Iƹibraniyen 9:14 - Ṯarifiṯ 2020

¹⁴ Meȓa amenni, mecḥaȓ iy ḏaneɣ ɣa ssiṣfan iḏammen n Lmasiḥ ktar! Netta iruḥ s Arruḥ nni itduman i ȓebda iqeddem ixef nnes bȓa ȓƹib i Arebbi, iḏammen nnes aḏaneɣ ssiṣfan ḍḍamir nneɣ zi ssayiʼaṯ bac a neƹbeḏ Arebbi iddaren.

Iƹibraniyen 9:14 ပူးပေါင်းရင်းမြစ်များ

Matta 12:28

Nec, meȓa sufuɣeɣ jnun s Arruḥ n Arebbi, aqa ȓmulk n Arebbi yusa-d ɣarwem.

Matta 16:16

Indeq-d Simƹan Buṭrus inna-as: "Cek ḏ Lmasiḥ, Mmis n Arebbi iddaren."

Matta 20:28

Mmis n bnaḏem uȓa ḏ netta war d yusi ca ḥima axas xeḏmen yiwḏan. Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Matta 7:11

Meȓa kenniw ḏ iƹeffanen ṯessnem aḏ tucem i ṯarwa nwem min iǧan ḏ aṣebḥan, ataf Babaṯwem ig iǧan ḏeg ujenna itegg ktar. Iticc min iǧan ḏ aṣebḥan i yinni ḏas ṯ itettaren.

Luqa 1:74

aḏaneɣ isenjem zeg ifassen n ȓƹaḏyan nneɣ, ḥima aṯ neƹbeḏ bȓa ṯiggwḏi,

Luqa 12:24

Xzarem ɣar ibaɣeriwen. War zerrƹen, war mejjaren. War ɣarsen ṯisrafin uȓa ḏ mani ɣa xezznen. Ḏ Arebbi iy ḏasen iticcen aḏ ccen. Kenniw, ma war tseggwim ca aṭṭas s waṭṭas x yijḍaḍ?

Luqa 12:28

Meȓa Arebbi iticc arruḍ zaƹma i arbiƹ n ȓexȓa ig iǧan nhara aḏ iḥreq ṯiwecca ḏeg ufarran, ma war itegg akiḏwem kenniw ktar? Ḏaywem lʼiman nwem ḏ uqlil.

Luqa 4:18

Yuḥanna 3:34

Wenni iy d issekk Arebbi issawaȓ s wawaȓ n Arebbi minzi iticc-as Arruḥ nnes bȓa ȓeqyas.

Ȓexḏayem 14:15

"Ay iryazen, mayemmi teggem manaya? Qa neccin ḏ iwḏan waha am kenniw am neccin kif-kif. Nuwi-awem-d ijjen n wawaȓ ḏ aṣebḥan bac aḏ tbeƹƹḏem i ṯmesȓayin-a war ineffƹen ca, aḏ tḏewȓem ɣar Arebbi iddaren iy d ixeȓqen ajenna ḏ ṯmurṯ ḏ ȓebḥar ḏ marra min ḏaysen.

Ȓexḏayem 15:9

War iggi bu s wuḏemawen jaraneɣ, isireḏ-asen uȓawen nsen wami umnen.

Ayṯ-Ruma 1:20

Zeg wami ṯeǧa ddunect-a, min war itwaẓerren n Arebbi iƹni jjheḏ nnes itduman ḏ ṭṭabiƹa nnes yuƹȓan, nfehhem-iṯent nẓerr-iṯent mliḥ ḏi ṯmesȓayin itwaxeȓqen. Ƹlaḥsab manaya iwḏan war ɣarsen bu lƹuder.

Ayṯ-Ruma 11:12

Ȓexxu ȓmuƹṣiyeṯ nni iy ggin Ayṯ-Israʼil meȓa ṯuwi-d lbaraka ḏ ṯameqqrant i ddunect-a, u ƹaweḏ weṭṭu nni iy ggin meȓa yuwi-d lbaraka ḏ ṯameqqrant i yinni war iǧin ca zi Ayṯ-Israʼil, mecḥaȓ ɣa ṯarni lbaraka xmi d ɣa ḏewȓen ɣar ubriḏ?

Ayṯ-Ruma 11:24

Cuf, cek twaqesseḏ zeg uzemmur iƹni ṭṭabiƹa nnec, ssenni twaȓeqqmeḏ ḏi ṯzitunt iƹni maci ṭṭabiƹa nnec. U niṯenti, mecḥaȓ ihwen aḏ twaȓeqqment iƹni ṯiseḍwin n ṯzitunt aḏ twaƹeqbent ɣar lʼaṣel nsent.

Ayṯ-Ruma 6:13

War tqeddameṯ uȓa ḏ ijjen n ṭṭarf zi ddat nwem i ȓmuƹṣiyeṯ aḏ tegg ccarr s ddat nwem. Qeddmeṯ ixef nwem i Arebbi am yiwḏan zaƹma iy d ikkaren zeg imettinen ɣar ṯuḏarṯ. Qeddmeṯ kuȓ ṭṭarf zi ddat nwem ḥima azzayes itwagg min iǧan nican.

Ayṯ-Ruma 6:22

Ȓexxu ṯehnam zi ȓmuƹṣiyeṯ, ṯṭaƹam i Arebbi. Man nnfaƹ iy zzayes ɣa ṯawim? Iƹni aḏ tiȓim ṯeṣfam u manayenni itawi ɣar tuḏarṯ n ȓebda.

1 Ayṯ-Kurinṯ 15:45

Ammu iqqar Lkitab: "Bnaḏem amezwaru iƹni Adam iḏweȓ ḏ buḥbeȓ iddaren." Adam aneggaru netta ḏ buḥbeȓ ig iseddaren.

2 Ayṯ-Kurinṯ 5:21

Tuɣa wanita war ɣares bu ȓmuƹṣiyeṯ yarri-ṯ Arebbi ḏ ȓƹiḏ nneɣ ḥima aḏaneɣ yarr nican ak Arebbi.

2 Ayṯ-Kurinṯ 6:16

Min ṯcarrec ṯemziḏa ṯameqqrant n Arebbi ak lʼaṣnam? Walu. Cuf, neccin iy iǧan ḏ ṯamziḏa n Arebbi iddaren. Amenni iqqar Arebbi:

Ayṯ-Galaṭya 2:19

Ƹlaḥsab Ccariƹa n Musa nettaṯ s yixef nnes, nec mmuṯeɣ zaƹma i ȓeḥkam n Ccariƹa-ya xafi bac aḏ ddareɣ i Arebbi waha.

Ayṯ-Ufasus 2:5

Iseddar-aneɣ-d ak Lmasiḥ waxxa neccin s wuȓawen nneɣ nemmuṯ ƹlaḥsab ȓmuƹṣiyaṯ nneɣ. Iwa s arḍa n Siḏi Arebbi iy zi nenjem.

Ayṯ-Ufasus 5:2

Ƹicem ḏi ȓemḥibbeṯ mamc igga Lmasiḥ wami ḏaneɣ iḥibb iṣeddeq xaneɣ ixef nnes am yijjen n ṣṣeḏqeṯ ṯufuḥ ḏ ijjen n dbiḥeṯ i Arebbi.

1 Ayṯ-Salunik 1:9

Iwḏan nni s yixef nsen sufuɣen xawem ȓexbar x mamc iy ḏaneɣ ṯqebȓem ḏ mamc iy ṯsemḥem ḏi lʼaṣnam bac aḏ tƹebḏem Arebbi iddaren iy iǧan ḏ ṣṣaḥ.

1 Timutawus 1:17

Azeǧiḏ nneɣ aɣares ṯiȓi lƹaḍama i ȓebda n ȓebdaṯ, wenni ƹemmarṣ aḏ ifna ƹemmarṣ aḏ immeṯ wenni war ṯ itwiȓi ḥadd wenni iǧan ḏ Arebbi waḥḏes. Amin.

1 Timutawus 3:15

Meȓa ṭewwleɣ aṭṭas war ḏinni d usiɣ ca, ataf aḏ tessneḏ cek mamc iy ɣa suguren yiwḏan ixef nsen ḏi ṯeddarṯ n Arebbi iƹni jmaƹeṯ n ȓmuminin n Arebbi iddaren ḏ nettaṯ iy iǧan ḏ apilar ḏ dsas n lḥaqiqa.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Iƹibraniyen 1:3

Netta ḏ nnur n lƹaḍama n Arebbi ḏ ṣṣifeṯ n ṭṭabiƹa nnes bȓa axeṭṭi. S jjheḏ n wawaȓ nnes iy zi irebbu marra ṯimesȓayin. Wami iḥell ȓmuƹṣiyaṯ n bnaḏem issiṣfa-ṯent, ssenni iqqim x ufusi n Arebbi Subḥana wa Tƹala.

Iƹibraniyen 10:10

U s ȓxaḍar nni neccin netwassiṣfa s dbiḥeṯ n ddat n Ƹisa Lmasiḥ, ijjen n ṯwaȓa i ȓebda.

Iƹibraniyen 10:12

Lmasiḥ lla, netta iqeddem ijjen n dbiḥeṯ waḥḏes x ȓmuƹṣiyeṯ ijjen n ṯwaȓa i ȓebda, uca iqqim netta x ufusi n Arebbi.

Iƹibraniyen 10:2

Dbiḥaṯ nni maƹlik zemmarent aḏ ssiṣfant, ataf ṣafi sbedden-ṯent niɣ lla? Liʼanna yinni iƹebbḏen ataf aḏ qqimen ḏ imenqawiyen ijjen n ṯwaȓa i ȓebda, ataf ḍḍamir nsen war itƹeddib ca s ȓmuƹṣiyeṯ.

Iƹibraniyen 11:21

S lʼiman ikkar nnabi Yaƹqub wami tuɣa itmetta ibarek ṯarwa n mmis Yusef ij-ij, iƹebbeḏ netta xmi itsennaḏ x ṯeɣȓiyṯ nnes.

Iƹibraniyen 13:12

Ammu ƹaweḏ Ƹisa, ṯekka xas tamara nni ɣar ȓeggwaj n ṯewwarṯ n ṯendint bac aḏ issiṣfa ccaƹb s iḏammen nnes.

Iƹibraniyen 3:12

Ay ayṯma, ḥḍam ixef nwem bac uȓa ḏ ijjen zzaywem war ɣares itiȓi wuȓ ḏ abercan niɣ war ḏayes itiȓi bu lʼiman bac war itbeƹƹiḏ ca netta x Arebbi iddaren.

Iƹibraniyen 6:1

X manaya war netɣimiṯ ca ḏi ttaƹlim-a amezwaru x Lmasiḥ, a nuyureṯ ɣar zzaṯ bac a nemɣar. War ntaƹqib ca ɣar dsas. Iƹni war nessawaȓ ca ƹaḏ x ttuba nni n ssayiʼaṯ, niɣ x mammec ɣa negg a namen zi Arebbi,

Iƹibraniyen 7:16

Iƹni maci ƹlaḥsab ijjen n ȓuṣiyeṯ x ȓejḏuḏ nnes zi ccariƹa iy ṯ yarrin ḏ ȓefqi; Lla, netta ḏ ȓefqi ƹlaḥsab jjheḏ n ṯuḏarṯ nnes ƹemmarṣ aḏ tefna.

Iƹibraniyen 7:27

Netta maci am ȓfuqaha nni nneɣni imeqqranen teḥḏajan niṯni aḏ qeddmen dbiḥaṯ kuȓ nhar iƹni x ȓmuƹṣiyaṯ nsen u menbaƹd x ȓmuƹṣiyaṯ n yiwḏan. Mayemmi? Liʼanna igga manaya Ƹisa icten n ṯwaȓa i ȓebda qaƹ wami iqeddem ixef nnes ḏ lfidya x yiwḏan.

Iƹibraniyen 9:12

Yuḏef ijjen n ṯwaȓa u ṣafi ɣar Uxxam Amqeddes Aṭṭas. Netta war yuḏif ca s iḏammen n iɣayḏen niɣ ḏ iyenduzen; Lla, yuḏef s iḏammen nnes nniṯ ixeǧes xaneɣ lfidya bac a nenjem i ȓebda.

Iƹibraniyen 9:26

Maƹlik amenni tuɣa ataf labud Lmasiḥ itwaƹeddab aṭṭas n ṯwaȓaṯin zeg wami twaxȓeq ddunect-a. Walakin lla, ihwa-d netta ijjen n ṯwaȓa aȓ uneggaru n zmanaṯ bac aḏ isbeṭṭeȓ ȓmuƹṣiyeṯ wami iqeddem ixef nnes ḏ dbiḥeṯ.

Iƹibraniyen 9:7

Walakin axxam nni wis ṯnayen itraḥ ḏinni ɣir ȓefqi ameqqran, ijjen n ṯwaȓa ḏi lƹam u ṣafi. Wa labud akiḏes yawi ca n iḏammen bac aṯen iqeddem x yixef nnes u x ddnub iy ggin ccaƹb bȓa ma ṯent ssnen.

Iƹibraniyen 9:9

Marra manaya iticc ijjen lmiṯal i ȓweqṯ-a iy ḏi neǧa ȓexxu. Ccɣeȓ nni iy tuɣa teggen ḏinni xmi tqeddamen ṣṣeḏqeṯ ḏ dbiḥaṯ war izemmar ca aḏ issiṣfa ḍḍamir n wenni iƹebbḏen.

1 Buṭrus 1:19

Lla, issufeɣ-ikenniw-d s iḏammen nni iy iɣȓan s waṭṭas n Lmasiḥ iƹni Izmar nni iǧan bȓa ȓƹib bȓa ȓewsex.

1 Buṭrus 2:22

Netta war iggi uȓa ḏ ijjen n ȓmuƹṣiyeṯ, war ḏas d ikki uȓa ḏ ij uxarriq zeg uqemmum nnes.

1 Buṭrus 2:24

Netta s yixef nnes iysi ȓmuƹṣiyaṯ nneɣ ḏi ddat nnes x ṯeḥnact nni ḥima a nemmeṯ neccin s wuȓawen nneɣ i ȓmuƹṣiyaṯ, a neddar i min iǧan nican. Aqa s ujarriḥ nnes iy zi ṯgenfam kenniw.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.

1 Buṭrus 4:2

X manaya nhuraṯ nni iy ḏawem itɣiman ḏi ddat nwem maci aṯen ṯseƹḏum ƹlaḥsab ccehawaṯ n bnaḏem; Lla, seƹḏum-ṯen ƹlaḥsab ȓxaḍar n Arebbi.

1 Yuḥanna 1:7

Walakin meȓa neggur ḏi nnur mammec iǧa netta ḏi nnur, ataf ntemƹacar ak wayawya ataf iḏammen n Mmis Ƹisa ssiṣfan-aneɣ zi marra ȓmuƹṣiyaṯ.

1 Yuḥanna 3:5

Aqa ṯessnem belli Ƹisa Lmasiḥ netta imeḍhar-d bac axaneɣ ikkes ȓmuƹṣiyaṯ. U ȓmuƹṣiyeṯ netta war ḏayes ṯeǧi ca.

Lwaḥi 1:5

U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.