Iƹibraniyen 6:4 - Ṯarifiṯ 2020

⁴ Amma yinni mixef iceƹceƹ nnur, qqasen lhadiya n ujenna, carrcen ḏi Arruḥ iqeddsen,

Iƹibraniyen 6:4 ပူးပေါင်းရင်းမြစ်များ

Matta 12:45

Uca aḏ iraḥ aḏ d yawi sebƹa n jnun nneɣni ḏ iƹeffanen ktar zzayes ḥima aḏ ḏewȓen kuȓci aḏayes zeḏɣen. Ataf aḏ tiȓi lḥala ṯaneggarut n bnaḏem nni ḏ ṯaƹeffant ktar zi lḥala nnes ṯamezwarut. Amenni iy ḏasen ɣa ṯewqeƹ i yiwḏan iƹeffanen n ȓweqṯ-a."

Matta 5:13

Ḏ kenniw iy iǧan ḏ ȓemȓeḥ ṯaṣebḥant n ṯmurṯ. Walakin meȓa iruḥ-as lmaḏaq nnes, mamc ḏas ɣa negg aḏas ṯiḏ narr? Ataf war ṯṣeǧaḥ i walu, ɣir at nḍaren ɣar barra waha axas ƹeffsen yiwḏan.

Yuḥanna 15:6

Meȓa can yijjen war iqqim ca ḏayi, ataf aḏ imenḍar ɣar barra amecnaw ikeccuḍen yuzɣen, aṯen smunen aṯen ggen ḏi ṯmessi aḏ cemḍen.

Yuḥanna 3:27

Inna-asen Yaḥya: "War izemmar bnaḏem aɣares ṯiȓi can ṯmesȓayṯ meȓa war ḏas d tusi ca zi Arebbi.

Yuḥanna 4:10

Inna-as Ƹisa: "Maƹlik cem ṯessneḏ lhadiya n Arebbi ṯessneḏ min ƹniɣ nec iy ḏam iqqaren uc-ayi aḏ sweɣ, ataf ṯettareḏ-ayi cem aman aḏam uceɣ aman n ṯuḏarṯ."

Yuḥanna 6:32

Inna-asen Ƹisa: "Aqa tesȓam ȓḥaqq: War iǧi bu ḏ Musa iy ḏawem yucin aɣrum zeg ujenna; Lla, ḏ Baba iy ḏawem iticcen aɣrum n ṣṣaḥ zeg ujenna.

Ȓexḏayem 10:45

Ȓmuminin zeg Ayṯ-Israʼil iy d yusin ak Buṭrus qqimen tƹejjben wami ufin Arruḥ iqeddsen itwafeyyeḍ uȓa x yinni war iǧin ca ḏ israʼiliyen.

Ȓexḏayem 11:17

Iwa meȓa yuca-asen Arebbi i niṯni amecnaw min ḏaneɣ yuca i neccin wami numen zi Siḏiṯneɣ Ƹisa Lmasiḥ, min ƹniɣ nec bac aḏ ƹarrḍeɣ i Arebbi?"

Ȓexḏayem 15:8

Arebbi ḏ netta ig issnen uȓ n bnaḏem, iseḍhar-d netta belli iqbeȓ-iṯen iƹni yuca-asen Arruḥ iqeddsen mammec ḏaneɣ ṯ yuca i neccin.

Ȓexḏayem 8:20

Ikkar Buṭrus inna-as: "Lla, jmeƹ nnuqarṯ nnec qa aḏ tiȓi ḏ ṯimessi akiḏec ḏi ȓefna minzi ṯenwiḏ aḏ tesɣeḏ lhadiya n Arebbi s tmenyaṯ!

Ayṯ-Ruma 1:11

Nec rezzuɣ s waṭṭas akenniw ẓreɣ ḥima aḏawem uceɣ ijjen n lqudra ruḥiya iy ḏawem ɣa yucen jjheḏ.

2 Ayṯ-Kurinṯ 4:4

Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.

2 Ayṯ-Kurinṯ 4:6

Ḏ Arebbi ig innan: "Nnur aḏ iceƹceƹ zi ṯaǧest." Ḏ Arebbi-ya ig iceƹcƹen ḏeg wuȓawen nneɣ bac a nessen lƹaḍama n Arebbi ig itceƹciƹen ḏeg wuḏem n Ƹisa Lmasiḥ.

Ayṯ-Galaṭya 3:2

Akenniw sseqsiɣ x yijjen n ṯmesȓayṯ waha. Ma ihwa-d xawem Arruḥ iqeddsen wami ṯṭaƹem i Ccariƹa n Musa? Lla, ihwa-d wami ṯesȓim i Lʼinjil ṯumnem zzayes.

Ayṯ-Galaṭya 3:5

Iḏen, mammec ḏawem d iticc Arebbi Arruḥ iqeddsen itegg jarawem lmuƹjizaṯ? Wac xmi tṭaƹam i Ccariƹa n Musa? Lla, xmi tesȓam Lʼinjil tamnem zzayes.

Ayṯ-Ufasus 1:18

Aḏawem d yuc ijjen n nnur i wuȓawen nwem bac aḏ tessnem min iƹna lʼamal-a iy zi ḏawem d iȓaɣa, ḏ min iƹna wagȓa-ya n lwareṯ ƹaḍim n ṣṣaliḥin,

Ayṯ-Ufasus 2:8

Aqa s arḍa n Siḏi Arebbi iy zi ṯnejmem wami ṯumnem. Manaya war zzaywem d itekk ca zi kenniw; Lla, manaya itekk-d zi lhadiya n Arebbi.

Ayṯ-Ufasus 3:7

Ḏewȓeɣ ḏ axeddam n Lʼinjil-a ƹlaḥsab lbaraka n Arebbi wami ḏayi t ihḏa isexḏem-it s jjheḏ nnes.

Ayṯ-Ufasus 4:7

Cuf, kuȓ ijjen zzayneɣ ṯemmuc-as yijjen n lbaraka ƹlaḥsab mammec t iwzen Lmasiḥ ḏ lhadiya.

1 Timutawus 4:14

War tferraṭ ca ḏi lqudra nni iy ḏac immucen ƹlaḥsab awaȓ nni aṣebḥan iy xac nnan lʼanbiya wami ayraw n imeqqranen n jmaƹeṯ n ȓmuminin sersen xac ifassen nsen.

2 Timutawus 2:25

Aḏ iṣeḥḥaḥ s yijjen n wuȓ iṣebbaren i yinni iy ḏas itƹarraḍen; ḥima meȓa ixes Arebbi aṯen ijj aḏ tuben aḏ ssnen lḥaqiqa.

2 Timutawus 4:14

Iskander wenni itṣennaƹen nneḥḥas iḍarr-ayi aṭṭas, aṯ ixeǧes Arebbi x ȓefƹayeȓ nnes.

Iƹibraniyen 10:32

Fa ƹeqȓeṯ x wussan nni iƹḏun wami xawem d iceƹceƹ nnur. Ṯeṣbarem x yijjen n umenɣi iqseḥ, ṯwajham aƹeddeb.

Iƹibraniyen 2:4

Icehheḏ xas uȓa ḏ Arebbi s lƹalamaṯ ḏ lburhanaṯ ḏ waṭṭas n lʼanwaƹ n lmuƹjizaṯ. S lʼiden nnes ƹaweḏ ifreq lqudraṯ ruḥiyaṯ n Arruḥ iqeddsen.

1 Yuḥanna 5:16

Wenni ɣa itwaȓan ijjen n wumas iƹṣa ijjen ȓmuƹṣiyeṯ iy war itiwin ca ɣar ȓmewṯ, netta itxeṣṣa-yas axas iẓẓaǧ ɣar Arebbi ataf aḏas yuc ṯuḏarṯ i wumas nni. Nniɣ-awem-d manaya ƹlaḥsab yinni ȓmuƹṣiyeṯ nsen war ṯen tiwi ca ɣar ȓmewṯ. Ḏinni ijjen n ȓmuƹṣiyeṯ ig itawin ɣar ȓmewṯ, ṯenni war ḏawem t qqareɣ ca axas ṯeẓẓaǧem.