Iƹibraniyen 4:12 - Ṯarifiṯ 2020

¹² Aqa awaȓ n Arebbi iddar netta ifsus, iqḍeƹ aṭṭas ktar zi ssif n ṯnayen n jjihaṯ. Itaḏef aȓ ḏaxeȓ iferreq buḥbeȓ ḏ arruḥ ḏ mani tmunen ȓemfaseȓ, itaḏef ɣar waḏuf. Itmeyyaz jar lʼafkar ḏ lʼaɣraḍ n wuȓ.

Iƹibraniyen 4:12 ပူးပေါင်းရင်းမြစ်များ

Luqa 8:11

Ȓmaƹna-ya ixes aḏ yini: Zzarriƹeṯ nni nettaṯ ḏ awaȓ n Arebbi.

Yuḥanna 12:48

Wenni iy ḏayi itƹeyyaben netta war iqebbeȓ ca awaȓ inu, ataf ɣares wi ṯ ɣa iḥasben. Awaȓ-a iy nniɣ ḏ wenni iy ṯ ɣa iḥasben ḏi Nhar Aneggaru.

Yuḥanna 6:51

Aqa ḏ nec ḏ aɣrum iddaren iy d ihwan zeg ujenna. Marra wenni ɣa iccen zeg uɣrum-a aḏ iddar i ȓebda. Aɣrum-a iy ticceɣ nec ḏ ddat inu ḥima aḏ teddar ddunect-a."

Ȓexḏayem 2:37

Iwḏan nni wami sȓin i wawaȓ-a, uȓawen nsen cemḍen. Kkaren nnan-as i Buṭrus ḏ arrusul nneɣni: "Ay ayṯma, min ɣa negg?"

Ȓexḏayem 4:31

Wami kemmȓen ṯẓaǧiṯ nni inhezz umcan nni mani munen, ccuren niṯni marra s Arruḥ iqeddsen ssawaȓen s wawaȓ n Arebbi s yijjen n zƹameṯ.

Ȓexḏayem 5:33

Wami sȓin i wawaȓ-a xeyyqen ɣeḍben rezzun aṯen nɣen.

Ȓexḏayem 7:38

Ḏ netta Musa iy igguren ak jmaƹeṯ n Ayṯ-Israʼil ig imunen ḏi ṣṣaḥra. Ḏ netta mikeḏ ṯessiweȓ lmalaʼika x uḏrar n Sina ḏ ȓejḏuḏ nneɣ. Ḏ netta iy xef d hwan wawaȓen iddaren ḥima aḏaneɣ ṯen yuc.

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

1 Ayṯ-Kurinṯ 1:24

Walakin i yinni umi d iȓaɣa Arebbi, iƹni israʼiliyen ḏ yinni war iǧin ca zi Ayṯ-Israʼil, Lmasiḥ netta ḏ jjheḏ n Arebbi ḏ ȓefhameṯ nnes.

2 Ayṯ-Kurinṯ 2:17

Aqa neccin maci am xarebbi n yiwḏan iteggen ttijara ḏeg wawaȓ n Arebbi, neccin ḏi Lmasiḥ nessawaȓ s wuȓ iṣfa zi Arebbi u zzaṯ i Arebbi.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

Ayṯ-Ufasus 5:13

Walakin min d infeḍḥen s nnur aḏ d imeḍhar

Ayṯ-Ufasus 6:17

Ysiṯ ƹaweḏ lkask n usefȓeṯ, sxeḏmem akiḏes ssif nni n Arruḥ iqeddsen ig iǧan ḏ awaȓ n Arebbi.

1 Ayṯ-Salunik 2:13

Neccin netcekkar Arebbi xawem bȓa ma a nbedd wami ṯqebȓem awaȓ nnes iy ḏawem d nessiweḍ. Ṯqebȓem-ṯ maci am wawaȓ n yiwḏan, ṯqebȓem-ṯ am wawaȓ n Arebbi nican. Ixeddem wawaȓ-a ƹaweḏ ḏaywem kenniw iy yumnen.

1 Ayṯ-Salunik 5:23

Arebbi nneɣ n ȓehna akenniw issiṣfa ḏeg yixef nwem qaƹ. Buḥbeȓ nwem ḏ ȓaƹmar nwem ḏ ddat nwem aḏ qqimen kemȓen bȓa ȓƹib aȓ d ɣa yas Siḏiṯneɣ Ƹisa Lmasiḥ.

Iƹibraniyen 13:7

Ƹeqȓeṯ x yinni iy xawem itrayyan iƹni yinni issiwȓen akiḏwem s wawaȓ n Arebbi. Fekkareṯ ḏi min urwen niṯni s ṯuḏarṯ nsen, ggeṯ mammec iy ggin niṯni s lʼiman nsen.

Iƹibraniyen 6:5

ḏuwqen ƹaweḏ zi lbaraka n wawaȓ n Arebbi ḏ lquduraṯ n zman iy d ɣa yasen.

Yaƹqub 1:18

Wami ixes netta, ikkar yarra-aneɣ ḏ ṯarwa nnes iy d ijja s wawaȓ n lḥaqiqa ḥima a niȓi neccin ḏ imezwura zi min d ixȓeq.

1 Buṭrus 1:23

Aqa twaxeȓqem-d ḏ jḏiḏ maci zeg yijjen n zzarriƹeṯ ifennan; Lla, ṯenni war ifennin ca ƹemmarṣ, s wawaȓ n Arebbi iddaren itdumman.

Lwaḥi 1:16

Ḏeg ufus nnes afusi ɣares sebƹa n yiṯran. Aqemmum nnes iteffeɣ-d zzayes ijjen n ssif iqḍeƹ x ṯnayen n jjihaṯ. Aɣembub nnes igga am nnur n ṯfuct iy itceƹciƹen aṭṭas.

Lwaḥi 19:15

Iteffeɣ-d zeg uqemmum nnes ijjen n ssif iqḍeƹ, azzayes yuweṯ ȓegnus. Netta aṯen yarwes s uƹekkaz n ȓeḥḏiḏ, axasen iƹeffes ḏi ṯsirṯ n waman n uḍiȓ iƹni ḏ lƹiqab ameqqran n Arebbi ig izemmaren i kuȓci.

Lwaḥi 19:21

Ssif nni iy d iffɣen zeg uqemmum n wenni inyin x uyis inɣa marra yinni iqqimen, usin-d yijḍaḍ jjiwnen marra zeg uysum nsen.

Lwaḥi 2:16

Tub! Meȓa lla, aɣarek d aseɣ ḏeɣya war tƹeṭṭaȓeɣ ca, aḏ ḥarbeɣ iwḏan-a s ssif iy d iteffɣen zeg uqemmum inu.

Lwaḥi 2:23

Aḏ nɣeɣ ṯarwa nnes. Aḏ ssnen marra ṯijumaƹ n ȓmuminin belli ḏ nec ig itmeyyazen min ḏayes ḏi ȓaƹqeȓ ḏ wuȓ. Kuȓ ijjen zzaywem aḏas uceɣ ƹlaḥsab ȓexḏayem nnes.

Lwaḥi 20:4

Ẓriɣ lƹarcaṯ ḏ yinni xasen iqqimen ṯemmuc-asen ssulṭa aḏ ḥekmen. Ẓriɣ buḥbeȓ n yinni umi itwaqessen izeǧifen liʼanna ḏeffaren minxef icheḏ Ƹisa ḏ wawaȓ n Arebbi. Niṯni tuɣaṯen war sejjḏen ca i ȓwaḥc niɣ i lʼaṣnam nnes, tuɣa war qbiȓen ca ṭṭabaƹ nnes x ṯenyarṯ nsen niɣ x ufus nsen. Kkaren-d zi ȓmewṯ ḥekmen ak Ƹisa aȓaf n iseggwusa.