Lwaḥi 11:11 - Ṯarifiṯ 2020

¹¹ Wami ṯeƹḏu ṯeȓtiyyam ḏ uzyen nni, yuḏef ḏaysen ijjen n buḥbeȓ zi Arebbi ḏi ȓechuḏ-a, kkaren bedden x iḍaren nsen. Yinni ṯen iẓrin ṯuḏef ḏaysen ṯiggwḏi ḏ ṯameqqrant.

Lwaḥi 11:11 ပူးပေါင်းရင်းမြစ်များ

Ȓexḏayem 5:11

Marra jmaƹeṯ n ȓmuminin ḏ marra yinni isȓin x manaya ggwḏen aṭṭas.

Ȓexḏayem 5:5

Wami isȓa Anas i wawaȓ nni, iwḍa ɣar ṯmurṯ immuṯ ḏinni. Iwḏan marra iy d yarrin ȓexbar-a ggwḏen aṭṭas.

Ayṯ-Ruma 8:11

Ṯumma meȓa izeddeɣ ḏaywem Arruḥ n Arebbi iy d isekkaren Ƹisa zi ȓmewṯ, ataf wenni iy d isekkaren Ƹisa zi ȓmewṯ aḏaywem d yarr ṯuḏarṯ uȓa ḏi ddat nwem ifennan iƹni s Arruḥ nnes iy ḏaywem izeddɣen.

Ayṯ-Ruma 8:2

Liʼanna ḏi Ƹisa Lmasiḥ, ṭṭabiƹa n Arruḥ ig iticcen ṯuḏarṯ ṯfekk-icek-d zi ṭṭabiƹa n ȓmuƹṣiyeṯ ḏ ȓmewṯ.

Lwaḥi 11:13

Ḏi ȓweqṯ nni iwqeƹ ijjen n zzinzal ḏ ameqqran, ṯnehḏem ƹecra ḏi miyya zi ṯendint. Mmuṯen ḏi zzinzal-a sebƹaȓaf n yiwḏan. Yinni iqqimen ggwḏen, bḏan semɣaren Arebbi ig iǧan ḏeg ujenna.

Lwaḥi 11:9

Iwḏan zi mkuȓ ccaƹb ḏ ȓqum ḏ lluɣa ḏ ȓgens aḏaysen xzaren ḏi ddat nsen ṯeȓtiyyam ḏ uzyen, war tejjin ḥadd aḏ inḍeȓ ȓechuḏ-a.