-as-d i lƹarc-a arbeƹa u ƹicrin n lƹarcaṯ, xasen arbeƹa u ƹicrin n imɣaren ggin arruḍ ḏ acemȓaȓ, kuȓ ijjen zzaysen ɣares ttaj n ddheb x uzeǧif nnes.

Lwaḥi 5:13

Ṯumma sȓiɣ i kuȓ lmexluq iǧan ḏeg ujenna ḏ ṯmurṯ ḏ swadday i ṯmurṯ ḏ ȓebḥar ḏ marra min ḏaysen qqaren-asen i wenni iqqimen x lƹarc uȓa ḏ Yizmar: "Aɣarwem yiȓi lḥamed ḏ uweqqar ḏ lƹaḍama ḏ ȓeḥkam i ȓebda n ȓebdaṯ!"

Lwaḥi 7:15

S manaya aqaṯen zzaṯ i lƹarc n Arebbi, ƹebbḏen-ṯ ǧiȓeṯ ḏ nhar ḏi ṯemziḏa ṯameqqrant nnes. Wenni iqqimen x lƹarc aṯen iḥḍa.

Lwaḥi 7:9

Menbaƹd i manaya xzareɣ, twaȓiɣ aṭṭas n ȓɣaci bȓa ȓeḥsab zi mkuȓ ȓgens ḏ ȓqum ḏ ccaƹb ḏ lluɣa, bedden zzaṯ i lƹarc ḏ zzaṯ i Yizmar ggin čammir ḏ acemȓaȓ, ḏeg ifassen nsen ṯaseṭṭa n tmar.