Iƹibraniyen 9:28 - Ṯarifiṯ 2020

²⁸ Ammu Lmasiḥ, itwaqeddem ḏ dbiḥeṯ ijjen n ṯwaȓa bac aḏ yarbu ȓmuƹṣiyaṯ n waṭṭas n yiwḏan. Ṯumma aḏ d ihwa wis marrṯayen. Mayemmi? Maci ƹlaḥsab ȓmuƹṣiyeṯ n yiwḏan ƹaweḏ; Lla, aḏ d ihwa bac aḏ isenjem yinni iy ṯ itrajan.

Iƹibraniyen 9:28 ပူးပေါင်းရင်းမြစ်များ

Matta 20:28

Mmis n bnaḏem uȓa ḏ netta war d yusi ca ḥima axas xeḏmen yiwḏan. Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Matta 25:31

Xmi d ɣa yas Mmis n bnaḏem s lƹaḍama nnes, akiḏes marra lmalaʼikaṯ, aḏ iqqim x lƹarc nnes n lƹaḍama.

Matta 26:28

Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan ḥima aḏasen iɣfar Arebbi ȓmuƹṣiyaṯ nsen.

Yuḥanna 14:3

Xmi ɣa raḥeɣ aḏawem swejḏeɣ amcan nni, aḏ d ḏewȓeɣ ƹaweḏ akenniw ysiɣ akiḏi ḥima aḏ tiȓim kenniw mani ɣa iȓiɣ nec.

Ȓexḏayem 1:11

Nnan-asen: "Ay iryazen n ṯmurṯ n Ljalil, mayemmi ƹaḏ ṯbeddem ḏanita txezzarem ḏeg ujenna? Qa Ƹisa-ya wanita iy ḏawem itwarfƹen ɣar ujenna, mammec ṯ ṯeẓrim igaƹƹeḏ ɣar ujenna amenni iy d ɣa iḏweȓ."

Ayṯ-Ruma 3:25

Arebbi iqeddem-iṯ ḏ lfidya ḥima aḏ twaɣfarent ȓmuƹṣiyaṯ s iḏammen nnes, iƹni i yinni iqebbȓen manayenni s lʼiman nsen. S manayenni ismeḍhar-d Arebbi ȓḥaqq nnes. Netta tuɣa iṣebbar, war t yuwi ca ḏi ȓmuƹṣiyaṯ nni iy iƹḏun,

Ayṯ-Ruma 5:15

Walakin ȓmuƹṣiyeṯ n Adam war nzemmar at nmeṯṯel ak lhadiya n arḍa n Arebbi. Cuf, ijjen n bnaḏem, netta ḏ Adam, iƹṣa Arebbi yuwi-d ȓmewṯ i marra yiwḏan. Ȓexxu mecḥaȓ imɣar arḍa n Arebbi ḏ lhadiya iy d infeyyḍen x yiwḏan s arḍa n yijjen n bnaḏem nneɣni netta ḏ Ƹisa Lmasiḥ.

Ayṯ-Ruma 6:10

Liʼanna wami immuṯ, immuṯ ijjen n ṯwaȓa waha i ȓebda i min iǧan ḏ ȓmuƹṣiyeṯ. Ṯuḏarṯ nnes iddar ȓexxu, iddar-it i Arebbi.

Ayṯ-Ruma 8:23

U maci niṯni waha, uȓa ḏ neccin umi immuc Arruḥ iqeddsen ḏ amezwaru nnehhek ḏeg yixef nneɣ. Ḏayneɣ mezȓi, neccin netraja zi Arebbi aḏ d isbeyyen belli neccin ḏ ṯarwa nnes, iƹni aḏ ifekk ddat nneɣ.

Ayṯ-Ruma 8:3

Cuf, Arebbi igga min war ṯzemmar aḏ tegg ccariƹa n Musa, mayemmi? Ƹlaḥsab ḍḍuƹef n ddat nneɣ iy ḏas ikksen jjheḏ i ccariƹa. Arebbi, wami iy d issekk Mmis imeṯṯel-iṯ-iḏ am ddat n bnaḏem iƹṣan, issekk-iṯ-id ḏ lfidya x ȓmuƹṣiyeṯ nneɣ. Ammu iḥaseb iƹaqeb ȓmuƹṣiyeṯ ig iǧan ḏi ddat n bnaḏem

1 Ayṯ-Kurinṯ 1:7

S manaya war ḏawem ṯneqqiṣ uȓa ḏ ijjen n lqudra ruḥiya xmi trajam aḏ d imeḍhar Siḏiṯneɣ Ƹisa Lmasiḥ.

1 Ayṯ-Kurinṯ 15:54

Min ifennan xmi ɣa iɣmes s min war ifennin, ḏ min itmettan xmi ɣa iɣmes s min war itmettin, ȓexddenni aḏ d iffeɣ min yurin ḏi Lkitab: <Ȓmewṯ iseɣȓey-t arbaḥ.>

1 Ayṯ-Salunik 1:10

Ḥima aḏ trajam Mmis iy d ɣa yasen zeg ujenna wenni iy d isekkar Arebbi zeg imettinen iƹni Ƹisa iy ḏaneɣ isenjamen zeg uɣḍab nni iy d ɣa yasen.

2 Ayṯ-Salunik 2:1

Amma Yum nni xmi d ɣa imeḍhar Siḏiṯneɣ Ƹisa Lmasiḥ neccin aɣares ngaƹƹeḏ. Ay ayṯma, neqqar-awem

2 Timutawus 4:8

Ssa aȓ ṯsawent itraja-ayi ijjen n ttaj n ṣṣulḥ ag Arebbi wenni iy ḏayi ɣa yuc Siḏiṯneɣ iy iǧan ḏ lqaḍi nican; Aḏayi-ṯ yuc ḏi Nhar nni n Lḥisab. Maci aḏayi-ṯ yuc i nec waha; Lla, aṯ yuc i marra yinni itexsen Nhar nni iy ḏi d ɣa imeḍhar.

Titus 2:13

u neccin ɣir netraja lʼamal nni itwabarken iƹni Nhar nni iy ḏayes d ɣa ṯmeḍhar lƹaḍama n Arebbi Ameqqran ḏ Umsenjem nneɣ Ƹisa Lmasiḥ.

Iƹibraniyen 1:14

Lmalaʼikaṯ, niṯenti min ƹnant? Niṯenti ḏ arruḥaṯ twassekkent-id aḏ sexxarent i yinni iy ɣa iwarṯen asenjem.

Iƹibraniyen 10:10

U s ȓxaḍar nni neccin netwassiṣfa s dbiḥeṯ n ddat n Ƹisa Lmasiḥ, ijjen n ṯwaȓa i ȓebda.

Iƹibraniyen 12:14

Ggeṯ lmejhud bac aḏ tƹicem ḏi ȓehna ak marra iwḏan u bac aḏ tiȓim ṯeṣfam. Bȓa a niȓi neṣfa war ḏinni ḥadd iy ɣa iẓren Mawlana.

Iƹibraniyen 2:3

Ȓexxu asenjem nneɣ imɣaren, mammec iy ɣa negg a nenjem zi lƹiqab iƹni meȓa neɣfeȓ x usenjem-a? Awaȓ n usenjem-a ibcar-iṯ-iḏ ḏ amezwaru Siḏiṯneɣ, ṯumma cehḏen xas yinni iy ḏas iṣennṭen ssiwḍen-ṯ-iḏ i neccin.

Iƹibraniyen 4:15

Cuf, war ɣarneɣ bu ijjen n ȓefqi ameqqran netta war izemmar ca aḏ iḥess zi ḍḍuƹef nneɣ. Wah, ɣarneɣ ijjen ȓefqi kkint xas marra ȓemḥayen; netta am neccin walakin war iggi bu ȓmuƹṣiyeṯ.

Iƹibraniyen 5:9

Wami iƹḏu aƹeddeb nni bȓa ȓmuƹṣiyeṯ, iḏweȓ netta ḏ ȓƹunṣar n usenjem iƹni izemmar aḏ isenjem marra yinni iy ṯ itṭaƹan.

Iƹibraniyen 7:27

Netta maci am ȓfuqaha nni nneɣni imeqqranen teḥḏajan niṯni aḏ qeddmen dbiḥaṯ kuȓ nhar iƹni x ȓmuƹṣiyaṯ nsen u menbaƹd x ȓmuƹṣiyaṯ n yiwḏan. Mayemmi? Liʼanna igga manaya Ƹisa icten n ṯwaȓa i ȓebda qaƹ wami iqeddem ixef nnes ḏ lfidya x yiwḏan.

Iƹibraniyen 9:25

War yuḏif ca ḏeg ujenna bac aḏ itqeddam ixef nnes aṭṭas n ṯwaȓaṯin amecnaw mamc itegg ȓefqi nni ameqqran xmi itaḏef kuȓ lƹam ɣar Uxxam Amqeddes Aṭṭas s iḏammen maci nnes.

1 Buṭrus 2:24

Netta s yixef nnes iysi ȓmuƹṣiyaṯ nneɣ ḏi ddat nnes x ṯeḥnact nni ḥima a nemmeṯ neccin s wuȓawen nneɣ i ȓmuƹṣiyaṯ, a neddar i min iǧan nican. Aqa s ujarriḥ nnes iy zi ṯgenfam kenniw.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.

2 Buṭrus 3:12

xmi trajam i Lyuwm n Arebbi aṯ tseggurem bac ḏeɣya aḏ d yas. Nhar nni aḏ d yawi ȓefna n ijennaṯen s ṯmessi, aḏ twamḥan marra iṯran ḏ ṯziri aḏ fesyen xmi ɣa twascemḍen.

1 Yuḥanna 3:2

Ay imƹizzen inu, ȓexxu neccin ḏ ṯarwa n Arebbi. Ƹaḏ war d tmeḍhar ca ṣṣifeṯ nneɣ mamc ɣa ṯiȓi, walakin nessen aḏ tiȓi am netta xmi d ɣa imeḍhar ȓaḥeqqac aṯ nẓer netta mamc iy iǧa.

1 Yuḥanna 3:5

Aqa ṯessnem belli Ƹisa Lmasiḥ netta imeḍhar-d bac axaneɣ ikkes ȓmuƹṣiyaṯ. U ȓmuƹṣiyeṯ netta war ḏayes ṯeǧi ca.

Yahuḏa 1:21

Itxeṣṣa aḏ teqqimem ḏi ȓemḥibbeṯ n Arebbi aḏ trajam arraḥmeṯ nni n Siḏiṯneɣ Ƹisa Lmasiḥ ṯenni iy kenniw itawin ɣar ṯuḏarṯ nni war ifennin ca ƹemmarṣ.

Lwaḥi 1:7

Aqa yusa-d ak useynu, aṯ ẓrent marra ṯiṭṭawin ḏ yiwḏan nni iy ṯ icukken. Axas ḥeznen marra ȓqum n ṯmurṯ. Wah, amin.