Lwaḥi 11:19 - Ṯarifiṯ 2020

¹⁹ Ṯnurzem ṯemziḏa ṯameqqrant n Arebbi ḏeg ujenna, imeḍhar-d tabut n ȓƹaheḏ n Arebbi ḏi ṯemziḏa nni. Iwqeƹ wassam ḏ iɣuyan ḏ wajjaj ḏ zzinzal ḏ icarra aṭṭas.

Lwaḥi 11:19 ပူးပေါင်းရင်းမြစ်များ

Lwaḥi 11:13

Ḏi ȓweqṯ nni iwqeƹ ijjen n zzinzal ḏ ameqqran, ṯnehḏem ƹecra ḏi miyya zi ṯendint. Mmuṯen ḏi zzinzal-a sebƹaȓaf n yiwḏan. Yinni iqqimen ggwḏen, bḏan semɣaren Arebbi ig iǧan ḏeg ujenna.

Lwaḥi 11:15

Ṯekkar lmalaʼika wis sebƹa ṯṣuḍ ḏi zzammar nnes, uca ṯimijjawin ḏeg ujenna qqarent s jjheḏ: "Iḏweȓ ȓeḥkam n ddunect-a ḏeg ifassen n Siḏi Arebbi nneɣ ḏ Lmasiḥ nnes, aḏ iḥkem i ȓebda n ȓebdaṯ."

Lwaḥi 12:1

Ṯmeḍhar-d ijjen n lƹalama ḏeg ujenna ḏ ṯameqqrant, iƹni ṯamɣarṯ ṯenneḍ-as-d ṯfuct, swadday iḍaren nnes ṯaziri, x uzeǧif nnes ijjen n ttaj ḏayes ṯenƹac n yiṯran.

Lwaḥi 16:1

Sȓiɣ i yijjen n ṯmijja ṯendeq-d zi ṯemziḏa ṯameqqrant ṯeqqar-asent i sebƹa nni n lmalaʼikaṯ s jjheḏ: "Ruḥent zeǧƹent sebƹa n ṯmejmarin n uɣḍab n Arebbi x ṯmurṯ."

Lwaḥi 16:18

Iwqeƹ wassam ḏ iɣuyan ḏ wajjaj ḏ zzinzal ijheḏ. Ƹemmarṣ war iwqiƹ am zzinzal-a ijehḏen zeg wami iǧa bnaḏem x ṯmurṯ.

Lwaḥi 16:21

Iwḍa-d icarra ḏ ameqqran zeg ujenna x yiwḏan, kuȓ abquq iwezzen azyen uqendar. Iwḏan qqaren awaȓen war iḥȓin x Arebbi x ssabab n lmuṣiba-ya n icarra ȓaḥeqqac lmuṣiba-ya ḏ ṯameqqrant aṭṭas.

Lwaḥi 19:11

Ẓriɣ ajenna inurzem ḏinni ijjen n uyis ḏ acemȓaȓ, wenni xas inyin qqaren-as Ȓaman ḏ ȓḥaqq. Itḥasab itḥarab s ȓḥaqq.

Lwaḥi 4:1

Menbaƹd i manaya ẓriɣ ijjen n ṯewwarṯ ṯnurzem ḏeg ujenna, sȓiɣ i ṯmijja nni iy ɣari d issiwȓen zi qbeȓ ṣṣut nnes igga am zzammar, ṯenna-ayi-d: "Gaƹƹeḏ-d ḏanita aḏac d smeḍhareɣ min labud ɣa iweqƹen menbaƹd i manaya."

Lwaḥi 4:5

Iteffeɣ-d zi lƹarc wassam ḏ iɣuyan ḏ wajjaj. Zzaṯ i lƹarc ḏinni sebƹa n isfeḍawen n ṯmessi ceƹƹȓen, yina niṯni ḏ sebƹa n arruḥaṯ n Arebbi.

Lwaḥi 7:15

S manaya aqaṯen zzaṯ i lƹarc n Arebbi, ƹebbḏen-ṯ ǧiȓeṯ ḏ nhar ḏi ṯemziḏa ṯameqqrant nnes. Wenni iqqimen x lƹarc aṯen iḥḍa.

Lwaḥi 8:5

Iysi lmalak-a ṯimejmarṯ nni n tbaxur, iƹemmar-it s ṯmessi n ȓmeḏbaḥ, izeǧeƹ-it ɣar ṯmurṯ. Iwqeƹ wajjaj ḏ iɣuyan ḏ wassam ḏ zzinzal.

Lwaḥi 8:7

Ṯekkar lmalaʼika ṯamezwarut ṯṣuḍ ḏi zzammar nnes uca yusa-d icarra ḏ ṯmessi mxellṭen ak iḏammen menḍaren ɣar ṯmurṯ. Ṯecmeḍ tuluṯ n ṯmurṯ ḏ tuluṯ n ȓcejjur ḏ marra arbiƹ azeyza.