Iƹibraniyen 4:9 - Ṯarifiṯ 2020

⁹ Falihaḏa ƹaḏ iqqim ijjen n ssebṯ, iƹni ḏ ijjen n ȓweqṯ n arraḥeṯ i ccaƹb n Arebbi.

Iƹibraniyen 4:9 ပူးပေါင်းရင်းမြစ်များ

Matta 1:21

Aqa aḏ d tejj ijjen n uḥenjir aṯ ṯsemmiḏ Ƹisa ȓaḥeqqac netta iy ɣa isnejmen ȓqum nnes zi ȓmuƹṣiyaṯ nsen."

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Iƹibraniyen 11:25

Ixḍar axas buṣaren imiṣriyen ak ccaƹb n Arebbi, war iqbiȓ ca aḏ ifareḥ ḏeg ufelles nni war itdumin ca.

Iƹibraniyen 3:11

Ssenni jjuǧeɣ s uɣḍab inu nniɣ ƹemmarṣ aḏ aḏfen ḏi arraḥeṯ inu.

Iƹibraniyen 4:1

Iḏen fa ƹaḏ nzemmar a naḏef ḏi arraḥeṯ n Siḏi Arebbi minzi ḏaneɣ iwƹeḏ. Wa labud a neggweḏ bac war itɣimi uȓa ḏ ijjen zzaywem war ḏinni d ixeṭṭeȓ.

Iƹibraniyen 4:10

Liʼanna wenni yuḏfen ḏi arraḥeṯ n Arebbi aqa itreyyaḥ zi ȓxeḏmeṯ nnes mammec ireyyeḥ Arebbi zi ȓxeḏmeṯ nni nnes.

Iƹibraniyen 4:3

Cuf, arraḥeṯ nni mixef issawaȓ Arebbi ataf ntaḏef ḏayes neccin iy yumnen. Issiweȓ Arebbi x manaya wami inna: Man arraḥeṯ? Iƹni ṯenni n Siḏi Arebbi wami ikemmeȓ ȓexḏayem nnes ixȓeq-d ddunect-a.

Iƹibraniyen 4:8

Cuf, maƹlik nnabi Yacuƹa tuɣa issiweḍ ȓejḏuḏ nneɣ ɣar yijjen n arraḥeṯ, ataf Arebbi war issiweȓ ca x yijjen n nhar nneɣni menbaƹd i waṭṭas n lqurun.

1 Buṭrus 2:10

Tuɣa kenniw ḏeg yijjen n ȓweqṯ maci ḏ ȓgens, ȓexxu kenniw ṯḏewȓem ḏ ccaƹb n Arebbi. Tuɣa ḏeg yijjen n ȓweqṯ war ṯessinem ca arraḥmeṯ n Arebbi, ȓexxu ṯessnem arraḥmeṯ nnes.

Lwaḥi 14:13

Sȓiɣ i yijjen n ṯmijja zeg ujenna ṯeqqar: "Ari manaya: Ssaƹḏ n imettinen iy ɣa immṯen ssa aȓ ṯsawent umnen zi Siḏiṯneɣ." Arruḥ n Arebbi iqqar: "Wah, ḥima aḏ reyyḥen zi tamara nsen ȓaḥeqqac ḏeffarent-ṯen lḥasanaṯ nsen."

Lwaḥi 21:4

Aḏ imseḥ kuȓ ameṭṭaw zi ṯiṭṭawin nsen. War tɣimi ca ƹaḏ ȓmewṯ niɣ ḏ lḥuzen niɣ ḏ imeṭṭawen niɣ ḏ ȓeḥriq. Aqa ṯimesȓayin nni ṯimezwura ṣafi twakksent."