Iƹibraniyen 7:11 - Ṯarifiṯ 2020

¹¹ Iḏen, maƹlik ccɣeȓ nni iy xeddmen ȓfuqaha n Ayṯ-Lawi war ḏas inqis walu, mayemmi ƹaḏ tuɣa ɣa neḥḏaj aḏ d yas ijjen n ȓefqi nneɣni amecnaw lfirqa n Malikiṣadiq, maci zi lfirqa nni ƹadi n Harun n Ayṯ-Lawi?

Iƹibraniyen 7:11 ပူးပေါင်းရင်းမြစ်များ

Ayṯ-Galaṭya 2:21

Nec ugiɣ aḏ sbeṭṭȓeɣ arḍa n Arebbi. Cuf, maƹlik bnaḏem imeṣȓaḥ ak Arebbi s Ccariƹa n Musa, ataf immuṯ Lmasiḥ x ȓbaṭeȓ waha.

Ayṯ-Galaṭya 4:3

Ammu uȓa ḏ neccin. Wami neǧa ƹaḏ ḏ imezyanen, am isemɣan ḥekkmen xaneɣ lqawanin iqḏimen n ddunect-a.

Ayṯ-Galaṭya 4:9

Walakin ȓexxu kenniw ṯessnem Arebbi, iƹni netta iy kenniw issnen. Mammec teggem ƹaweḏ ṯḏewwaȓem ɣar lqawanin iqḏimen nni iteḍƹifen war itejhiḏen ca? Ma ṯexsem aɣarsen ṯḏewȓem ḏ isemɣan ƹaweḏ niɣ?

Iƹibraniyen 5:10

Ssenni yarri-ṯ Arebbi ḏ ȓefqi ameqqran amecnaw lfirqa nni n ȓefqi Malikiṣadiq.

Iƹibraniyen 5:6

Ƹaweḏ iqqar Arebbi ḏeg yijjen n umcan nneɣni:

Iƹibraniyen 6:20

Ḏeg umcan nni yuḏef Ƹisa ḏinni ḏ amezwaru ƹlaḥsab neccin, iḏweȓ ḏ ȓefqi ameqqran i ȓebda amecnaw lfirqa nni n ȓefqi umi qqaren Malikiṣadiq.

Iƹibraniyen 7:10

Mammec manaya? Wami Brahim imeȓqa ak Malikiṣadiq, tuɣa Lawi ƹaḏ ɣar ḏaxeȓ n ddat n Brahim iƹni jeddis ameqqran.

Iƹibraniyen 7:12

U cuf, meȓa ibeddeȓ ccɣeȓ nni iy xeddmen ȓfuqaha n Ayṯ-Lawi ataf wa labud aḏ tbeddeȓ ƹaweḏ can ȓḥajeṯ ḏi ccariƹa.

Iƹibraniyen 7:13

Liʼanna wenni iy xef nessawaȓ iƹni Ƹisa netta yusa-d zi ṯeqbiȓṯ nneɣni maci zi ṯeqbiȓṯ n Ayṯ-Lawi. Zi ṯeqbiȓṯ nnes ƹemmarṣ war ixḏim can yijjen ḏ ȓefqi ɣar ȓmeḏbaḥ.

Iƹibraniyen 7:15

Ȓexxu marra manaya itwaḍhar-d mliḥ wami d imeḍhar ijjen n ȓefqi nneɣni, iƹni ḏ Ƹisa, amecnaw lfirqa n Malikiṣadiq.

Iƹibraniyen 7:21

Walakin Ƹisa yarri-ṯ Arebbi ḏ ȓefqi s yijjen n ṯjaǧiṯ wami ḏas inna:

Iƹibraniyen 8:7

Maƹlik ȓƹaheḏ nni amezwaru war ḏas inqis walu, ataf war rezzun ca x wis ṯnayen.

Iƹibraniyen 9:6

Wami swejḏen marra ṯimesȓayin-a ammu, tuɣa taḏfen ȓfuqaha ɣar uxxam amezwaru kuȓ nhar ḏi lʼawqat nnes, teggen ccɣeȓ nsen.