Lwaḥi 12:4 - Ṯarifiṯ 2020

⁴ Ijarr s uƹennab nnes tuluṯ n yiṯran ujenna, inḍar-iṯen ɣar ṯmurṯ. Ibedd bu-sebƹa-ya izeǧifen zzaṯ i ṯemɣarṯ nni u nettaṯ tarew ḥima xmi ṯ ɣa ṯarew aḏas icc mmis.

Lwaḥi 12:4 ပူးပေါင်းရင်းမြစ်များ

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

1 Buṭrus 5:8

Arrem-d ȓbaȓ nwem, iȓiṯ ƹlabal. Ȓaƹḏu nwem Ibȓis qa itqeyyaḏ-kenniw am ssbaƹ ithirriw irezzu x wenni iy ɣa iseɣȓi.

Lwaḥi 12:7

Iwqeƹ ȓḥarb ḏeg ujenna. Mikaʼil ḏ lmalaʼikaṯ nnes ḥarben bu-sebƹa izeǧifen. Bu-sebƹa-ya izeǧifen ḏ ccayaṭin nnes ḥarben ƹaweḏ uȓa ḏ niṯni.

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

Lwaḥi 13:2

Ȓwaḥc-a iy ẓriɣ itcabbah ḏeg uɣiȓas, iḍaren nnes ggin am iḍaren n ddub, aqemmum nnes igga am uqemmum n ssbaƹ. Wenni iǧan am ddaynaṣur yuca-as i ȓwaḥc-a jjheḏ nnes ḏ lƹarc nnes ḏ ijjen n ssulṭa ṯemɣar.

Lwaḥi 13:4

Sejjḏen-as yiwḏan i wenni iggin am ddaynaṣur ȓaḥeqqac yuca-as i ȓwaḥc-a ssulṭa nnes. Ƹaweḏ sejjḏen-as i ȓwaḥc-a nnan: "Uw ɣa yiȓin am ȓwaḥc-a? Ug izemmaren aṯ iḥareb?"

Lwaḥi 16:13

Ẓriɣ ṯȓaṯa n jnun iƹeffanen ggin am ijerwan: ijjen iteffeɣ-d zeg uqemmum n wenni am ddaynaṣur; ijjen iteffeɣ-d zeg uqemmum n ȓwaḥc; ijjen iteffeɣ-d zeg uqemmum n wenni itarran ixef nnes ḏ nnabi.

Lwaḥi 17:18

Ṯamɣarṯ nni iy ṯeẓriḏ nettaṯ ḏ ṯandint ṯameqqrant ig iteḥkamen x izeǧiḏen n ṯmurṯ."

Lwaḥi 20:2

Iṭṭef wenni iggin am ddaynaṣur netta ḏ fiɣer nni n zman iƹni Ibȓis niɣ ḏ Cciṭan, iqqen-iṯ iḥbes-iṯ aȓaf n iseggwusa.

Lwaḥi 8:10

Ṯekkar lmalaʼika wis tȓaṯa ṯṣuḍ ḏi zzammar nnes uca iwḍa-d ijjen n yiṯri ḏ ameqqran zeg ujenna itceƹƹaȓ amecnaw asfeḍ. Iwḍa-d x tuluṯ n yiɣzran ḏ ȓaƹnaṣer n waman.

Lwaḥi 8:11

Iṯri nni qqaren-as Cciḥ. Tuluṯ n waman nni ḏewȓen ḏ imerzagen. Aṭṭas zeg yinni iswin zzaysen mmuṯen minzi aman nni ḏ imarzagen.

Lwaḥi 8:12

Ṯekkar lmalaʼika wis arbeƹa ṯṣuḍ ḏi zzammar nnes uca tuluṯ n ṯfucṯ ḏ ṯziri ḏ yiṯran twasenhezzen ḥima tuluṯ nni aḏ tiȓi ḏ ṯaǧesṯ, aḏ tenqes ijjen n tuluṯ n ṯfawṯ ḏi nhar uȓa ḏ ǧiȓeṯ.

Lwaḥi 8:7

Ṯekkar lmalaʼika ṯamezwarut ṯṣuḍ ḏi zzammar nnes uca yusa-d icarra ḏ ṯmessi mxellṭen ak iḏammen menḍaren ɣar ṯmurṯ. Ṯecmeḍ tuluṯ n ṯmurṯ ḏ tuluṯ n ȓcejjur ḏ marra arbiƹ azeyza.

Lwaḥi 8:8

Ṯekkar lmalaʼika wis ṯnayen ṯṣuḍ ḏi zzammar nnes uca ṯmenḍar-d can ȓḥajeṯ ḏi ȓebḥar amecnaw can uḏrar ḏ ameqqran itceƹƹaȓ s ṯmessi. Tuluṯ n ȓebḥar iḏweȓ ḏ iḏammen.

Lwaḥi 8:9

Tuluṯ n lmexluqaṯ ig itƹican ḏi ȓebḥar mmuṯen, tuluṯ n iɣarruba twarzen.

Lwaḥi 9:10

Ɣarsent ṯicceṭ am ṯenni n ṯɣirḏent, teqqsent zzayes. Ɣarsent jjheḏ aḏ ḍarrent iwḏan xems chur s ṯicceṭ nni.

Lwaḥi 9:19

Jjheḏ n yiysan-a aqaṯ ḏeg uqemmum nsen ḏ iƹennaben nsen. Iƹennaben nsen tcabbahen ḏeg ifiɣeran, tḍarran s izeǧifen nsen.