Lwaḥi 1:16 - Ṯarifiṯ 2020

¹⁶ Ḏeg ufus nnes afusi ɣares sebƹa n yiṯran. Aqemmum nnes iteffeɣ-d zzayes ijjen n ssif iqḍeƹ x ṯnayen n jjihaṯ. Aɣembub nnes igga am nnur n ṯfuct iy itceƹciƹen aṭṭas.

Lwaḥi 1:16 ပူးပေါင်းရင်းမြစ်များ

Matta 17:2

Ḏinni zzaṯ i ṯiṭṭawin nsen iḏweȓ am yijjen n nnur, aɣembub nnes itceƹciƹ am ṯfuct. Iḏweȓ warruḍ nnes ḏ acemȓaȓ ireqq am ṯfawṯ.

Ȓexḏayem 26:13

A si azeǧiḏ, wami ggureɣ ɣar uzyen n nhar ẓriɣ ijjen n nnur ḏeg ujenna ṯfawṯ nnes tseqsiq ktar zi ṯfuct, inneḍ-ayi-d itceƹciƹ xafi nec ḏ yinni iy kiḏi igguren.

Ayṯ-Ufasus 6:17

Ysiṯ ƹaweḏ lkask n usefȓeṯ, sxeḏmem akiḏes ssif nni n Arruḥ iqeddsen ig iǧan ḏ awaȓ n Arebbi.

Iƹibraniyen 4:12

Aqa awaȓ n Arebbi iddar netta ifsus, iqḍeƹ aṭṭas ktar zi ssif n ṯnayen n jjihaṯ. Itaḏef aȓ ḏaxeȓ iferreq buḥbeȓ ḏ arruḥ ḏ mani tmunen ȓemfaseȓ, itaḏef ɣar waḏuf. Itmeyyaz jar lʼafkar ḏ lʼaɣraḍ n wuȓ.

Lwaḥi 1:20

Min iƹna ȓmaƹna inuffaren n sebƹa n yiṯran nni iy ṯeẓriḏ ḏeg ufus inu afusi ḏ sebƹa nni n ȓeqnaḏeȓ? Sebƹa nni n yiṯran, iƹni niṯni ḏ sebƹa n lmalaʼikaṯ n ṯjumaƹ n ȓmuminin. Sebƹa nni n ȓeqnaḏeȓ, iƹni niṯni ḏ sebƹa n ṯjumaƹ n ȓmuminin."

Lwaḥi 10:1

Ẓriɣ ijjen n lmalak nneɣni ijheḏ ihwa-d zeg ujenna, inneḍ-as-d useynu. X uzeǧif nnes ijjen n ṯesȓiṯ n unẓar, aɣembub nnes igga am ṯfuct, iḍaren nnes ggin am ipilaren n ṯmessi.

Lwaḥi 12:1

Ṯmeḍhar-d ijjen n lƹalama ḏeg ujenna ḏ ṯameqqrant, iƹni ṯamɣarṯ ṯenneḍ-as-d ṯfuct, swadday iḍaren nnes ṯaziri, x uzeǧif nnes ijjen n ttaj ḏayes ṯenƹac n yiṯran.

Lwaḥi 19:15

Iteffeɣ-d zeg uqemmum nnes ijjen n ssif iqḍeƹ, azzayes yuweṯ ȓegnus. Netta aṯen yarwes s uƹekkaz n ȓeḥḏiḏ, axasen iƹeffes ḏi ṯsirṯ n waman n uḍiȓ iƹni ḏ lƹiqab ameqqran n Arebbi ig izemmaren i kuȓci.

Lwaḥi 19:21

Ssif nni iy d iffɣen zeg uqemmum n wenni inyin x uyis inɣa marra yinni iqqimen, usin-d yijḍaḍ jjiwnen marra zeg uysum nsen.

Lwaḥi 2:1

"Ari-yas i lmalaʼika n jmaƹṯ n ȓmuminin iy iǧan ḏi ṯendint n Ufasus, ini-yas qa wenni iy iṭṭfen sebƹa n yiṯran ḏeg ufus nnes afusi, iggur ḏi ȓwesṭ n sebƹa n ȓeqnaḏeȓ n ddheb, iqqar-ac:

Lwaḥi 2:12

Ari-yas i lmalaʼika n jmaƹṯ n ȓmuminin iy iǧan ḏi ṯendint n Barɣamus, ini-yas qa wenni ɣar iǧa ssif iqḍeƹ x ṯnayen n jjihaṯ, iqqar-ac:

Lwaḥi 2:16

Tub! Meȓa lla, aɣarek d aseɣ ḏeɣya war tƹeṭṭaȓeɣ ca, aḏ ḥarbeɣ iwḏan-a s ssif iy d iteffɣen zeg uqemmum inu.

Lwaḥi 3:1

Ari-yas i lmalaʼika n jmaƹṯ n ȓmuminin iy iǧan ḏi ṯendint n Sardis, ini-yas qa wenni ɣar ǧan sebƹa n arruḥaṯ n Arebbi ḏ sebƹa n yiṯran, iqqar-ac: Nec ssneɣ ȓexḏayem nnec. Qqaren qa cek ṯeddareḏ walakin lla cek ṯemmuṯeḏ.