Lwaḥi 13:1 - Ṯarifiṯ 2020

¹ Ẓriɣ ijjen n ȓwaḥc iffeɣ-d zi ȓebḥar, ɣares sebƹa n iqeyyuƹen ḏ ƹecra n waccawen, x waccawen nnes ƹecra n ttajaṯ. Urin x iqeyyuƹen nnes isemawen war iḥȓin x Arebbi.

Lwaḥi 13:1 ပူးပေါင်းရင်းမြစ်များ

Lwaḥi 11:7

Xmi ɣa kemmȓen ȓexbar nsen iy zi ɣa cehḏen, aḏ d igaƹƹeḏ ȓwaḥc zi ȓaǧeɣ bȓa ȓaḥedd aṯen iḥareb, aṯen iɣȓeb, aḏ ineɣ ȓechuḏ nni.

Lwaḥi 12:3

Ṯmeḍhar-d ḏeg ujenna ijjen n lƹalama nneɣni ṯegga am ddaynaṣur ḏ ameqqran ḏ azeggwaɣ ɣares sebƹa n izeǧifen ḏ ƹecra n waccawen, ḏ sebƹa n ttajaṯ x izeǧifen nnes.

Lwaḥi 13:11

Ẓriɣ ijjen n ȓwaḥc nneɣni iffeɣ-d zi ṯmurṯ, ɣares ṯnayen n waccawen am waccawen n yizmar walakin netta issaweȓ am ddaynaṣur.

Lwaḥi 13:14

Ixeddeƹ imezḏaɣ n ṯmurṯ s lmuƹjizaṯ nni iy ḏas itwasemḥen aṯent igg zzaṯ i ȓwaḥc amezwaru. Yumar imezḏaɣ n ṯmurṯ aḏ ṣenƹen ijjen n lʼaṣnam am ȓwaḥc nni iy ḏi iǧa ujarriḥ n ssif walakin netta iddar.

Lwaḥi 13:15

Itwasmeḥ-as aḏ igg buḥbeȓ ḏi lʼaṣnam-a itwaṣenƹen x ṣṣifeṯ n ȓwaḥc amezwaru ḥima aḏ issiweȓ aḏ ineɣ marra yinni war isejjḏen ca i lʼaṣnam-a am ȓwaḥc nni.

Lwaḥi 15:2

Ẓriɣ ƹaweḏ amecnaw ȓebḥar n jjaj ixelleṭ ak ṯmessi, bedden xas yinni iɣeȓben ȓwaḥc ḏ lʼaṣnam nnes ḏ rraqem n yisem nnes. Kuȓ ijjen zzaysen ikessi ijjen n ṯgambrit n Arebbi.

Lwaḥi 16:13

Ẓriɣ ṯȓaṯa n jnun iƹeffanen ggin am ijerwan: ijjen iteffeɣ-d zeg uqemmum n wenni am ddaynaṣur; ijjen iteffeɣ-d zeg uqemmum n ȓwaḥc; ijjen iteffeɣ-d zeg uqemmum n wenni itarran ixef nnes ḏ nnabi.

Lwaḥi 17:16

Ƹecra n waccawen nni iy ṯeẓriḏ u ḏ ȓwaḥc nni aḏ ƹiffen lfasda, aḏas kksen marra min ɣares at jjen ḏ ṯaƹeryant. Aḏ ccen aysum nnes, at sḥerqen s ṯmessi.

Lwaḥi 17:3

Lmalak nni iysi-ayi arruḥ ɣar ȓexȓa, ẓriɣ ijjen n ṯemɣarṯ ṯenya x yijjen n ȓwaḥc ḏ azeggwaɣ iḥeḏqen iƹemmar s yisemawen war iḥȓin x Arebbi. Ɣares sebƹa n iqeyyuƹen ḏ ƹecra n waccawen.

Lwaḥi 17:5

X ṯenyarṯ nnes yura ḏinni ijjen n yisem: Babil Ṯameqqrant, ḏ yemmaṯsent n lfasdaṯ ḏ ṯuƹuffna n ṯmurṯ. Walakin ȓmaƹna nnes war ṯ ifehhem ḥadd.

Lwaḥi 19:19

Ẓriɣ ȓwaḥc ḏ izeǧiḏen n ṯmurṯ ḏ ȓƹaskar nsen njemƹen ḥima aḏ ḥarben wenni inyin x uyis ḏ ȓƹaskar nnes.