Iƹibraniyen 6:12 - Ṯarifiṯ 2020

¹² War nexs ca aḏ tƹegzem. Itxeṣṣa aḏ tiȓim am yinni itwaraṯen s ṣṣbar ḏ lʼiman nsen x ṯmesȓayin nni iy zi ṯen iwƹeḏ Arebbi.

Iƹibraniyen 6:12 ပူးပေါင်းရင်းမြစ်များ

Matta 22:32

Iqqar qa nec ḏ Arebbi n Brahim, ḏ Arebbi n Isḥaq, ḏ Arebbi n Yaƹqub." Inna-asen Ƹisa: "Netta ḏ Arebbi n yinni iddaren maci n yinni immuṯen."

Matta 25:26

Indeq-d siḏes inna-as: Ay axeddam amcum, ay afenyan! Iwa ṯessneḏ belli nec mejjareɣ mani war zerrƹeɣ, kessiɣ min war teẓẓuɣ.

Luqa 16:22

Ṣafi immuṯ ȓmeskin nni, ysint-ṯ lmalaʼikaṯ sersent-ṯ x ufuḏ n Brahim. Ƹaweḏ immuṯ ttajar nni ysin-ṯ neḍȓen-ṯ.

Luqa 8:15

Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am yiwḏan iy tesȓan i wawaȓ n Arebbi qebȓen-ṯ s wuȓ nsen aṣebḥan ḏ acemȓaȓ, ṣebbaren ḥima aḏ arwen.

Ayṯ-Ruma 12:11

Ḥawȓeṯ war teƹgizem ca. Xeḏmeṯ i Siḏi Arebbi s wuȓ ḏ arruḥ.

Ayṯ-Ruma 2:7

Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.

Ayṯ-Ruma 4:12

U netta ḏ jeddiṯsen ƹaweḏ uȓa n yinni iggin ṭṭahareṯ, walakin maci ggin ṭṭahareṯ u ṣafi. Lla, itxeṣṣa-yasen aḏ ḏeffaren ȓaṯar n lʼiman mamc tuɣa iǧa ɣar jeddiṯneɣ Brahim wami tuɣa ƹaḏ war iggi bu ṭṭahareṯ.

1 Ayṯ-Salunik 1:3

Netxemmam zzaṯ n Arebbi iǧan ḏ Babaṯneɣ mecḥaȓ ixeddem lʼiman nwem, mecḥaȓ ṯrebbeȓ ȓemḥibbeṯ nwem, u mecḥaȓ iṣebbar lʼamal nwem ḏi Siḏiṯneɣ Ƹisa Lmasiḥ.

2 Ayṯ-Salunik 1:4

X manaya ḏ kenniw ig iǧan ḏ ccan nneɣ jar ṯjumaƹ n ȓmuminin, nessawaȓ x ṣṣbar nwem ḏ lʼiman nwem ḏi marra aƹeddeb nni ḏ marra ȓemḥayen nni iy xawem iy tekken.

Iƹibraniyen 1:14

Lmalaʼikaṯ, niṯenti min ƹnant? Niṯenti ḏ arruḥaṯ twassekkent-id aḏ sexxarent i yinni iy ɣa iwarṯen asenjem.

Iƹibraniyen 10:36

Aqa itxeṣṣa aḏ teṣbarem, mayemmi? Bac xmi ɣa ṯeggem ȓxaḍar n Arebbi, ataf aɣarwem yiȓi minzi iy kenniw iwƹeḏ.

Iƹibraniyen 11:33

S lʼiman kkaren niṯni rebḥen lmemlakaṯ, ḥekmen s ȓḥaqq, ḥerṯen x lwuƹud, bellƹen iqemmumen n sbuƹaṯ,

Iƹibraniyen 12:1

Iḏen ƹlaḥsab niṯni, iƹni ȓechuḏ nni n lʼiman iy xaneɣ itennḍen am yijjen n umuni ḏ ameqqran, labud a nekkar a nekkes kuȓ dqeȓ ḏ kuȓ ȓmuƹṣiyeṯ iy ḏaneɣ iseḥṣaren. A nazzȓeṯ s ṣṣbar ṯazzȓa nni iy ḏaneɣ itrajan ɣar zzaṯ.

Iƹibraniyen 13:7

Ƹeqȓeṯ x yinni iy xawem itrayyan iƹni yinni issiwȓen akiḏwem s wawaȓ n Arebbi. Fekkareṯ ḏi min urwen niṯni s ṯuḏarṯ nsen, ggeṯ mammec iy ggin niṯni s lʼiman nsen.

Iƹibraniyen 5:11

Ƹaḏ nzemmar a nini aṭṭas x ṯmesȓayin-a walakin iqseḥ akenniw nsefhem. Mayemmi? Liʼanna kenniw ṯḏeqȓem aḏ tfehmem.

Iƹibraniyen 6:15

Iwa ammu wami iraja Brahim s yijjen n ṣṣbar yuweḍ-as-d min zi ṯ iwƹeḏ Arebbi.

Yaƹqub 1:3

Kenniw ṯessnem marra ȓemḥayen-a iy ṯseƹḏum ƹlaḥsab lʼiman nwem tawint-id ṣṣbar.

2 Buṭrus 1:10

Iḏen ay ayṯma, ggeṯ lmejhud nwem ktar ƹaḏ bac aḏ tḍemnem aȓaɣi nnes ɣarwem belli netta ixḍar-ikenniw. Meȓa ṯeggim ṯimesȓayin-a, ataf ƹemmarṣ aḏ d tewḍam.

1 Yuḥanna 2:25

Minzi ḏaneɣ iwƹeḏ? Iwƹeḏ-aneɣ s ṯuḏarṯ n ȓebda n ȓebdaṯ.

Lwaḥi 13:10

Wenni minxef yura aḏ itwaḥebbes, ataf aḏ itwaḥebbes. Wenni minxef yura aḏ itwaneɣ s ssif, ataf aḏ itwaneɣ s ssif. Ḏi lḥala nni itxeṣṣa ȓmuminin ṣṣaliḥin aḏ ṣbaren aḏ amnen.