Iƹibraniyen 7:25 - Ṯarifiṯ 2020

²⁵ X manaya yinni zzayes itqarraben ɣar Arebbi izemmar Ƹisa aṯen isenjem i ȓebda. Mayemmi? Liʼanna netta iddar i ȓebda aḏaysen itcafaƹ.

Iƹibraniyen 7:25 ပူးပေါင်းရင်းမြစ်များ

Yuḥanna 14:13

Marra min ɣa ṯettarem ƹlaḥsab isem inu aṯ xeḏmeɣ ḥima aḏ itwasemɣar Baba s Mmis.

Yuḥanna 14:16

Nec aḏ ttareɣ i Baba ḥima aḏawem yuc Lmuƹawin nneɣni ḥima akiḏwem itiȓi i ȓebda.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Ayṯ-Ruma 5:10

Neccin nmeṣȓaḥ ak Arebbi s ȓmewṯ n Mmis wami tuɣaneɣ neccin ƹaḏ ḏ ȓƹaḏyan nnes. Ȓexxu wami kiḏes nmeṣȓaḥ, u labud zzayes iy ɣa nenjem s ṯuḏarṯ nnes!

Ayṯ-Ruma 5:2

Netta zzayes iy nufa abriḏ s lʼiman ɣar arḍa iy ḏi neǧa ȓexxu. Nfarreḥ ḏi lʼamal n lƹaḍama n Arebbi.

Ayṯ-Ruma 8:34

Wi izemmaren axasen iḥkem? Uȓa ḏ ijjen! Liʼanna netta Ƹisa Lmasiḥ ig immuṯen. U ktar, ikkar-d zi ȓmewṯ u ḏ netta iy iǧan x ufusi n Arebbi, itcafaƹ ḏayneɣ.

1 Ayṯ-Kurinṯ 1:21

Isbuheȓi-t s ȓefhameṯ n min netbeccar neccin. Mammec? S ȓefhameṯ-a n Arebbi iƹjeb-as aḏ isenjem yinni itamnen, walakin iwḏan n ddunect-a war zemmaren aṯ ssnen s ȓefhameṯ nsen.

Ayṯ-Ufasus 2:18

Liʼanna s Lmasiḥ am neccin am kenniw nzemmar a nqarreb ɣar Arebbi Babaṯneɣ s yijjen n Arruḥ iqeddsen.

Ayṯ-Ufasus 3:12

Zzayes netta a nqarreb ɣar Arebbi s zƹameṯ ḏ ttiqeṯ bȓa ma a neggweḏ xmi zzayes ntamen.

Ayṯ-Ufasus 3:20

Iwa Siḏi Arebbi ḏ netta iy izemmaren aḏ igg aṭṭas s waṭṭas zi min ḏas ntettar niɣ ḏ min netxeyyal ƹlaḥsab jjheḏ nnes iy ixeddmen ḏayneɣ.

Ayṯ-Filippas 3:21

Ddat nneɣ n ddunect-a at isbeddeȓ Lmasiḥ bac aḏ teḏweȓ am ddat nnes lƹaḍim. Itegg manaya s jjheḏ nni iy zi izemmar aḏ yarr qaƹ ṯimesȓayin swadday i lḥukem nnes.

1 Timutawus 2:5

Liʼanna ḏinni ijjen n Arebbi waḥḏes ḏ yijjen lwasiṭ waḥḏes jar Arebbi ḏ yiwḏan iƹni aryaz-a ḏ Ƹisa Lmasiḥ.

2 Timutawus 1:12

X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

Iƹibraniyen 11:6

Iwa uȓa ḏ ijjen war izemmar axas yareṭṭa Arebbi bȓa lʼiman. Minzi wenni iy ɣa qarrben ɣar Arebbi labud aḏ yamen belli netta iǧa u ḏ netta ig itjazan yinni iy xas irezzun s wuȓawen nsen.

Iƹibraniyen 13:15

Iḏen labud s Ƹisa iy zi ɣa neḥmeḏ Arebbi ḏi mkuȓ ȓweqṯ. Ḏ ṯanita ḏ dbiḥeṯ iy ɣa nqeddem i Arebbi, iƹni meȓa neƹtaref s yisem nnes.

Iƹibraniyen 2:18

Wami netta s yixef nnes itwaƹeddeb ḏi ȓemḥayen, izemmar aḏ iƹawen yinni iǧan ḏi ȓemḥayen.

Iƹibraniyen 2:9

Walakin Ƹisa wah, netwaȓa-ṯ ȓexxu s ttaj nnes n ȓuweqqar ḏ waṭṭas n ccan. Mayemmi? Lʼianna Ƹisa ḏeg yijjen n ȓweqṯ tuɣa isehwa-ṯ-iḏ Arebbi cwayt swadday i lmalaʼikaṯ iƹni wami iṣbar i ȓaƹḏab n ȓmewṯ. Bac netta s arḍa n Arebbi aḏ iqqas ȓmewṯ, ȓmewṯ nni aḏ tiȓi n marra iwḏan.

Iƹibraniyen 5:7

Ḏeg wussan nni iy ḏi tuɣa iddar Ƹisa ḏi ṯmurṯ-a, itẓaǧa itȓaɣa x Arebbi s jjheḏ u s imeṭṭawen itettar-as i wenni izemmaren aṯ isenjem zi ȓmewṯ. Arebbi itṣennaṭ-as wami Ƹisa iteggweḏ zzayes.

Iƹibraniyen 7:16

Iƹni maci ƹlaḥsab ijjen n ȓuṣiyeṯ x ȓejḏuḏ nnes zi ccariƹa iy ṯ yarrin ḏ ȓefqi; Lla, netta ḏ ȓefqi ƹlaḥsab jjheḏ n ṯuḏarṯ nnes ƹemmarṣ aḏ tefna.

Iƹibraniyen 7:19

Iffeɣ-d ijjen lʼamal ḥsen zi ȓuṣiyeṯ nni, zzayes iy ɣa nqarreb ɣar Arebbi ȓaḥeqqac Ccariƹa n Musa war d tarri uȓa ḏ ijjen ȓḥajeṯ war ḏayes bu ȓƹib.

Iƹibraniyen 7:24

Walakin Ƹisa ȓxeḏmeṯ nnes n ȓefqi aḏ teqqim war twakkis ca liʼanna netta itduma i ȓebda.

Iƹibraniyen 7:8

Ayṯ-Lawi ig ikessin ȓaƹcur iƹni niṯni ḏ iwḏan ƹadi tmettan. Walakin Malikiṣadiq ig iysin ȓaƹcur nni icehheḏ xas Lkitab belli netta iddar.

Iƹibraniyen 9:24

Cuf, Lmasiḥ war yuḏif ca Axxam nni Amqeddes Aṭṭas iy ibnan s ifassen n bnaḏem itcabbahen waha ḏeg wenni n ṣṣaḥ; Lla, netta yuḏef ḏeg ujenna nniṯ aḏ iḥḍar zzaṯ i Arebbi ƹlaḥsab neccin.

Yahuḏa 1:24

Fa wenni izemmaren akenniw iḥḍa bac war tenḏȓifem ca, izemmar ƹaweḏ akenniw iqeddem ɣar zzaṯ nnes lƹaḍim aḏ tiȓim bȓa ȓƹib aɣarwem ṯiȓi ijjen n ȓefraḥeṯ ḏ ṯameqqrant,