Iƹibraniyen 9:16 - Ṯarifiṯ 2020

¹⁶ Cuf, ƹlaḥsab lwaṣiya labud aḏ d awin chada n lwafat n wenni iggin lwaṣiya.

Iƹibraniyen 9:16 ပူးပေါင်းရင်းမြစ်များ

Ayṯ-Ruma 5:12

Iḏen, ṯban-d ȓmuƹṣiyeṯ ɣar ddunect s yijjen n bnaḏem, iƹni Adam. S ȓmuƹṣiyeṯ nni iy ṯeǧa ȓmewṯ. Ssenni ṯnefreq ȓmewṯ x yiwḏan marra liʼanna iwḏan marra ƹṣan.

Ayṯ-Ruma 6:23

Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.

1 Ayṯ-Kurinṯ 15:22

Ȓaḥeqqac am mammec iy ɣa nemmeṯ marra s bnaḏem nni Adam, ammu ƹaweḏ aɣarneɣ ṯiȓi ṯuḏarṯ i marra neccin s Lmasiḥ.

Iƹibraniyen 1:3

Netta ḏ nnur n lƹaḍama n Arebbi ḏ ṣṣifeṯ n ṭṭabiƹa nnes bȓa axeṭṭi. S jjheḏ n wawaȓ nnes iy zi irebbu marra ṯimesȓayin. Wami iḥell ȓmuƹṣiyaṯ n bnaḏem issiṣfa-ṯent, ssenni iqqim x ufusi n Arebbi Subḥana wa Tƹala.

Iƹibraniyen 13:20

Arebbi ḏayes ȓehna, ḏ netta iy d yarrin Siḏiṯneɣ Ƹisa zeg imettinen s iḏammen n ȓƹaheḏ ig itduman i ȓebda, Ƹisa-ya ḏ Ameksa Ameqqran n iḥuȓiyen.

Iƹibraniyen 9:15

Falihaḏa netta Lmasiḥ itcafaƹ jaraneɣ ḏ Arebbi s yijjen n ȓƹaheḏ ḏ jḏiḏ bac yinni umi d iȓaɣa Arebbi ataf aḏ awin lwareṯ iy zi ṯen iwƹeḏ itduman i ȓebda. Liʼanna Lmasiḥ immuṯ ḏ lfidya ḥima aḏasen iḍȓeq aḏ iȓin ḥurr zi ȓmuƹṣiyaṯ iy ggin swadday i ȓƹaheḏ nni amezwaru.

Iƹibraniyen 9:17

Liʼanna lwaṣiya war ṯṣeǧeḥ ca illa meȓa immuṯ bab nnes. Meȓa ƹaḏ iddar bab nnes iƹni wenni iy t yurin ataf war ṯṣeǧeḥ ca.

Yaƹqub 2:10

Liʼanna wenni ixeddmen ḏi Ccariƹa-ya marra, meȓa ixḍa ɣir ḏeg yijjen n ȓuṣiyeṯ nnes ataf netta ixḍa ḏi ccariƹa amen-ṯekmaȓ.