Iƹibraniyen 4:2 - Ṯarifiṯ 2020

² Liʼanna ȓexbar-a n ȓxir iy ḏaneɣ d itwabeccaren i neccin, uȓa ḏ ȓejḏuḏ nneɣ twabeccaren zzayes. Walakin war stenfiƹen ca zzayes wami ugin azzayes amnen.

Iƹibraniyen 4:2 ပူးပေါင်းရင်းမြစ်များ

Ȓexḏayem 13:46

Bulus ḏ Barnaba nnan-asen s yijjen n zƹameṯ: "Neccin tuɣa itxeṣṣa aḏawem nessiweȓ i kenniw ḏ imezwura s wawaȓ n Arebbi. Wami ṯugim, ṯḥekmem x yixef nwem belli kenniw war ṯesḏiheǧem ca ṯuḏarṯ n ȓebda, ȓexxu qa neccin a nraḥ ɣar yinni war iǧin ca zi Ayṯ-Israʼil.

Ȓexḏayem 3:26

Wami ḏawem d yuca Arebbi axeddam nnes Ƹisa, ḏ amezwaru issekk-awem-ṯ-iḏ i kenniw bac akenniw ibarek, iƹni aḏ isbeƹƹeḏ mkuȓ ijjen zzaywem x ccarr nnes."

Ayṯ-Ruma 2:25

Cek meȓa ṯxeddmeḏ s min ḏayes ḏi ccariƹa, ataf ṭṭahareṯ nnec aḏ tiȓi ɣares arbeḥ. Walakin meȓa ṯƹeṣṣiḏ ccariƹa, ataf aḏ tiȓiḏ axmi war ṯeggiḏ ca ṭṭahareṯ.

Ayṯ-Ruma 3:3

Iwa meȓa ȓebƹaḍ zzaysen war uminen ca, ma s lkufer nsen iy zi ɣa isbeṭṭeȓ Arebbi ȓƹaheḏ nnes?

1 Ayṯ-Kurinṯ 13:3

Nec maƹlik ṣeddqeɣ marra min ɣari ḏ agȓa, maƹlik sellmeɣ ixef inu aḏ sḥerqen ddat-a, iȓi nec war rebḥeɣ walu meȓa war tḥibbiɣ ca.

Ayṯ-Galaṭya 3:2

Akenniw sseqsiɣ x yijjen n ṯmesȓayṯ waha. Ma ihwa-d xawem Arruḥ iqeddsen wami ṯṭaƹem i Ccariƹa n Musa? Lla, ihwa-d wami ṯesȓim i Lʼinjil ṯumnem zzayes.

Ayṯ-Galaṭya 3:8

Zi qbeȓ ixbar-d Arebbi ḏi Lkitab aḏ ismeṣȓaḥ akiḏes s lʼiman yinni war iǧin ca zi Ayṯ-Israʼil. Ƹlaḥsab manayenni ibeccar zi qbeȓ Brahim s Lʼinjil inna-as qa aḏ twabarken marra ȓegnus x ssabab nnec.

Ayṯ-Galaṭya 4:13

Aqa ṯessnem belli nec tbeccareɣ-kenniw s Lʼinjil ḏ amezwaru ƹlaḥsab ijjen n ȓehȓac ḏ lmaraḍ ḏi ddat inu.

1 Ayṯ-Salunik 1:5

Liʼanna Lʼinjil iy netbeccar war d yusi ca ɣarwem s wawaȓen waha, yusa-d ɣarwem s ṯzemmar ḏ Arruḥ iqeddsen ḏ yijjen n uqennaƹ imɣar. Aqa ṯessnem mamc tuɣa netƹic jarawem ƹlaḥsab kenniw.

1 Ayṯ-Salunik 2:13

Neccin netcekkar Arebbi xawem bȓa ma a nbedd wami ṯqebȓem awaȓ nnes iy ḏawem d nessiweḍ. Ṯqebȓem-ṯ maci am wawaȓ n yiwḏan, ṯqebȓem-ṯ am wawaȓ n Arebbi nican. Ixeddem wawaȓ-a ƹaweḏ ḏaywem kenniw iy yumnen.

1 Timutawus 4:8

Meȓa ṯestrinareḏ ixef nnec s arriyaḍa, aḏ tawiḏ ijjen n arbaḥ ac ineffeƹ cwayt. Meȓa ṯestrinareḏ s lʼiman, aḏ tawiḏ ijjen n arbaḥ ac ineffeƹ i ṯmesȓayin marra. Lʼiman-a iwƹeḏ-ic ƹlaḥsab ṯuḏarṯ-a iǧan ȓexxu ḏ ṯenni iy d ɣa yasen.

Iƹibraniyen 11:6

Iwa uȓa ḏ ijjen war izemmar axas yareṭṭa Arebbi bȓa lʼiman. Minzi wenni iy ɣa qarrben ɣar Arebbi labud aḏ yamen belli netta iǧa u ḏ netta ig itjazan yinni iy xas irezzun s wuȓawen nsen.

Iƹibraniyen 3:12

Ay ayṯma, ḥḍam ixef nwem bac uȓa ḏ ijjen zzaywem war ɣares itiȓi wuȓ ḏ abercan niɣ war ḏayes itiȓi bu lʼiman bac war itbeƹƹiḏ ca netta x Arebbi iddaren.

Iƹibraniyen 4:6

Iḏen ƹaḏ qqimen ȓebƹaḍ n yiwḏan aḏ aḏfen ḏi arraḥeṯ-a n Siḏi Arebbi, yinni itwabeccaren zi qbeȓ war uḏifen ca ḏinni liʼanna war uminen ca.

Yaƹqub 1:21

Beƹƹḏeṯ x marra min iǧan ḏ aƹeffan ḏ min iǧan ḏ ccarr. Bȓa ttakebbur qebbȓeṯ awaȓ nni n Arebbi itwaẓẓun ḏaywem izemmar aḏ isenjem ȓaƹmar nwem.

1 Buṭrus 1:12

Ismeḍhar-asen-d i lʼanbiya belli manaya war ṯ xeddmen ca i yixef nsen, xeddmen-ṯ i kenniw wami ssawaȓen s ṯmesȓayin-a. U ȓexxu nnan-awem ṯimesȓayin-a yinni iy kenniw itbeccaren s Lʼinjil s jjheḏ n Arruḥ iqeddsen iy ḏawem d itwassekken zeg ujenna. Waxxa ḏ lmalaʼikaṯ ḏaysent mezȓi aḏ xzarent ḏi ṯmesȓayin-a.