Lwaḥi 10:5 - Ṯarifiṯ 2020

⁵ Ẓriɣ lmalak nni ibedden x ȓebḥar ḏ ȓbarr iysi fus nnes afusi ɣar ujenna.

Lwaḥi 10:5 ပူးပေါင်းရင်းမြစ်များ

Ȓexḏayem 14:15

"Ay iryazen, mayemmi teggem manaya? Qa neccin ḏ iwḏan waha am kenniw am neccin kif-kif. Nuwi-awem-d ijjen n wawaȓ ḏ aṣebḥan bac aḏ tbeƹƹḏem i ṯmesȓayin-a war ineffƹen ca, aḏ tḏewȓem ɣar Arebbi iddaren iy d ixeȓqen ajenna ḏ ṯmurṯ ḏ ȓebḥar ḏ marra min ḏaysen.

Ȓexḏayem 17:23

Axmi tsariɣ nec, xezzareɣ mliḥ ḏi zzawyaṯ nwem mani ṯƹebbḏem. Ẓriɣ ḏinni ijjen n ȓmeḏbaḥ urint ḏayes ṯira, ṯira nni qqarent: Arebbi nni iy war itwassnen ca. Cuf, Arebbi nni iy ṯƹebbḏem kenniw war ṯ ṯessinem ca, aḏawem iniɣ nec min iƹna.

Ayṯ-Ruma 1:20

Zeg wami ṯeǧa ddunect-a, min war itwaẓerren n Arebbi iƹni jjheḏ nnes itduman ḏ ṭṭabiƹa nnes yuƹȓan, nfehhem-iṯent nẓerr-iṯent mliḥ ḏi ṯmesȓayin itwaxeȓqen. Ƹlaḥsab manaya iwḏan war ɣarsen bu lƹuder.

Iƹibraniyen 6:13

Cuf, wami Arebbi iwƹeḏ Brahim x ȓƹaheḏ nni, ijjuǧ Arebbi aḏ icc ixef nnes. Mayemmi? Liʼanna war ḏinni ḥadd imɣar ktar zi Arebbi.

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.

Lwaḥi 10:2

Iysi ḏeg ufus nnes ijjen n lkitab ḏ amezyan irzem. Isers ḍar nnes afusi x ȓebḥar, ƹaweḏ ḏ ḍar nnes aẓeȓmaḍ x ȓbarr.

Lwaḥi 14:7

Ṯeqqar s jjheḏ: "Ggwḏem Arebbi semɣarem-ṯ, aqa ṯuweḍ-d ṯsaƹƹat nnes aḏ igg lḥisab ḏ lƹiqab. Sejjḏeṯ i wenni iy d ixeȓqen ajenna ḏ ṯmurṯ ḏ ȓebḥar ḏ ȓaƹnaṣer."

Lwaḥi 16:17

Ṯekkar lmalaʼika wis sebƹa ṯzeǧeƹ ṯimejmarṯ nnes ḏi lhawa sȓiɣ i yijjen n ṯmijja zi ṯemziḏa ṯameqqrant iy d ikkin zi lƹarc ṯeqqar s jjheḏ: "Ṣafi, itwakemmeȓ!"

Lwaḥi 4:11

"A Mawlana a Siḏi Arebbi nneɣ, ḏ cek iy isḏaheǧen lƹaḍama ḏ uweqqar ḏ jjheḏ, ȓaḥeqqac cek ṯxeȓqeḏ kuȓci, s ȓxaḍar nnec twaxeȓqen-d aqaṯen ǧan."

Lwaḥi 4:9

Lmexluqaṯ-a meȓmi ma semɣaren tweqqaren ḥemmḏen-as i wenni iqqimen x lƹarc ig iddaren i ȓebda n ȓebdaṯ,