Lwaḥi 11:3 - Ṯarifiṯ 2020

³ Aḏ ssekkeɣ ṯnayen n ȓechuḏ inu aḏ ggen arruḍ n lḥuzen aḏ xbaren iwḏan s min ƹeȓmen zi Arebbi aȓaf u miyyatayen u settin yum."

Lwaḥi 11:3 ပူးပေါင်းရင်းမြစ်များ

Matta 11:21

Inna Ƹisa: "Ya ȓefḍiḥeṯ nnec ya abilaj n Kurazim! Ya ȓefḍiḥeṯ nnec ya abilaj n Bayt Ṣayda! Maƹlik lmuƹjizaṯ-a iy ḏaywem iweqƹen, weqƹent ḏi ṯneddam ṯiƹeffanin n Ṣur ḏ Ṣayda, ataf ayṯbab nsent tuben mecḥaȓ zeg wami, iȓi ggin arruḍ n lḥuzen qqimen x yiɣɣeḏ ḥima aḏ d tban tuba nsen.

Matta 18:16

Walakin meȓa yugi aɣarek iṣenneṭ, awi akiḏec ijjen niɣ ṯnayen ḥima ataf lɣaleṭ nnes ssnen-ṯ ṯnayen niɣ ṯȓaṯa n ȓechuḏ.

Luqa 10:13

Ya ȓefḍiḥeṯ nnec ya abilaj n Kurazim! Ya ȓefḍiḥeṯ nnec ya abilaj n Bayt Ṣayda! Maƹlik lmuƹjizaṯ-a iy ḏaywem iweqƹen, weqƹent ḏi ṯneddam ṯiƹeffanin n Ṣur ḏ Ṣayda, ataf ayṯbab nsent tuben mecḥaȓ zeg wami, iȓi ggin arruḍ n lḥuzen qqimen x yiɣɣeḏ ḥima aḏ d tban tuba nsen.

Luqa 24:48

Kenniw aqa ṯcehhḏem x manaya.

Yuḥanna 15:27

Aḏ tcehḏem uȓa ḏ kenniw ƹaweḏ minzi aqa kenniw akiḏi zeg umezwaru."

Yuḥanna 3:27

Inna-asen Yaḥya: "War izemmar bnaḏem aɣares ṯiȓi can ṯmesȓayṯ meȓa war ḏas d tusi ca zi Arebbi.

Ȓexḏayem 1:8

Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."

Ȓexḏayem 13:31

Ṯumma imeḍehhar-d Ƹisa ḏeg waṭṭas n nhuraṯ i yinni tuɣa igaƹƹḏen akiḏes zi ṯmurṯ n Ljalil ɣar ṯendint n Lquds. Ȓexxu yina iǧan ḏ ȓechuḏ nnes ɣar ccaƹb.

Ȓexḏayem 2:32

Ƹisa-ya wanita isekkar-iṯ-iḏ Arebbi zi ȓmewṯ, aqa neccin marra ncehheḏ x manaya.

Ȓexḏayem 3:15

Ṯenɣim wenni iǧan ḏ lʼaṣel n ṯuḏarṯ, walakin Arebbi isekkar-iṯ-iḏ zi ȓmewṯ, neccin necheḏ xas.

1 Ayṯ-Kurinṯ 12:28

Ḏi jmaƹeṯ-a n ȓmuminin iretteb Arebbi ḏ amezwaru arrusul, wis ṯnayen lʼanbiya, wis ṯȓaṯa imseȓmaḏen, menbaƹd yinni isxeddamen lmuƹjizaṯ ḏ yinni ɣar ǧant lqudraṯ bac aḏ sgenfan iwḏan, ḏ yinni itƹawanen, ḏ yinni itkellafen s ȓxeḏmeṯ, ḏ yinni issawaȓen s ȓebƹaḍ n lluɣaṯ ruḥiyaṯ.

2 Ayṯ-Kurinṯ 13:1

Ṯanita ḏ zziyara wis ṯȓaṯa taseɣ-d ɣarwem. Mamc iqqar Lkitab:

Ayṯ-Ufasus 4:11

Ḏ netta ig ixḍaren arrusul ḏ lʼanbiya ḏ yinni ig itbeccaren s Lʼinjil ḏ ȓfuqaha ḏ imseȓmaḏen.

Lwaḥi 1:5

U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.

Lwaḥi 11:2

Walakin ȓemraḥ iǧan ɣar barra i ṯemziḏa ejj-iṯ waḥḏes, war ṯ teƹbar ca ȓaḥeqqac immuc-asen i ȓegnus. Aḏ ƹeffsen ṯandint iqeddsen ḏi ṯnayen u arbeƹin n churaṯ.

Lwaḥi 11:6

Ḏi ȓiyamaṯ nni iy ḏi ɣa xbaren ȓechuḏ-a s min ƹeȓmen zi Arebbi ataf aɣarsen ṯiȓi ssulṭa zi ɣa bellƹen ajenna war d icciṯ bu unẓar qaƹ. Ataf ƹaweḏ aɣarsen ṯiȓi ssulṭa aḏ arren aman ḏ iḏammen aḏ ḍeȓqen i marra lmuṣibaṯ x ṯmurṯ meȓmi ma xsen.

Lwaḥi 12:6

Ṯamɣarṯ-a ṯarweȓ ɣar ȓexȓa mani ḏas isewjeḏ Arebbi amcan at seccen ḏinni aȓaf u miyyatayen u settin yum.

Lwaḥi 13:5

Immuc-as uqemmum i ȓwaḥc-a iy zi ɣa issiweȓ s ttakebbur ḏ wawaȓ war iḥȓin x Arebbi. Ṯemmuc-as ssulṭa iy zi ɣa ixḏem ṯnayen u arbeƹin n churaṯ.

Lwaḥi 19:10

Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."

Lwaḥi 20:4

Ẓriɣ lƹarcaṯ ḏ yinni xasen iqqimen ṯemmuc-asen ssulṭa aḏ ḥekmen. Ẓriɣ buḥbeȓ n yinni umi itwaqessen izeǧifen liʼanna ḏeffaren minxef icheḏ Ƹisa ḏ wawaȓ n Arebbi. Niṯni tuɣaṯen war sejjḏen ca i ȓwaḥc niɣ i lʼaṣnam nnes, tuɣa war qbiȓen ca ṭṭabaƹ nnes x ṯenyarṯ nsen niɣ x ufus nsen. Kkaren-d zi ȓmewṯ ḥekmen ak Ƹisa aȓaf n iseggwusa.