Lwaḥi 12:11 - Ṯarifiṯ 2020

¹¹ Ɣeȓben-ṯ ayṯmaṯneɣ s iḏammen n Yizmar ḏ chaḏeṯ nsen. Ṯuḏarṯ nsen war xasen ṯƹizz ca, wejḏen aḏ mmṯen.

Lwaḥi 12:11 ပူးပေါင်းရင်းမြစ်များ

Luqa 14:26

"Wenni ɣari d itasen nec, meȓa iƹizz xas babas ktar zzayi nec niɣ ḏ yemmas niɣ ḏ ṯemɣarṯ nnes niɣ ḏ ṯarwa nnes niɣ ḏ ayṯmas niɣ ḏ swiṯmas niɣ ḏ ixef nnes, ataf war izemmar aḏ yiȓi ḏ ameḥḍar inu.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Ȓexḏayem 20:24

Walakin war ticceɣ bu lhimma i ṯuḏarṯ inu. Nec aḏ kemmȓeɣ minxef d usiɣ ḏ ȓxeḏmeṯ iy zi ḏayi ikellef Siḏiṯneɣ Ƹisa, iƹni aḏ cehḏeɣ x L'injil n arḍa n Arebbi.

Ȓexḏayem 21:13

Inna-aneɣ: "Min kenniw yuɣin? Mayemmi iy ḏayi ṯeḥfarem ḏeg wuȓ s imeṭṭawen nwem? Nec aqayi mujud maci aḏayi qqnen waha. Nec aqayi mujud aḏ mmṯeɣ ḏi Lquds ƹlaḥsab isem n Siḏiṯneɣ Ƹisa!"

Ayṯ-Ruma 16:20

Arebbi n ȓehna netta ƹȓayen aḏ iȓbeẓ Cciṭan swadday i iḍaren nwem. Akiḏwem yiȓi arḍa n Siḏiṯneɣ Ƹisa Lmasiḥ.

1 Ayṯ-Kurinṯ 15:57

Neccin a neḥmeḏ Arebbi! Netta iticc-aneɣ-d bac a nerbeḥ s Siḏiṯneɣ Ƹisa Lmasiḥ.

1 Yuḥanna 4:4

Kenniw a iḥenjiren, zi Arebbi iy ṯeǧam. Iṯarrasen-a ṯɣeȓbem-ṯen ȓaḥeqqac wenni iǧan ḏaywem imɣar x wenni iǧan ḏi ddunect-a.

1 Yuḥanna 5:5

Min iƹna wenni iɣellben x ddunect-a? Wenni iɣellben ḏ wenni yumnen illa Ƹisa ḏ Mmis n Arebbi.

Lwaḥi 1:2

U netta ḏ ccaheḏ x marra min iẓra, iƹni x wawaȓ n Arebbi ḏ minxef icheḏ Ƹisa Lmasiḥ.

Lwaḥi 1:9

Nec ḏ Yuḥanna ḏ umaṯwem, cerrceɣ akiḏwem ḏi ȓemḥayen ḏ ȓmulk n Arebbi ḏ ṣṣbar ig iǧan ḏi Ƹisa. Tuɣa ǧiɣ ḏi ṯeyzirṯ n Baṭmus ƹlaḥsab awaȓ n Arebbi ḏ minxef icheḏ Ƹisa.

Lwaḥi 11:7

Xmi ɣa kemmȓen ȓexbar nsen iy zi ɣa cehḏen, aḏ d igaƹƹeḏ ȓwaḥc zi ȓaǧeɣ bȓa ȓaḥedd aṯen iḥareb, aṯen iɣȓeb, aḏ ineɣ ȓechuḏ nni.

Lwaḥi 12:17

Iɣḍeb bu-sebƹa izeǧifen x ṯemɣarṯ nni iruḥ aḏ iḥareb s min iqqimen zi ddurriṯ nnes, iƹni yinni iteggen array s ȓuṣiyaṯ n Arebbi teṭṭfen x minxef icheḏ Ƹisa.

Lwaḥi 19:10

Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."

Lwaḥi 2:13

Nec ssneɣ mani ṯzeddɣeḏ, ḏinni lƹarc n Cciṭan. Cek teṭṭfeḏ ḏeg yisem inu. War ṯenkareḏ ca l'iman iy zzayi ṯeggiḏ, waxxa ḏeg wussan nni iy ḏi nɣin ijjen n ccahiḏ inu ḏayes ȓaman qqaren-as Antipas. Nɣin-ṯ zzaṯwem mani izeddeɣ Cciṭan.

Lwaḥi 2:17

Ṣenneṭ mliḥ a wenni itsȓan min iqqar Arruḥ n Arebbi i ṯjumaƹ n ȓmuminin. Wenni ɣa irebḥen, aḏas uceɣ aḏ icc aɣrum n lmanna wenni itwasnuffaren. Aḏas uceɣ azru ḏ acemȓaȓ yura ḏayes ijjen n yisem ḏ jḏiḏ war ṯ issin ḥadd illa wenni iy ṯ ɣa iqebȓen.

Lwaḥi 2:26

Wenni ɣa irebḥen ḏ wenni ɣa iṣbaren ḏi ȓxeḏmeṯ inu ḥetta aȓ uneggaru aḏas uceɣ nec ssulṭa x ȓegnus, ammec ḏayi ṯemmuc i nec zi Baba: Aṯen yarwes s uƹekkaz n ȓeḥḏiḏ, aṯen irez am iqnucen n ucaȓ.

Lwaḥi 2:7

Ṣenneṭ mliḥ a wenni itsȓan min iqqar Arruḥ n Arebbi i ṯjumaƹ n ȓmuminin. Wenni ɣa irebḥen aḏas uceɣ aḏ icc zi ṯcejjarṯ n ṯuḏarṯ iy iǧan ḏi jjenneṯ n Arebbi.

Lwaḥi 20:4

Ẓriɣ lƹarcaṯ ḏ yinni xasen iqqimen ṯemmuc-asen ssulṭa aḏ ḥekmen. Ẓriɣ buḥbeȓ n yinni umi itwaqessen izeǧifen liʼanna ḏeffaren minxef icheḏ Ƹisa ḏ wawaȓ n Arebbi. Niṯni tuɣaṯen war sejjḏen ca i ȓwaḥc niɣ i lʼaṣnam nnes, tuɣa war qbiȓen ca ṭṭabaƹ nnes x ṯenyarṯ nsen niɣ x ufus nsen. Kkaren-d zi ȓmewṯ ḥekmen ak Ƹisa aȓaf n iseggwusa.

Lwaḥi 3:12

Qa wenni ɣa irebḥen aṯ sbeddeɣ am yijjen n upilar ḏi ṯemziḏa ṯameqqrant n Arebbi inu aḏ iqqim ḏinni i ȓebda. Axas ariɣ isem n Arebbi inu ḏ yisem n ṯendint n Arebbi inu, iƹni Lquds n jḏiḏ iy d ɣa ihwan zeg ujenna zi Arebbi inu. Axas ariɣ isem inu ḏ jḏiḏ.

Lwaḥi 3:21

Wenni ɣa irebḥen aṯ jjeɣ akiḏi iqqim x lƹarc inu, am rebḥeɣ uȓa ḏ nec qqimeɣ ak Baba x lƹarc nnes.

Lwaḥi 3:5

Wenni ɣa irebḥen aḏas ggen arruḍ ḏ acemȓaȓ. Nec ƹemmarṣ aḏ mesḥeɣ isem nnes zi Lkitab n Ṯuḏarṯ, axas cehḏeɣ zzaṯ i Baba ḏ lmalaʼikaṯ nnes.

Lwaḥi 6:9

Izmar nni wami irzem acemmaƹ wis xemsa, ẓriɣ swadday i ȓmeḏbaḥ buḥbeȓ n yinni itwanɣen ƹlaḥsab awaȓ n Arebbi ḏ chaḏeṯ iy cehḏen.