Lwaḥi 1:1 - Ṯarifiṯ 2020

¹ Wanita ḏ lwaḥi n Ƹisa Lmasiḥ. Yuca-as-ṯ Arebbi ḥima aṯ ismeḍhar i yinni iy ṯ iƹebbḏen. Manaya itxeṣṣa u labud aḏ iwqeƹ ḏeɣya. Lmasiḥ issekk lmalak nnes aḏ ixebbar manaya i ȓƹabḏ nnes qqaren-as Yuḥanna.

Lwaḥi 1:1 ပူးပေါင်းရင်းမြစ်များ

Yuḥanna 12:49

Aqa war ssiwȓeɣ ca zi ɣari; Lla, nec ssawaȓeɣ nec qqareɣ zi ȓuṣiyeṯ iy ḏayi yuca Baba iƹni wenni iy ḏayi d issekken.

Yuḥanna 15:15

War iqqim ƹaḏ aḏawem semmiɣ ixeddamen minzi axeddam war issin ca min itegg uweqqaf nnes. Kenniw aḏawem semmiɣ imeddukaȓ inu minzi nniɣ-awem marra min sȓiɣ zi Baba.

Yuḥanna 17:8

Minzi nec ssiwḍeɣ-asen awaȓ iy ḏayi ṯuciḏ, niṯni qebȓen-ṯ. Ssnen ḏ ṣṣaḥ belli nec zi ɣarek iy d usiɣ, umnen ƹaweḏ belli ḏ cek iy ḏayi d issekken.

Yuḥanna 3:32

Icehheḏ zi min iẓra ḏ min isȓa, walakin chaḏeṯ nnes war t iqebbeȓ uȓa ḏ ijjen.

Yuḥanna 8:26

Ɣari aṭṭas n wawaȓen zemmareɣ aḏawem ṯen iniɣ, zzaysen iy ɣa ḥekmeɣ xawem. Wenni ḏayi d issekken netta ḏayes lḥaqiqa. Min sȓiɣ zzayes qqareɣ-ṯ i ddunect."

Ayṯ-Ruma 16:25

Itwabarak Arebbi! Netta ḏ wenni izemmaren aḏawem yuc jjheḏ s Lʼinjil-a iy tbeccareɣ u ƹaweḏ s uḥeddeṯ n Ƹisa Lmasiḥ ƹlaḥsab min d ibanen tuɣaṯ manayenni zi zman inuffar.

Ayṯ-Galaṭya 1:12

War ḏayi d yusi zi ḥadd, war ḏayi ṯ sȓemḏen ca yiwḏan; Lla, netta ihwa-d xafi ḏ lwaḥi zi Ƹisa Lmasiḥ.

Ayṯ-Ufasus 3:3

Iƹni ȓmaƹna inuffaren x Lʼinjil ismeḍhar-ayi-iṯ-iḏ isehwa-ṯ-iḏ xafi s lwaḥi mamc ḏawem t uriɣ cwayt zi qbeȓ.

Titus 1:1

Nec ḏ Bulus ḏ axeddam n Arebbi ḏ arrasul n Ƹisa Lmasiḥ xeddmeɣ ƹlaḥsab yinni ig ixḍar Arebbi bac aḏ amnen aḏ ssnen lḥaqiqa iy ṯen isegguren ɣar min iǧan nican ḏi lʼiman.

Lwaḥi 1:19

Ari min ṯeẓriḏ, ḏ min itewqiƹen ȓexxu, ḏ min ɣa iweqƹen ssa aȓ ṯsawent.

Lwaḥi 1:9

Nec ḏ Yuḥanna ḏ umaṯwem, cerrceɣ akiḏwem ḏi ȓemḥayen ḏ ȓmulk n Arebbi ḏ ṣṣbar ig iǧan ḏi Ƹisa. Tuɣa ǧiɣ ḏi ṯeyzirṯ n Baṭmus ƹlaḥsab awaȓ n Arebbi ḏ minxef icheḏ Ƹisa.

Lwaḥi 17:1

Yusa-d ɣari ijjen zi sebƹa n lmalaʼikaṯ nni iy ɣar ǧant sebƹa n ṯmejmarin inna-ayi: "Araḥ-d, aḏac d smeḍhareɣ lḥisab ḏ lƹiqab n lfasda ṯameqqrant ig iqqimen x waṭṭas n waman.

Lwaḥi 19:10

Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."

Lwaḥi 19:9

Inna-ayi lmalak wenni: "Ari manaya: Ssaƹḏ n yinni itwaƹarḍen ɣar umensi n ȓfarḥ n Yizmar!" Inna-ayi ƹaweḏ: "Awaȓen-a ǧan ḏ ṣṣaḥ zi Arebbi."

Lwaḥi 21:2

Ẓriɣ ṯandint iqeddsen nettaṯ ḏ Lquds ḏ jḏiḏ. Ṯehwa-d zeg ujenna zi Arebbi ṯegga am ṯsȓiṯ ṯeƹḏeȓ ixef nnes bac aḏ teȓqa muȓay.

Lwaḥi 21:9

Yusa-d ɣari ijjen zi sebƹa n lmalaʼikaṯ nni iy ɣar ǧant sebƹa n ṯmejmarin ig iƹemmaren s sebƹa n lmuṣibaṯ nni ṯineggura, inna-ayi: "Araḥ-d, aḏac d smeḍhareɣ ṯasȓiṯ, iƹni ṯenni ɣa yawin Izmar."

Lwaḥi 22:1

Ismeḍhar-ayi-d lmalak nni iɣzar n waman n ṯuḏarṯ ṣfan am jjaj, iteffeɣ-d zi lƹarc n Arebbi ḏ Yizmar

Lwaḥi 22:16

Ḏ nec Ƹisa ssekkeɣ-d lmalak inu ḥima aḏawem icheḏ x ṯmesȓayin-a ḏi ṯjumaƹ n ȓmuminin. Nec ḏ lʼaṣel n Dawed u zi ddurriṯ nnes. Nec ḏ iṯri n ȓefjar itceƹciƹen."

Lwaḥi 22:6

Inna-ayi lmalak wenni: "Awaȓen-a ḏaysen ȓaman ḏaysen ȓḥaqq. Arebbi netta ḏ Mawlana iy d isehwan lwaḥi x lʼanbiya, issekk-d lmalak nnes ḥima aḏ d ismeḍhar i yinni iy ṯ iƹebbḏen min labud ɣa iweqƹen ƹȓayen."

Lwaḥi 22:8

Ḏ nec Yuḥanna iy sȓiɣ, ẓriɣ ṯimesȓayin-a. Wami sȓiɣ, ẓriɣ manaya, hwiɣ aḏ sejjḏeɣ ɣar iḍaren n lmalak nni iy ḏayi d ismeḍharen ṯimesȓayin-a.

Lwaḥi 22:9

Inna-ayi: "Lla! Qa nec ḏ ȓƹabḏ, am nec am cek am ayṯmac lʼanbiya ḏ marra yinni iteggen array i wawaȓen n Lkitab-a. Sejjeḏ-as i Arebbi."

Lwaḥi 4:1

Menbaƹd i manaya ẓriɣ ijjen n ṯewwarṯ ṯnurzem ḏeg ujenna, sȓiɣ i ṯmijja nni iy ɣari d issiwȓen zi qbeȓ ṣṣut nnes igga am zzammar, ṯenna-ayi-d: "Gaƹƹeḏ-d ḏanita aḏac d smeḍhareɣ min labud ɣa iweqƹen menbaƹd i manaya."

Lwaḥi 5:7

Yusa-d iysi Lkitab-a zeg ufus afusi n wenni iqqimen x lƹarc.