Iƹibraniyen 5:1 - Ṯarifiṯ 2020

¹ Cuf, kuȓ ȓefqi ameqqran tixḍaren-ṯ-iḏ zeg iryazen, ticcen-as ȓweqṯ n ȓxeḏmeṯ nnes bac aḏ ixḏem zzaṯ i Arebbi ƹlaḥsab iwḏan aḏ iqeddem ṣṣeḏqeṯ ḏ dbiḥaṯ x ȓmuƹṣiyaṯ.

Iƹibraniyen 5:1 ပူးပေါင်းရင်းမြစ်များ

Ayṯ-Ruma 15:17

Falihaḏa s Ƹisa Lmasiḥ aḏ ftaxareɣ s ȓxeḏmeṯ inu i Arebbi.

1 Ayṯ-Kurinṯ 15:3

Cuf, ssiwḍeɣ-awem-d manayenni iǧan muhim tuɣa qebȓeɣ-ṯ nec s yixef inu, iƹni Lmasiḥ immuṯ ƹlaḥsab ȓmuƹṣiyaṯ nneɣ mammec iqqar Lkitab.

Iƹibraniyen 10:11

Ȓefqi kuȓ nhar itɣima netta itegg ccɣeȓ-a nnes, iƹni itqeddam aṭṭas n ṯwaȓaṯin nnefs n dbiḥaṯ, walakin dbiḥaṯ nni war zemmarent ca aḏ kksent ȓmuƹṣiyeṯ.

Iƹibraniyen 10:12

Lmasiḥ lla, netta iqeddem ijjen n dbiḥeṯ waḥḏes x ȓmuƹṣiyeṯ ijjen n ṯwaȓa i ȓebda, uca iqqim netta x ufusi n Arebbi.

Iƹibraniyen 11:4

S lʼiman ikkar nnabi Habil iqeddem ijjen n dbiḥeṯ iy zi xas yarḍa Arebbi ḥsen zi ṯenni n wumas Qabil. Ƹlaḥsab lʼiman-a itcekkar-iṯ Arebbi iqbeȓ-iṯ netta nican wami xas issiweȓ Arebbi mliḥ x min iqeddem. U nnabi Habil s lʼiman nnes netta ƹaḏ issawaȓ waxxa immuṯ.

Iƹibraniyen 2:17

X manaya tuɣa wa labud Arebbi aḏ yarr Ƹisa am ayṯmas ḏi marra bac aḏ yiȓi ḏ ȓefqi ameqqran ḏayes arraḥmeṯ ḏayes ttiqeṯ ixeddem i Arebbi. U ƹaweḏ ȓefqi-ya aḏ iqeddem lfidya ḥima aḏ twaɣfarent ȓmuƹṣiyaṯ n yiwḏan.

Iƹibraniyen 7:27

Netta maci am ȓfuqaha nni nneɣni imeqqranen teḥḏajan niṯni aḏ qeddmen dbiḥaṯ kuȓ nhar iƹni x ȓmuƹṣiyaṯ nsen u menbaƹd x ȓmuƹṣiyaṯ n yiwḏan. Mayemmi? Liʼanna igga manaya Ƹisa icten n ṯwaȓa i ȓebda qaƹ wami iqeddem ixef nnes ḏ lfidya x yiwḏan.

Iƹibraniyen 8:3

Cuf, kuȓ ȓefqi ameqqran tixḍaren-ṯ bac aḏ iqeddem ṣṣeḏqeṯ ḏ dbiḥaṯ. X manaya wa labud ȓefqi wanita iƹni ḏ Ƹisa aḏ iqeddem can n ȓḥajeṯ.

Iƹibraniyen 8:4

Maƹlik iǧa netta ḏi ṯmurṯ-a, ataf war izemmar aḏ ixḏem ḏ ȓefqi liʼanna ḏanita ȓfuqaha n Ayṯ-Lawi itqeddamen ṣṣeḏqaṯ ƹlaḥsab Ccariƹa n Musa.

Iƹibraniyen 9:9

Marra manaya iticc ijjen lmiṯal i ȓweqṯ-a iy ḏi neǧa ȓexxu. Ccɣeȓ nni iy tuɣa teggen ḏinni xmi tqeddamen ṣṣeḏqeṯ ḏ dbiḥaṯ war izemmar ca aḏ issiṣfa ḍḍamir n wenni iƹebbḏen.