Iƹibraniyen 9:24 - Ṯarifiṯ 2020

²⁴ Cuf, Lmasiḥ war yuḏif ca Axxam nni Amqeddes Aṭṭas iy ibnan s ifassen n bnaḏem itcabbahen waha ḏeg wenni n ṣṣaḥ; Lla, netta yuḏef ḏeg ujenna nniṯ aḏ iḥḍar zzaṯ i Arebbi ƹlaḥsab neccin.

Iƹibraniyen 9:24 ပူးပေါင်းရင်းမြစ်များ

Matta 18:10

Ɣarwem aḏ tḥeggarem can ḥadd zeg imezyanen-a. Qqareɣ-awem: Lmalaʼikaṯ nsen ḏeg ujenna ȓebda xezzarent Baba iǧan ḏeg ujenna.

Marqus 14:58

"Netsȓa-yas iqqar qa nec aḏ heḏmeɣ ṯamziḏa-ya ṯameqqrant iy bnan yiwḏan s ifassen, aḏ bniɣ ijjen n ṯemziḏa ḏi ṯeȓtiyyam war t bnin yiwḏan s ifassen."

Marqus 16:19

Issiweȓ akiḏsen Siḏiṯneɣ Ƹisa ssenni itwarfeƹ ɣar ujenna iqqim x ufusi n Arebbi.

Luqa 24:51

Wami ṯen itbarak, itgaƹƹaḏ xasen itwarfeƹ ɣar ujenna.

Yuḥanna 16:28

Ffɣeɣ-d zi Baba wḍeɣ-d ɣar ddunect-a. Aḏ uyureɣ zi ddunect-a aḏ ƹeqbeɣ ƹaweḏ ɣar Baba."

Yuḥanna 6:62

Y meȓa ṯeẓrim Mmis n bnaḏem itwarfeƹ ɣar mani iqqim ḏ amezwaru?

Ȓexḏayem 3:21

Itxeṣṣa netta aḏ iqqim ḏeg ujenna aȓ ȓweqṯ iy ḏi ɣa itwaƹḏeȓ kuȓci ƹlaḥsab awaȓen n lʼanbiya ṣṣaliḥin iy ḏasen inna Arebbi ḏeg yijjen n zman.

Ayṯ-Ruma 8:33

Wi izemmaren aḏ itahem yinni iy ixḍar Arebbi? Uȓa ḏ ijjen! Arebbi s yixef nnes netta ig isemṣȓaḥen akiḏes iwḏan.

2 Ayṯ-Kurinṯ 5:1

Cuf, neccin nessen meȓa irez uqiḍun-a iƹni ddat nneɣ n ddunect-a, ataf ɣarneɣ ijjen n ṯzeddiɣṯ nneɣni zi Arebbi. Ṯaddarṯ nni war ibnin ca s ifassen tduma i ȓebda.

Ayṯ-Kulus 3:2

Rezzuṯ s wuȓawen nwem ṯimesȓayin nni iǧan ḏeg ujenna, maci ṯinni ḏi ṯmurṯ.

Iƹibraniyen 1:3

Netta ḏ nnur n lƹaḍama n Arebbi ḏ ṣṣifeṯ n ṭṭabiƹa nnes bȓa axeṭṭi. S jjheḏ n wawaȓ nnes iy zi irebbu marra ṯimesȓayin. Wami iḥell ȓmuƹṣiyaṯ n bnaḏem issiṣfa-ṯent, ssenni iqqim x ufusi n Arebbi Subḥana wa Tƹala.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.

Iƹibraniyen 4:14

Iḏen neccin a neṭṭef mliḥ ḏi lʼiman nneɣ iy xef ncehheḏ minzi ɣarneɣ ijjen n ȓefqi ameqqran imɣar yuḏef ḏeg ijennaṯen iƹḏu-ṯen, netta ḏ Ƹisa Mmis n Arebbi.

Iƹibraniyen 6:20

Ḏeg umcan nni yuḏef Ƹisa ḏinni ḏ amezwaru ƹlaḥsab neccin, iḏweȓ ḏ ȓefqi ameqqran i ȓebda amecnaw lfirqa nni n ȓefqi umi qqaren Malikiṣadiq.

Iƹibraniyen 8:2

Netta ixeddem ḏi ṯemziḏa nni iƹni ḏ aqiḍun nni n ṣṣaḥ lƹaḍim iy igga Siḏi Arebbi maci bnaḏem.

Iƹibraniyen 8:5

Yina xeddmen ccɣeȓ nsen ḏeg yijjen n ṯemziḏa nettaṯ am yijjen n ṯiȓi itemcabbahen ḏi min iǧan ḏeg ujenna. X manayenni Arebbi iƹȓem i Musa wami ibḏa isbedda Aqiḍun nni Ameqqran inna-as:

Iƹibraniyen 9:1

Ȓƹaheḏ nni amezwaru tuɣa ɣares can n lqawanin n lƹibada u ḏ ijjen n umcan amqeddes ḏi ddunect-a.

Iƹibraniyen 9:23

Iḏen, ṯimesȓayin-a itcabbahen ḏi ṯmesȓayin nni n ujenna tuɣa twassiṣfant s dbiḥaṯ. Walakin ṯimesȓayin nni s yixef nsent n ujenna lla; Twassiṣfant niṯenti s yijjen n nnuƹ n dbiḥaṯ ḥsen zi ṯinni nneɣni.

Iƹibraniyen 9:9

Marra manaya iticc ijjen lmiṯal i ȓweqṯ-a iy ḏi neǧa ȓexxu. Ccɣeȓ nni iy tuɣa teggen ḏinni xmi tqeddamen ṣṣeḏqeṯ ḏ dbiḥaṯ war izemmar ca aḏ issiṣfa ḍḍamir n wenni iƹebbḏen.

1 Buṭrus 3:22

Ḏ netta igaƹƹḏen ɣar ujenna aqaṯ x ufusi n Arebbi, yarra lmalaʼikaṯ swadday n lḥukem nnes ḏ yinni iḥekkmen ḏ yinni ijehḏen.

Lwaḥi 8:3

Yusa-d ijjen n lmalak nneɣni ibedd ɣar ȓmeḏbaḥ, iysi-d ṯimejmarṯ nni itwaṣenƹen s ddheb. Immuc-as aṭṭas n tbaxur ḥima aḏ iqeddem tbaxur nni ak ṯẓaǧiṯ n ȓmuminin ṣṣaliḥin x ȓmeḏbaḥ n ddheb iǧan zzaṯ i lƹarc.