Iƹibraniyen 5:12 - Ṯarifiṯ 2020

¹² Cuf, wa labud kenniw ȓexxu aḏ tiȓim ḏ imseȓmaḏen walakin ƹaḏ itxeṣṣa-yawem ijjen akenniw isɣar s ṯɣuri nni ṯamezwarut zeg wawaȓ n Arebbi. Kenniw teḥḏajam aɣi waha, maci lmakla ḏ ṣṣaḥ.

Iƹibraniyen 5:12 ပူးပေါင်းရင်းမြစ်များ

Matta 17:17

Indeq-d Ƹisa inna-asen: "A iwḏan n ȓweqṯ-a iy ḏi war iǧi bu lʼiman, a yinni iffɣen abriḏ! Mecḥaȓ iy kiḏwem ɣa qqimeɣ u mecḥaȓ ḏawem ɣa ṣbareɣ? Awim-ayi-ṯ-id ḏa."

Marqus 9:19

Yarra xasen Ƹisa inna-asen: "A iwḏan n ȓweqṯ-a iy ḏi war iǧi bu lʼiman! Mecḥaȓ iy kiḏwem ɣa qqimeɣ u mecḥaȓ ḏawem ɣa ṣbareɣ? Awim-ayi-ṯ-id i nec."

Ȓexḏayem 7:38

Ḏ netta Musa iy igguren ak jmaƹeṯ n Ayṯ-Israʼil ig imunen ḏi ṣṣaḥra. Ḏ netta mikeḏ ṯessiweȓ lmalaʼika x uḏrar n Sina ḏ ȓejḏuḏ nneɣ. Ḏ netta iy xef d hwan wawaȓen iddaren ḥima aḏaneɣ ṯen yuc.

Ayṯ-Ruma 3:2

Wah, aṭṭas n nnfaƹ! Ḏ amezwaru, ijja-asen-d Arebbi awaȓ nnes ḏ lʼamana.

1 Ayṯ-Kurinṯ 14:19

Innama, meȓa ssiwȓeɣ ak jmaƹeṯ n ȓmuminin ɣir s xemsa n wawaȓen ataf aḏayi fehhmen ḥsen zi meȓa ssiwȓeɣ s ƹecraȓaf n wawaȓen s yijjen n lluɣa ruḥiya.

1 Ayṯ-Kurinṯ 14:20

Lla ay ayṯma, war tfekkareṯ ca am iḥenjiren imezyanen. Iȓiṯ am iseyman ḏi ccarr; iȓiṯ am imeqqranen ƹlaḥsab ȓaƹqeȓ.

Ayṯ-Galaṭya 4:3

Ammu uȓa ḏ neccin. Wami neǧa ƹaḏ ḏ imezyanen, am isemɣan ḥekkmen xaneɣ lqawanin iqḏimen n ddunect-a.

Ayṯ-Filippas 3:1

Ȓexxu ay ayṯma aḏ kemmȓeɣ, farḥeṯ s Siḏiṯneɣ! War ɣari bu lmuckil aḏawem ƹawḏeɣ ṯimesȓayin-a s ṯira, kenniw ƹaweḏ azzaysent twaḥḍam zi lxaṭar.

Ayṯ-Kulus 3:16

Jjem awaȓen n Lmasiḥ aḏaywem zeḏɣen s marra lbaraka nsen. S marra ȓefhameṯ itxeṣṣa ijjen aḏ isefhem unneɣni, ijjen aḏ inha unneɣni. Ɣennjem s wawaȓen n Zzabur ḏ lʼamdaḥ ḏ yizȓan ruḥiya akiḏes ṯeggem ijjen n ccuker ḏeg wuȓawen nwem i Arebbi.

Iƹibraniyen 10:32

Fa ƹeqȓeṯ x wussan nni iƹḏun wami xawem d iceƹceƹ nnur. Ṯeṣbarem x yijjen n umenɣi iqseḥ, ṯwajham aƹeddeb.

Iƹibraniyen 5:11

Ƹaḏ nzemmar a nini aṭṭas x ṯmesȓayin-a walakin iqseḥ akenniw nsefhem. Mayemmi? Liʼanna kenniw ṯḏeqȓem aḏ tfehmem.

Iƹibraniyen 5:13

Kuȓ ijjen ƹaḏ ḏ aseymi itƹic s uɣi waha, iƹni war ifehhem ca i useȓmeḏ x min iṣeȓḥen.

Iƹibraniyen 6:1

X manaya war netɣimiṯ ca ḏi ttaƹlim-a amezwaru x Lmasiḥ, a nuyureṯ ɣar zzaṯ bac a nemɣar. War ntaƹqib ca ɣar dsas. Iƹni war nessawaȓ ca ƹaḏ x ttuba nni n ssayiʼaṯ, niɣ x mammec ɣa negg a namen zi Arebbi,

1 Buṭrus 2:2

Iȓiṯ am iḥḍiḍen, sɣuyiweṯ x uɣi nni iṣfan n Arruḥ iqeddsen bac azzayes ṯemɣarem ḏi lʼiman nwem ig isenjamen.

1 Buṭrus 4:11

Wenni umi immuc aḏ issiweȓ itxeṣṣa-yas aḏ issiweȓ am wenni issawaȓen awaȓen n Arebbi. Wenni umi immuc aḏ ixḏem itxeṣṣa-yas aḏ ixḏem am wenni ixeddmen s jjheḏ ig iticc Arebbi. Ḥima s marra ṯimesȓayin-a aḏ itwaḥmeḏ Arebbi s ufus n Ƹisa Lmasiḥ. Aɣares ṯiȓi lƹaḍama ḏ ȓeḥkam i ȓebda n ȓebdaṯ. Amin.