Lwaḥi 11:15 - Ṯarifiṯ 2020

¹⁵ Ṯekkar lmalaʼika wis sebƹa ṯṣuḍ ḏi zzammar nnes, uca ṯimijjawin ḏeg ujenna qqarent s jjheḏ: "Iḏweȓ ȓeḥkam n ddunect-a ḏeg ifassen n Siḏi Arebbi nneɣ ḏ Lmasiḥ nnes, aḏ iḥkem i ȓebda n ȓebdaṯ."

Lwaḥi 11:15 ပူးပေါင်းရင်းမြစ်များ

Matta 24:31

Aḏ iṣuḍ ijjen n zzammar ḏ ameqqran, aḏ d issekk lmalaʼikaṯ nnes ɣar arbeƹa n imucan n ṯmurṯ manis d itekk arriḥ: zi ccarq ḏ lɣarb ḏ ljanub ḏ ccamal. Aḏ d ismun yinni ixḍar zi ȓaḥedd n ujenna aȓ ȓaḥedd nnes nneɣni.

Matta 6:13

War ḏaneɣ tegg ca ḏi ȓemḥayen, senjem-aneɣ zi ccarr. {Ȓaḥeqqac ȓmulk iǧan nnec, ḏ ṯizemmar, ḏ lƹaḍama i cek i ȓebda. Amin.}

Luqa 1:33

Aḏ iḥkem x ȓqum n Yaƹqub i ȓebda, ȓmulk nnes ƹemmarṣ aḏ ifna."

Luqa 15:10

Aḏawem iniɣ: Amenni ijjen meȓa iƹṣa menbaƹd itub, ataf akiḏes farḥent lmalaʼikaṯ n Arebbi."

Luqa 15:6

Aḏ iḏweȓ ɣar ṯeddarṯ nnes aḏ d iȓaɣa x imeddukaȓ nnes ḏ jjiran nnes aḏasen yini farḥem akiḏi aqa ufiɣ aḥuȓi nni iy tuɣa ḏayi iweddaren!

Ȓexḏayem 4:26

Sewjaḏen izeǧiḏen n ṯmurṯ ixef nsen, munen arruyas ak wayawya, bac aḏ ƹarrḍen i Siḏi Arebbi ḏ Lmasiḥ nnes.

Iƹibraniyen 1:8

Walakin x Mmis iqqar ḏi Lkitab:

Lwaḥi 10:7

Aqa ḏi nhuraṯ nni xmi ɣa ṯṣuḍ lmalaʼika wis sebƹa ḏi zzammar nnes qa ṣafi ssirr n Arebbi ikemmeȓ mammec ḏasen ṯ iƹaweḏ i lƹibad nnes lʼanbiya."

Lwaḥi 12:10

Sȓiɣ i yijjen n ṯmijja ḏeg ujenna ṯeqqar s jjheḏ: "Ȓexxu Arebbi nneɣ isenjam, imeḍhar-d jjheḏ ḏ ȓmulk nnes, ḏ ssulṭa n Lmasiḥ nnes. Ȓaḥeqqac wenni iceṯcan zeg ayṯmaṯneɣ imenḍar-d ɣar ṯmurṯ, ḏ netta ig iceṯcan zzaysen ǧiȓeṯ ḏ nhar ɣar Arebbi nneɣ.

Lwaḥi 15:4

A Siḏi, min ƹnan yinni war c iteggwḏen? Min ƹnan yinni isem nnec war ṯ isemɣaren? Aqa cek waḥḏec ig iṣfan. Marra ȓegnus aḏ d asen aḏac sejjḏen, minzi ȓexḏayem nnec banent-id nican."

Lwaḥi 16:17

Ṯekkar lmalaʼika wis sebƹa ṯzeǧeƹ ṯimejmarṯ nnes ḏi lhawa sȓiɣ i yijjen n ṯmijja zi ṯemziḏa ṯameqqrant iy d ikkin zi lƹarc ṯeqqar s jjheḏ: "Ṣafi, itwakemmeȓ!"

Lwaḥi 17:14

Niṯni aḏ ḥarben Izmar walakin netta aṯen iɣȓeb; Qa netta ḏ Mawlana n mawlanaṯ ḏ Azeǧiḏ n izeǧiḏen, yinni iy kiḏes iǧan iȓaɣa-yasen-d Arebbi ixḍar-iṯen, ḏaysen iǧa ȓaman."

Lwaḥi 19:1

Menbaƹd i manaya sȓiɣ i yijjen n ṯmijja amecnaw ṣṣut n waṭṭas n yiwḏan iǧan ḏeg ujenna, ṯeqqar s jjheḏ: "Ḥemḏeṯ Arebbi! Asenjem ḏ lƹaḍama ḏ jjheḏ i Arebbi nneɣ.

Lwaḥi 19:6

Sȓiɣ i yijjen n ṣṣut am ṣṣut n waṭṭas n ȓɣaci niɣ am ṣṣut n waṭṭas n waman niɣ am ṣṣut n wajjaj ijehḏen, iqqar: "Ḥemḏeṯ Arebbi! Siḏi Arebbi nneɣ ig izemmaren i kuȓci qa iḥekkem.

Lwaḥi 20:4

Ẓriɣ lƹarcaṯ ḏ yinni xasen iqqimen ṯemmuc-asen ssulṭa aḏ ḥekmen. Ẓriɣ buḥbeȓ n yinni umi itwaqessen izeǧifen liʼanna ḏeffaren minxef icheḏ Ƹisa ḏ wawaȓ n Arebbi. Niṯni tuɣaṯen war sejjḏen ca i ȓwaḥc niɣ i lʼaṣnam nnes, tuɣa war qbiȓen ca ṭṭabaƹ nnes x ṯenyarṯ nsen niɣ x ufus nsen. Kkaren-d zi ȓmewṯ ḥekmen ak Ƹisa aȓaf n iseggwusa.

Lwaḥi 8:12

Ṯekkar lmalaʼika wis arbeƹa ṯṣuḍ ḏi zzammar nnes uca tuluṯ n ṯfucṯ ḏ ṯziri ḏ yiṯran twasenhezzen ḥima tuluṯ nni aḏ tiȓi ḏ ṯaǧesṯ, aḏ tenqes ijjen n tuluṯ n ṯfawṯ ḏi nhar uȓa ḏ ǧiȓeṯ.

Lwaḥi 9:1

Ṯekkar lmalaʼika wis xemsa ṯṣuḍ ḏi zzammar nnes uca ẓriɣ ijjen n yiṯri tuɣa iwḍa-d zeg ujenna x ṯmurṯ. Immuc-as i yiṯri nni ȓmeftaḥ n wanu nni itawin ɣar ȓaǧeɣ bȓa ȓaḥedd.

Lwaḥi 9:13

Ṯekkar lmalaʼika wis setta ṯṣuḍ ḏi zzammar nnes uca sȓiɣ i yijjen n ṯmijja ṯendeq-d zi arbeƹa nni n waccawen n ȓmeḏbaḥ n ddheb iy iǧan zzaṯ i Arebbi.