Lwaḥi 1:12 - Ṯarifiṯ 2020

¹² Nqeȓbeɣ aḏ xzareɣ ɣar ṯmijja nni iy kiḏi d issawaȓen. Wami nqeȓbeɣ ufiɣ sebƹa n ȓeqnaḏeȓ n ddheb.

Lwaḥi 1:12 ပူးပေါင်းရင်းမြစ်များ

Lwaḥi 1:13

Ḏi ȓwesṭ n ȓeqnaḏeȓ nni ufiɣ ḏinni ijjen itcabbah ḏi mmis n bnaḏem, ɣares čammir ḏ azeyrar ḥetta aȓ iḍaren nnes. Ɣares ijjen n uḥezzam n ddheb iqḍeƹ-d zeg uɣiȓ ɣar nneṣṣ.

Lwaḥi 1:19

Ari min ṯeẓriḏ, ḏ min itewqiƹen ȓexxu, ḏ min ɣa iweqƹen ssa aȓ ṯsawent.

Lwaḥi 1:20

Min iƹna ȓmaƹna inuffaren n sebƹa n yiṯran nni iy ṯeẓriḏ ḏeg ufus inu afusi ḏ sebƹa nni n ȓeqnaḏeȓ? Sebƹa nni n yiṯran, iƹni niṯni ḏ sebƹa n lmalaʼikaṯ n ṯjumaƹ n ȓmuminin. Sebƹa nni n ȓeqnaḏeȓ, iƹni niṯni ḏ sebƹa n ṯjumaƹ n ȓmuminin."

Lwaḥi 2:1

"Ari-yas i lmalaʼika n jmaƹṯ n ȓmuminin iy iǧan ḏi ṯendint n Ufasus, ini-yas qa wenni iy iṭṭfen sebƹa n yiṯran ḏeg ufus nnes afusi, iggur ḏi ȓwesṭ n sebƹa n ȓeqnaḏeȓ n ddheb, iqqar-ac:

Lwaḥi 4:1

Menbaƹd i manaya ẓriɣ ijjen n ṯewwarṯ ṯnurzem ḏeg ujenna, sȓiɣ i ṯmijja nni iy ɣari d issiwȓen zi qbeȓ ṣṣut nnes igga am zzammar, ṯenna-ayi-d: "Gaƹƹeḏ-d ḏanita aḏac d smeḍhareɣ min labud ɣa iweqƹen menbaƹd i manaya."