Iƹibraniyen 5:2 - Ṯarifiṯ 2020

² Izemmar netta aḏ iḥinn x yinni war ifehhmen ca ḏ yinni iffɣen abriḏ minzi netta s yixef nnes ḏayes ḍḍuƹef.

Iƹibraniyen 5:2 ပူးပေါင်းရင်းမြစ်များ

Luqa 22:32

Tettareɣ akiḏec ɣar Siḏi Arebbi ḥima lʼiman nnec war ineqqeṣ ca. Xmi ɣari d ɣa ṯḏewȓeḏ, cejjeƹ ayṯmac."

2 Ayṯ-Kurinṯ 11:30

Meȓa nec u labud aḏ ftaxareɣ, aḏ ftaxareɣ s min ḏayi d isbeyyanen ḍeƹfeɣ.

2 Ayṯ-Kurinṯ 12:5

Ijjen n uryaz am wanita zemmareɣ nec azzayes ftaxareɣ. Walakin war teftaxareɣ ca zi min ḏayi d yusin, teftaxareɣ zi ḍḍuƹef inu u ṣafi.

Ayṯ-Galaṭya 4:13

Aqa ṯessnem belli nec tbeccareɣ-kenniw s Lʼinjil ḏ amezwaru ƹlaḥsab ijjen n ȓehȓac ḏ lmaraḍ ḏi ddat inu.

Ayṯ-Ufasus 4:18

Niṯni ṯṭemmeṣ-iṯen ȓefhameṯ zaƹma iy ḏaysen. Niṯni ggwjen zi ṯuḏarṯ n Arebbi ƹlaḥsab ȓeqfaȓeṯ nni iy ḏaysen s ṯɣennant n wuȓawen nsen.

1 Timutawus 1:13

Nec qbeȓ tuɣa qqareɣ awaȓen war iḥȓin x Arebbi tƹeddabeɣ ȓmuminin, nec ḏ ijjen bnaḏem iḍeǧmen. Waxxa tuɣa xeḏmeɣ manayenni iseḍhar-ayi-d Arebbi arraḥmeṯ nnes liʼanna xeḏmeɣ manayenni s ȓeqfaȓeṯ inu bȓa ma aḏ ssneɣ min iǧan nican, uȓ inu war ḏayes bu lʼiman.

Iƹibraniyen 12:13

Seggḏeṯ ibriḏen nwem nican bac iḍaren nwem izeḥḥafen war tɣimin ca ḏ ineƹḏam aḏ genfan.

Iƹibraniyen 2:17

X manaya tuɣa wa labud Arebbi aḏ yarr Ƹisa am ayṯmas ḏi marra bac aḏ yiȓi ḏ ȓefqi ameqqran ḏayes arraḥmeṯ ḏayes ttiqeṯ ixeddem i Arebbi. U ƹaweḏ ȓefqi-ya aḏ iqeddem lfidya ḥima aḏ twaɣfarent ȓmuƹṣiyaṯ n yiwḏan.

Iƹibraniyen 2:18

Wami netta s yixef nnes itwaƹeddeb ḏi ȓemḥayen, izemmar aḏ iƹawen yinni iǧan ḏi ȓemḥayen.

Iƹibraniyen 4:15

Cuf, war ɣarneɣ bu ijjen n ȓefqi ameqqran netta war izemmar ca aḏ iḥess zi ḍḍuƹef nneɣ. Wah, ɣarneɣ ijjen ȓefqi kkint xas marra ȓemḥayen; netta am neccin walakin war iggi bu ȓmuƹṣiyeṯ.

Iƹibraniyen 7:28

Liʼanna Ccariƹa n Musa tarra iryazen s ḍḍuƹef nsen aḏ iȓin ḏ ȓfuqaha imeqqranen. Walakin Arebbi s ṯjaǧiṯ nnes iy d yusin menbaƹd i Ccariƹa n Musa yarra Mmis ḏ ȓefqi ameqqran iḏweȓ netta bȓa ȓƹib qaƹ i ȓebda.

Iƹibraniyen 9:7

Walakin axxam nni wis ṯnayen itraḥ ḏinni ɣir ȓefqi ameqqran, ijjen n ṯwaȓa ḏi lƹam u ṣafi. Wa labud akiḏes yawi ca n iḏammen bac aṯen iqeddem x yixef nnes u x ddnub iy ggin ccaƹb bȓa ma ṯent ssnen.

Yaƹqub 5:19

Ay ayṯma, can yijjen zzaywem iffeɣ abriḏ n lḥaqiqa. Meȓa yarri-ṯ-id can yijjen nneɣni, itxeṣṣa-kenniw aḏ tessnem belli wenni iy ṯiḏ yarrin zeg ubriḏ nnes n ȓbaṭeȓ ataf isenjem-iṯ zi ȓefna nnes ataf aḏ twaɣfarent aṭṭas n ȓmuƹṣiyaṯ.

1 Buṭrus 2:25

Tuɣa kenniw am iḥuȓiyen itweddaren, ȓexxu ṯḏewȓem-d ɣar wenni iy kenniw irassen itkellafen zi ȓaƹmar nwem.