Lwaḥi 1:18 - Ṯarifiṯ 2020

¹⁸ Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.

Lwaḥi 1:18 ပူးပေါင်းရင်းမြစ်များ

Matta 11:23

Y cek, ay abilaj n Kafernaḥum! Ma tɣir-ac aḏ tgaƹƹḏeḏ ɣar ujenna? Lla, qa cek aḏ tehwiḏ ɣar Ljaḥim. Ȓaḥeqqac lmuƹjizaṯ nni iy ḏayec iweqƹen mȓi weqƹent ḏi ṯendint ṯaƹeffant nni n Sadum, iȓi ƹaḏ aqat ḏ ṯandint aȓ nhara.

Matta 16:19

Aḏac uceɣ ȓemfataḥ n ȓmulk ujenna. Min ɣa ṯceddeḏ ḏi ṯmurṯ aḏ yiȓi itwacedd ḏeg ujenna. Min ɣa ṯerzmeḏ ḏi ṯmurṯ aḏ yiȓi itwarzem ḏeg ujenna."

Luqa 24:5

Ggwḏent ṯemɣarin nni aṭṭas sejjḏent ɣar ṯmurṯ, nnan-asent ṯnayen n iṯarrasen nni: "Mayemmi ṯrezzunt x wenni iddaren jar yinni immuṯen?

Yuḥanna 11:25

Inna-as Ƹisa: "Nec ḏ lqiyama nec ḏ ṯuḏarṯ, wenni itamnen zzayi ataf aḏ iddar waxxa immuṯ.

Yuḥanna 14:19

Cwit n ȓweqṯ ig iqqimen war ḏayi ṯẓerr ca ddunect-a, walakin kenniw aḏayi ṯeẓrem. Wami nec ddareɣ, uȓa ḏ kenniw aḏ teddarem.

Ayṯ-Ruma 6:9

Neccin nessen qa Lmasiḥ ikkar-d zi ȓmewṯ, ƹemmarṣ aḏ immeṯ ƹaweḏ. War tɣimi ȓmewṯ axas ṯḥekkem.

2 Ayṯ-Kurinṯ 13:4

Wah, netta itwaṣelleb x ṣṣalib s ḍḍuƹef, wa innama iteddar s jjheḏ n Arebbi. Amenni uȓa ḏ neccin. Neḍƹef am ḍḍuƹef nnes netta, wa innama jarawem nteddar akiḏes netta s jjheḏ n Arebbi.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

Ayṯ-Kulus 3:3

Minzi zaƹma kenniw ṯemmuṯem, ṯuḏarṯ nwem aqa ṯnuffar ak Lmasiḥ ḏi Arebbi.

Iƹibraniyen 1:3

Netta ḏ nnur n lƹaḍama n Arebbi ḏ ṣṣifeṯ n ṭṭabiƹa nnes bȓa axeṭṭi. S jjheḏ n wawaȓ nnes iy zi irebbu marra ṯimesȓayin. Wami iḥell ȓmuƹṣiyaṯ n bnaḏem issiṣfa-ṯent, ssenni iqqim x ufusi n Arebbi Subḥana wa Tƹala.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.

Iƹibraniyen 7:16

Iƹni maci ƹlaḥsab ijjen n ȓuṣiyeṯ x ȓejḏuḏ nnes zi ccariƹa iy ṯ yarrin ḏ ȓefqi; Lla, netta ḏ ȓefqi ƹlaḥsab jjheḏ n ṯuḏarṯ nnes ƹemmarṣ aḏ tefna.

Iƹibraniyen 7:25

X manaya yinni zzayes itqarraben ɣar Arebbi izemmar Ƹisa aṯen isenjem i ȓebda. Mayemmi? Liʼanna netta iddar i ȓebda aḏaysen itcafaƹ.

Lwaḥi 10:6

Ijjuǧ s wenni iddaren i ȓebda n ȓebdaṯ iƹni wenni iy d ixeȓqen ajenna ḏ min ḏayes ḏ ȓbarr ḏ ȓebḥar ḏ min ḏaysen. Uca inna: "Ṣafi, war ṯeqqim bu ȓweqṯ ƹaḏ ktar.

Lwaḥi 15:7

Ijjen zi arbeƹa n lmexluqaṯ yuca-asent i sebƹa nni n lmalaʼikaṯ sebƹa n ṯmejmarin ggin-ṯent s ddheb, ƹemmarent s uɣḍab n Arebbi iddaren i ȓebda n ȓebdaṯ.

Lwaḥi 2:8

Ari-yas i lmalaʼika n jmaƹṯ n ȓmuminin iy iǧan ḏi ṯendint n Smirna, ini-yas qa wenni iǧan ḏ amezwaru uȓa ḏ aneggaru, immuṯ uca ikkar-d zi ȓmewṯ, iqqar-ac:

Lwaḥi 20:13

Ȓebḥar isellem imettinen ig icca. Ȓmewṯ ḏ Lʼaxira sellment imettinen nsent. Uca kuȓ ijjen aḏ itwaḥaseb ƹlaḥsab ȓexḏayem nnes.

Lwaḥi 20:14

Ṯmenḍar-d ȓmewṯ ḏ Lʼaxira ḏi ȓebḥar n ṯmessi. Qa ȓebḥar nni n ṯmessi netta ig iǧan ḏ ȓmewṯ wis ṯnayen.

Lwaḥi 3:7

Ari-yas i lmalaʼika n jmaƹṯ n ȓmuminin iy iǧan ḏi ṯendint n Filadalfya, ini-yas qa wenni imqeddsen ḏ ȓḥaqq, ɣares ȓmeftaḥ n Dawed; meȓa irzem ataf war ṯ itbelliƹ ḥadd; meȓa ibelleƹ ataf war ṯ irezzem ḥadd, iqqar-ac:

Lwaḥi 4:9

Lmexluqaṯ-a meȓmi ma semɣaren tweqqaren ḥemmḏen-as i wenni iqqimen x lƹarc ig iddaren i ȓebda n ȓebdaṯ,

Lwaḥi 5:14

Lmexluqaṯ nni s arbeƹa qqaren: "Amin!" Rekƹen imɣaren nni aḏ sejjḏen.

Lwaḥi 6:8

Wami xzareɣ, twaȓiɣ ijjen n uyis ḏ awraɣ, wenni xas inyin semman-ṯ Ȓmewṯ, teḏfar-iṯ Lʼaxira. Ṯemmuc-asen ssulṭa aḏ nɣen arbaƹ n imezḏaɣ n ṯmurṯ s ssif ḏ jjuƹ ḏ ṭṭaƹun ḏ ȓuḥuc n ṯmurṯ.

Lwaḥi 9:1

Ṯekkar lmalaʼika wis xemsa ṯṣuḍ ḏi zzammar nnes uca ẓriɣ ijjen n yiṯri tuɣa iwḍa-d zeg ujenna x ṯmurṯ. Immuc-as i yiṯri nni ȓmeftaḥ n wanu nni itawin ɣar ȓaǧeɣ bȓa ȓaḥedd.