Iƹibraniyen 6:8 - Ṯarifiṯ 2020

⁸ Walakin meȓa ṯamurṯ nni ṯseɣmay-d ɣir isennanen ḏ ṯzeggwarṯ, ataf nettaṯ ḏ walu aqat ḏi lxaṭar aḏ twanƹeȓ, aȓ uneggaru at sḥarqen s ṯmessi.

Iƹibraniyen 6:8 ပူးပေါင်းရင်းမြစ်များ

Matta 25:41

Ȓexddenni yinni iǧan x uẓeȓmaḍ aḏasen yini uzeǧiḏ: A yinni inƹeȓ Arebbi beƹƹḏem xafi! Ruḥem ɣar ṯmessi iy war ixessin ƹemmarṣ isewjḏen i Cciṭan ḏ ccayaṭin nnes!

Matta 3:10

Aqa caqur iwjeḏ ḥima aḏ iqess iẓewran n ȓcejjur. Mkuȓ ṯacejjarṯ iy war itirwen ca min iǧan ḏ aṣebḥan ataf aḏ twaqess aḏ tmenḍar ḏi ṯmessi.

Matta 7:19

Marra ṯacejjarṯ iy war itirwen ca min iǧan ḏ aṣebḥan aḏ twaqess aḏ tmenḍar ḏi ṯmessi.

Marqus 11:14

Inna-as: "Cem zi ssa aȓ ṯsawent ƹemmarṣ war zzayem itett ḥadd." Imeḥḍaren nnes sȓan-as i min inna.

Marqus 11:21

Ifekkar ḏayes Buṭrus inna-as i Ƹisa: "Xzar a Lmuƹallim, ṯacejjarṯ nni n ṯazarṯ iy ṯexziḏ aqa ṯuzeɣ!"

Yuḥanna 15:6

Meȓa can yijjen war iqqim ca ḏayi, ataf aḏ imenḍar ɣar barra amecnaw ikeccuḍen yuzɣen, aṯen smunen aṯen ggen ḏi ṯmessi aḏ cemḍen.

Iƹibraniyen 10:27

Lla, neccin ɣir netraja ijjen n Lḥisab ḏ Lƹiqab s ṯiggwḏi ḏ yijjen n ṯmessi ṯḥeddeq aḏ tecc ȓƹaḏyan n Arebbi.

Iƹibraniyen 12:17

Aqa ṯessnem menbaƹd iƹqeb-d Ƹasu-ya irezzu aḏ iwareṯ lbaraka nni yugi-yas babas. War yufi mammec tid ɣa yarr waxxa itettar-as-t s imeṭṭawen.

Lwaḥi 20:15

Wenni war ɣar ufin ca isem nnes izemmem ḏi Lkitab n Ṯuḏarṯ qa imenḍar-d ḏi ȓebḥar n ṯmessi.