Iƹibraniyen 6:2 - Ṯarifiṯ 2020

² niɣ x ibriḏen bac aḏ twaṭehharen yiwḏan s waman, niɣ x mammec ɣa negg a nsers ifassen nneɣ x yiwḏan, niɣ x lqiyama n imettinen, niɣ x Lḥisab nni war ifennin ca.

Iƹibraniyen 6:2 ပူးပေါင်းရင်းမြစ်များ

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Matta 3:14

Walakin Yaḥya yugi inna-as: "Nec itxeṣṣa cek iy ḏayi ɣa iṭehharen, u cek ṯusiḏ-d ɣari?"

Marqus 16:16

Wenni yumnen aḏ itwaṭehhar s waman ataf aḏ injem. Wenni war yuminen ca ataf aḏ itwaḥkem.

Marqus 7:4

Meȓmi ma d ḏewwȓen zi ssuq, meȓa war sirḏen ca ataf war tetten ca. Aṭṭas n ȓeḥwayej nneɣni iy ḏeffaren, ȓemḏen-ṯen teṭṭfen-ṯen u ṣafi, amecnaw asireḏ n ȓkisan ḏ iɣarrafen ḏ ȓeqcuƹ n nneḥḥas ḏ ṯassuṯ.

Marqus 7:8

Kenniw ṯejjim ȓuṣiyeṯ n Arebbi, ṯeṭṭfem ḏi lƹadaṯ n yiwḏan u ṣafi."

Luqa 11:38

afarrisi nni itƹejjeb wami yufa Ƹisa war isireḏ ca ifassen nnes qbeȓ ma aḏ icc.

Luqa 12:50

Itxeṣṣa-ayi aḏ twaƹaddbeɣ, xeyyqeɣ aṭṭas ḥetta aȓ ɣa ƹḏuɣ manayenni.

Luqa 14:14

Ssaƹḏ nnec ƹlaḥeqqac war ɣarsen minzi c ɣa xeǧsen. Ataf aḏac itwaxȓef ḏi Nhar nni xmi d ɣa kkaren zi ȓmewṯ yinni iǧan nican."

Luqa 3:16

Ijaweb-iṯen Yaḥya marra inna-asen: "Qa nec ṭehhareɣ-kenniw s waman, walakin aḏ d yas ijjen ijheḏ xafi, war sḏihiǧeɣ ca aḏas fesyeɣ uȓa ḏ ifiȓan n ṯsiȓa nnes. Netta akenniw iṭehhar s Arruḥ iqeddsen ḏ yiȓesawen n ṯmessi.

Yuḥanna 1:33

Tuɣa nec war ṯ ssineɣ ca min iƹna, walakin ḏ Arebbi iy ḏayi d issekken aḏ ṭehhareɣ i yiwḏan s waman, netta inna-ayi: Wenni ɣa ṯeẓreḏ ihwa-d xas Arruḥ imars xas, ḏ netta iy ɣa iṭehharen i yiwḏan s Arruḥ iqeddsen.

Ȓexḏayem 10:47

"Ma ḏinni can bnaḏem iy ɣa isbedden iwḏan-a bac war tetwaṭehhiren ca s waman? Yina immuc-asen Arruḥ iqeddsen am neccin am niṯni!"

Ȓexḏayem 13:3

Wami ẓummen ẓẓuǧen, ȓexddenni sersen xasen ifassen nsen ssekken-ṯen.

Ȓexḏayem 16:15

Wami ṯetwaṭehhar s waman nettaṯ ḏ ȓeḥbab nnes, ṯettar zzayneɣ ṯenna-aneɣ: "Araḥem-d ɣar ṯeddarṯ inu qqimem akiḏi iƹni meȓa ṯteyyqem belli nec umneɣ zi Siḏi Arebbi." Ṯḥeccem-aneɣ nettaṯ aȓ wami neqbeȓ.

Ȓexḏayem 16:33

Ḏi ṯsaƹƹat nni s ǧiȓeṯ, yuwi-ṯen lḥaris n ȓeḥbes imseḥ-asen ijarriḥen. Ȓexddenni itwaṭehhar s waman netta ḏ marra ȓeḥbab nnes.

Ȓexḏayem 17:18

Can n lfalasifa umi qqaren ibikuriyen ḏ can lfalasifa nneɣni umi qqaren iriwaqiyen bḏan temnaqacen ak Bulus nnan ȓebƹaḍ zzaysen, min ixes aḏ yini wanita itpeȓpiȓen waha? Nnan yiwḏan nneɣni imken itbeccar s arebbiṯen n dduwal. Nnan manaya minzi Bulus itbeccar s Ƹisa ḏ lqiyama.

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓexḏayem 2:41

Ssenni yinni iqebȓen awaȓ nnes ruḥen twaṭehharen s waman. Nhar nni marnin can ṯeȓtaȓaf iḏsen ɣar ȓmuminin.

Ȓexḏayem 23:6

Wami issen Bulus qa ca zzaysen zi ȓḥizeb n iṣadduqiyen ca nneɣni zi ȓḥizeb n ifarrisiyen, ikkar iȓaɣa-d s jjheḏ ḏi Jmaƹeṯ nni n lḥukkam jarasen inna-asen: "Ay ayṯma, qa nec ḏ afarrisi mmis n ifarrisiyen! Aqa tḥakamem xafi wami nec ɣari lʼamal aḏ d kkaren yiwḏan zi ȓmewṯ ḏi Lqiyama."

Ȓexḏayem 24:15

Ɣari lʼamal zi Arebbi mamc ɣarsen iǧa ɣar iryazen-a, iƹni aḏ d kkaren zi ȓmewṯ ṣṣaliḥin ḏ ḍḍalimin.

Ȓexḏayem 24:21

Wac imken x wawaȓ nni iy nniɣ s uȓaɣi jarasen wami beddeɣ ḏinni? Nniɣ-asen aqa kenniw ṯḥakamem xafi nhara minzi tamneɣ belli iwḏan aḏ d kkaren zi ȓmewṯ ḏi Lqiyama."

Ȓexḏayem 24:25

Wami issiweȓ Bulus x min iǧan nican, ḏ mammec ɣa iḥkem bnaḏem x yixef nnes, ḏ Yum Lḥisab ḏ Lƹiqab iy d ɣa yasen uca inexȓeƹ Filikes inna-as: "Ṣafi ȓexxu, ƹqeb. Xmi ɣari ɣa ṯiȓi lfurṣa axak d ȓaɣiɣ."

Ȓexḏayem 26:8

Mayemmi ṯenwim qa Arebbi war itemkin ca aḏ d isnekkar yinni immuṯen zi ȓmewṯ?

Ȓexḏayem 4:2

War ḏasen iƹjib bu ȓḥaȓ qaƹ wami ufin Buṭrus ḏ Yuḥanna seȓmaḏen tḥeddaṯen i yiwḏan x Ƹisa qqaren belli iwḏan aḏ d kkaren zi ȓmewṯ.

Ȓexḏayem 6:6

Sebƹa-ya n ṣṣaḥaba qeddmen-ṯen ɣar arrusul, ẓẓuǧen xasen sersen xasen ifassen nsen baraken-ṯen.

Ayṯ-Ruma 2:16

Iqqar Lʼinjil iy zi tḥeddaṯeɣ: Manaya aḏ yiȓi ḏi Nhar nni xmi ɣa iḥaseb Arebbi x ufus n Ƹisa Lmasiḥ marra min inuffaren ḏeg wuȓawen n yiwḏan.

1 Ayṯ-Kurinṯ 10:2

Marra niṯni twaṭehharen s waman ƹlaḥsab Musa wami ƹḏun ḏeg useynu nni ḏ ȓebḥar nni.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.

2 Ayṯ-Kurinṯ 5:10

Liʼanna labud a nbedd marra iḏneɣ zzaṯ i lƹarc n Lmasiḥ mani iy ɣa netwaḥkem. Kuȓ ijjen aṯ ijaza x min isḏaheǧ ƹlaḥsab ṯimesȓayin nni ig igga wami izḏeɣ ḏi ddat, ḏ ṯiṣebḥanin niɣ ḏ ṯiƹeffanin.

Ayṯ-Filippas 3:21

Ddat nneɣ n ddunect-a at isbeddeȓ Lmasiḥ bac aḏ teḏweȓ am ddat nnes lƹaḍim. Itegg manaya s jjheḏ nni iy zi izemmar aḏ yarr qaƹ ṯimesȓayin swadday i lḥukem nnes.

Ayṯ-Kulus 2:12

Iƹni ṯenḍȓem akiḏes s ṭṭahareṯ nwem ḏeg waman, u ƹaweḏ s ṭṭahareṯ nwem ḏeg waman ṯekkarem-d akiḏes zi ȓmewṯ s lʼiman nwem ḏi ṯzemmar n Arebbi wenni d isekkaren Ƹisa zi ȓmewṯ.

2 Timutawus 2:18

Niṯni ffɣen abriḏ n lḥaqiqa qqaren qa ṣafi Yum Lqiyama iwqeƹ, tḍeyyaƹen lʼiman n ȓebƹaḍ n yiwḏan.

Iƹibraniyen 11:35

Ȓebƹaḍ n ṯemɣarin ysint-id imettinen nsent iy d kkaren zi ȓmewṯ. Ȓebƹaḍ n yiwḏan marrṯen-ṯen, walakin niṯni ugin aḏ twaḍeȓqen bac aḏ rebḥen ijjen n lqiyama ḥsen.

Iƹibraniyen 9:10

Manaya ɣir ḏayes can n lqawanin n ccariƹa x lmakla ḏ ṯsessi ḏ ȓuḍu. Lqawanin-a war ǧin ca x wuȓawen n bnaḏem, xeddmen ḥetta ȓweqṯ n ȓƹaheḏ ḏ jḏiḏ u ṣafi.

2 Buṭrus 3:7

Ȓexxu ƹaweḏ s ȓuṣiyeṯ nnes twaxemmȓen ijennaṯen ḏ ṯmurṯ ḏi ȓweqṯ-a i ṯmessi, aqa twassewjaḏen i Yum Lḥisab ḏ Lƹiqab aḏ sefnan yinni war itṭiƹin ca i Arebbi.