Iƹibraniyen 6:19 - Ṯarifiṯ 2020

¹⁹ Lʼamal-a itiȓi ɣarneɣ am yijjen n uȓiyzim n uɣarrabu n ȓaƹmar nneɣ, irseq s jjheḏ war iḍeǧeq. Yuḏef lʼamal-a iƹḏu ɣar ḏeffar n arrwaq n Uxxam Amqeddes Aṭṭas.

Iƹibraniyen 6:19 ပူးပေါင်းရင်းမြစ်များ

Matta 27:51

Ȓexddenni ig iqqars arrwaq n ṯemziḏa ṯameqqrant x ṯnayen zeg ujenna aȓ ṯmurṯ. Iwqeƹ zzinzal, nferqen yizra x ṯnayen.

Ȓexḏayem 23:6

Wami issen Bulus qa ca zzaysen zi ȓḥizeb n iṣadduqiyen ca nneɣni zi ȓḥizeb n ifarrisiyen, ikkar iȓaɣa-d s jjheḏ ḏi Jmaƹeṯ nni n lḥukkam jarasen inna-asen: "Ay ayṯma, qa nec ḏ afarrisi mmis n ifarrisiyen! Aqa tḥakamem xafi wami nec ɣari lʼamal aḏ d kkaren yiwḏan zi ȓmewṯ ḏi Lqiyama."

Ȓexḏayem 27:29

Ggwḏen aɣarrabu aḏ iȓqef izra, nḍaren zi puppa n uɣarrabu arbeƹa n iȓiyzam qqimen tẓaǧan bac aḏ iṣbeḥ ȓḥaȓ.

Ȓexḏayem 27:40

Qeḍwen iȓiyzam jjin-ṯen ḏi ȓebḥar, serxun iseɣwan iy zi twarekknen dmamaṯ. Sgaƹƹḏen ȓeqȓaƹ n zzaṯ i arriḥ itṣuḍen, wejjhen ɣar ȓbarr.

Ayṯ-Ruma 4:16

S manayenni ȓƹaheḏ-a ibna x lʼiman waḥḏes: Ḥima ȓƹaheḏ-a aḏ d yas zi arḍa nnes, ḥima aṯ iḍmen Arebbi i marra ddurriṯ n Brahim. U maci ɣir wenni iḏeffaren ccariƹa n Musa; Lla, uȓa ḏ wenni icarrcen ḏi lʼiman n Brahim. Netta ḏ jeddiṯneɣ marra.

Ayṯ-Ruma 4:18

Waxxa war ḏinni bu lʼamal qaƹ, yumen Brahim igga lʼamal. Amenni iy iḏweȓ ḏ jeddiṯsen i waṭṭas n ȓegnus mammec tuɣa ḏas itwanna zi qbeȓ:

Ayṯ-Ruma 5:4

Ṣṣbar-a itarew ḏayneɣ minzi ɣa neɣȓeb x ȓemḥayen. S ȓeɣȓab-a x ȓemḥayen itarew ḏayneɣ lʼamal.

1 Ayṯ-Kurinṯ 13:13

Aqaṯen ȓexxu qqimen ṯȓaṯa-ya: lʼiman ḏ lʼamal ḏ ȓemḥibbeṯ yina. Maca zi yina ȓemḥibbeṯ ṯuƹȓa.

1 Ayṯ-Kurinṯ 15:58

S manaya ay ayṯma imƹizzen inu, beddeṯ nican maci akenniw senhezzen. Ggeṯ lmejhud nwem ȓebda ḏi ȓxeḏmeṯ n Siḏiṯneɣ, qa ṯessnem belli ȓxeḏmeṯ nwem ḏi Siḏiṯneɣ maci ḏ ȓbaṭeȓ.

Ayṯ-Ufasus 2:6

Ṯumma isekkar-aneɣ-d ak Lmasiḥ isɣim-aneɣ ḏeg imucan n ujenna s Ƹisa Lmasiḥ.

Ayṯ-Kulus 1:27

Niṯni ixḍar-iṯen Arebbi bac aḏ xebbaren i yinni war iǧin ca zi Ayṯ-Israʼil aḏasen inin mecḥaȓ imɣar ȓxir-a lƹaḍim n ȓmaƹna inuffaren wanita. Min iƹna ȓmaƹna-ya? Lmasiḥ netta iǧa ḏaywem, ḏ lʼamal n lƹaḍama.

Ayṯ-Kulus 3:1

Iḏen fa wami twasnekkarem kenniw ak Lmasiḥ u labud aḏ terzum s wuȓawen nwem ṯimesȓayin nni iǧan ḏeg ujenna mani iqqim Lmasiḥ ɣar ufusi n Arebbi.

2 Timutawus 2:19

Walakin dsas ijehḏen n Arebbi war itenhezzi ca, xas iy neqcent ṯira-ya qqarent qa Siḏi Arebbi qa issen iwḏan iǧan nnes. Qqarent ƹaweḏ qa marra yinni icehhḏen s yisem n Siḏiṯneɣ itxeṣṣa u labud aḏ beƹƹḏen x ccarr.

Iƹibraniyen 4:16

Falihaḏa a nqarreb s zƹameṯ ɣar ȓƹarc n Arebbi ḏayes arḍa bac a naf ḏinni arraḥmeṯ ḏ yijjen n arḍa iy ḏaneɣ ɣa iƹawnen ḏi ȓweqṯ n uḥḏaji nneɣ.

Iƹibraniyen 9:3

Ṯumma ḏinni ijjen n arrwaq, ɣar ḏeffar nnes ḏinni ijjen n uxxam wis ṯnayen qqaren-as

Iƹibraniyen 9:7

Walakin axxam nni wis ṯnayen itraḥ ḏinni ɣir ȓefqi ameqqran, ijjen n ṯwaȓa ḏi lƹam u ṣafi. Wa labud akiḏes yawi ca n iḏammen bac aṯen iqeddem x yixef nnes u x ddnub iy ggin ccaƹb bȓa ma ṯent ssnen.

1 Buṭrus 1:3

Aḏ itwabarek Arebbi, Babas n Siḏiṯneɣ Ƹisa Lmasiḥ iy ḏaneɣ yucin s arraḥmeṯ nnes ṯameqqrant ad nexȓeq ḏ jḏiḏ ɣar yijjen n lʼamal iddaren wami d isekkar Ƹisa Lmasiḥ zeg imettinen.