Iƹibraniyen 3:6 - Ṯarifiṯ 2020

⁶ Walakin Lmasiḥ netta ḏ Mmis iḥekkem x ayṯbab n ṯeddarṯ n Arebbi, itkellaf zzaysen nican. U neccin ḏ ayṯbab-a n ṯeddarṯ nnes iƹni meȓa neṭṭef mliḥ ḏi zƹameṯ nneɣ u ḏi lʼamal nneɣ iy xef nteftaxar.

Iƹibraniyen 3:6 ပူးပေါင်းရင်းမြစ်များ

Matta 10:22

Akenniw ƹiffen marra ƹlaḥsab isem inu, walakin wenni ɣa iṣbaren ɣar uneggaru ataf aḏ injem.

Matta 16:18

Nec ƹaweḏ aqa qqareɣ-ac: Cek ḏ Buṭrus, iƹni ḏ 'Azru.' X uzru-ya aḏ bniɣ nec jmaƹṯ n ȓmuminin inu, ṯiwwura n Ljaḥim war zzayes tiwint walu!

Matta 24:13

Walakin wenni ɣa iṣbaren ɣar uneggaru ataf aḏ injem.

Ayṯ-Ruma 11:22

Iḏen xzar mecḥaȓ iṣbeḥ Arebbi mecḥaȓ iy iqseḥ. Iqseḥ x yinni iwḍan; iṣbeḥ akiḏec cek iƹni meȓa ṯeqqimeḏ ḏi ȓxir nnes. Meȓa lla ataf aḏ twaqesseḏ uȓa ḏ cek.

Ayṯ-Ruma 12:12

Farḥeṯ ḏi lʼamal. Ṣbareṯ x tamara. Dawwmeṯ x ṯẓaǧiṯ.

Ayṯ-Ruma 15:13

Arebbi wenni iticcen lʼamal, akenniw iccur s ȓefraḥeṯ ḏ ȓehna wami zzayes ṯumnem bac aḏ tenfeyyḍem s lʼamal s jjheḏ n Arruḥ iqeddsen.

Ayṯ-Ruma 5:2

Netta zzayes iy nufa abriḏ s lʼiman ɣar arḍa iy ḏi neǧa ȓexxu. Nfarreḥ ḏi lʼamal n lƹaḍama n Arebbi.

1 Ayṯ-Kurinṯ 3:16

Ma war ṯessinem ca belli ḏ kenniw iy iǧan ḏ ṯamziḏa n Arebbi, izeddeɣ ḏaywem Arruḥ n Arebbi?

1 Ayṯ-Kurinṯ 6:19

Niɣ ma war ṯessinem ddat nwem nettaṯ ḏ ṯamziḏa n Arruḥ iqeddsen ig izeddɣen ḏaywem? Iwa ɣarwem Arruḥ-a zi Arebbi. Kenniw war trayim ca x yixef nwem

2 Ayṯ-Kurinṯ 6:16

Min ṯcarrec ṯemziḏa ṯameqqrant n Arebbi ak lʼaṣnam? Walu. Cuf, neccin iy iǧan ḏ ṯamziḏa n Arebbi iddaren. Amenni iqqar Arebbi:

Ayṯ-Galaṭya 6:10

Iḏen meȓmi ma nufa lfurṣa, labud a negg ȓxir ḏi marra iwḏan xaṣṣatan ak ayṯmaṯneɣ ḏi lʼiman.

Ayṯ-Galaṭya 6:9

Iwa itxeṣṣa war ntiḥeȓ ca ḏi ȓexḏayem n ȓxir. Mayemmi? Ȓaḥeqqac aȓ ȓweqṯ nni nican n umjar a nemjar iƹni meȓa war nefciȓ ca.

Ayṯ-Ufasus 3:12

Zzayes netta a nqarreb ɣar Arebbi s zƹameṯ ḏ ttiqeṯ bȓa ma a neggweḏ xmi zzayes ntamen.

Ayṯ-Kulus 1:23

Walakin labud aḏ teqqimem ḏi lʼiman nwem nican aḏ tbeddem x dsas, war ṯsemmḥem ca ḏi lʼamal n Lʼinjil tuɣa iy tesȓim. Lʼinjil-a twabeccarent zzayes qaƹ ṯimesȓayin itwaxeȓqen swadday ujenna, u nec Bulus ḏewȓeɣ ḏ axeddam nnes.

1 Ayṯ-Salunik 5:16

Farḥem ȓebda,

2 Ayṯ-Salunik 2:16

Siḏiṯneɣ Ƹisa s yixef nnes u ƹaweḏ Arebbi Babaṯneɣ wenni iy ḏaneɣ yucin s arḍa nnes ijjen n ucejjaƹ war ifennin ca ƹemmarṣ ḏ ijjen n lʼamal iṣbaḥ, ataf akenniw icejjeƹ s wuȓawen nwem aṯen isejheḏ ƹlaḥsab ḏi kuȓ ȓxeḏmeṯ ḏ kuȓ awaȓ aṣebḥan.

1 Timutawus 3:15

Meȓa ṭewwleɣ aṭṭas war ḏinni d usiɣ ca, ataf aḏ tessneḏ cek mamc iy ɣa suguren yiwḏan ixef nsen ḏi ṯeddarṯ n Arebbi iƹni jmaƹeṯ n ȓmuminin n Arebbi iddaren ḏ nettaṯ iy iǧan ḏ apilar ḏ dsas n lḥaqiqa.

Iƹibraniyen 1:2

Walakin ḏi lʼayyam-a ineggura issawaȓ akiḏneɣ s uqemmum n Mmis iƹni wenni iy ixḍar aḏ iwareṯ marra ṯimesȓayin, zzayes iy d ixȓeq Arebbi ddunect.

Iƹibraniyen 10:19

Iḏen fa ay ayṯma, ɣarneɣ ijjen n zƹameṯ bac a naḏef ɣar Uxxam Amqeddes Aṭṭas s iḏammen n Ƹisa iƹni s yijjen n ubriḏ ḏ jḏiḏ iddaren, innurzem-aneɣ wami iqqarṣ arrwaq nni iƹni ddat nnes.

Iƹibraniyen 10:21

Ɣarneɣ ijjen n ȓefqi ameqqran imɣar netta iḥekkem x ṯeddarṯ n Arebbi. Ƹlaḥsab ȓefqi-ya iy ɣarneɣ, a nqarrbeṯ ɣar Arebbi s yijjen n wuȓ ḏ acemȓaȓ ḏ yijjen n ttiqeṯ ṯejheḏ. Ƹaweḏ uȓawen nneɣ aḏ iȓin twaruccen bac ḍḍamir nneɣ aḏ itwassiṣfa war itƹeddib ca s ȓmuƹṣiyeṯ. U ƹaweḏ ddat nneɣ aḏ tiȓi twasireḏ s waman iṣfan.

Iƹibraniyen 10:23

A neṭṭef bȓa ma a neḍȓeq ḏi lʼamal nni iy xef ncehheḏ liʼanna Arebbi iy ḏaneɣ iweƹḏen ḏayes ttiqeṯ.

Iƹibraniyen 10:35

Iḏen ejjeṯ ttiqeṯ nwem, nettaṯ aḏawem d ṯawi ijjen n lʼajar imɣar.

Iƹibraniyen 11:1

Fa lʼiman netta ḏ ijjen n ttiqeṯ ijehḏen ḏi min netraja, neccin metʼakkadin ḏi ṯmesȓayin waxxa war ṯent netwiȓi ca.

Iƹibraniyen 3:14

Aqa neccin a niȓi ḏ imƹacaren ḏi Lmasiḥ iƹni meȓa neqqim neṭṭef mliḥ aȓ uneggaru ḏi ttiqeṯ nni iy tuɣa ɣarneɣ ḏ amezwaru.

Iƹibraniyen 4:11

Iḏen wa labud a negg lmejhud nneɣ bac a naḏef ḏi arraḥeṯ nni ḥima uȓa ḏ ijjen war iweṭṭi ḏi nnefs n ȓmuƹṣiyeṯ.

Iƹibraniyen 4:14

Iḏen neccin a neṭṭef mliḥ ḏi lʼiman nneɣ iy xef ncehheḏ minzi ɣarneɣ ijjen n ȓefqi ameqqran imɣar yuḏef ḏeg ijennaṯen iƹḏu-ṯen, netta ḏ Ƹisa Mmis n Arebbi.

Iƹibraniyen 4:16

Falihaḏa a nqarreb s zƹameṯ ɣar ȓƹarc n Arebbi ḏayes arḍa bac a naf ḏinni arraḥmeṯ ḏ yijjen n arḍa iy ḏaneɣ ɣa iƹawnen ḏi ȓweqṯ n uḥḏaji nneɣ.

Iƹibraniyen 6:11

Nexs aḏ tḥawȓem kenniw s wuȓ kuȓ ijjen am qbeȓ bac aḏ tiȓim kenniw metʼakeddin ḏi lʼamal nwem aȓ uneggaru.

Iƹibraniyen 6:18

Ṯnayen n ṯmesȓayin-a war twabeddiȓent ca, Arebbi war izemmar axasent isxarreq. Zi ṯnayen n ṯmesȓayin-a azzaysent iy ɣa netwacejjeƹ neccin iy narweȓ bac aɣares nnuffar. Zzaysent iy ɣa neṭṭef s jjheḏ ḏi lʼamal iy ḏaneɣ itwabeccaren.

Iƹibraniyen 7:19

Iffeɣ-d ijjen lʼamal ḥsen zi ȓuṣiyeṯ nni, zzayes iy ɣa nqarreb ɣar Arebbi ȓaḥeqqac Ccariƹa n Musa war d tarri uȓa ḏ ijjen ȓḥajeṯ war ḏayes bu ȓƹib.

1 Buṭrus 1:8

Ṯḥibbem-ṯ waxxa war ṯ ṯeẓrim ca. Aqa ṯumnem zzayes waxxa war ṯ twiȓim ca ȓexxu. Kenniw ṯƹemmarem s yijjen n ȓefraḥeṯ ḏ ṯameqqrant war ṯzemmarem ca at tcarrḥem.

1 Buṭrus 2:5

uȓa ḏ kenniw ƹaweḏ am ca n yizra iddaren zzaywem iy ṯbenna ijjen n ṯeddarṯ n Arruḥ iqeddsen. Ḥima aḏ tiȓim kenniw ḏ ijjen n jmaƹeṯ n ȓfuqaha ṣṣaliḥin, tqeddamem dbiḥaṯ rruḥiyaṯ yarḍa xasent Arebbi s ufus n Ƹisa Lmasiḥ.

1 Buṭrus 4:17

Aqa ṯuweḍ-d ȓweqṯ bac aḏ ibḏa lḥisab jar ayṯbab n ṯeddarṯ n Arebbi. Meȓa aḏ ibḏa lḥisab-a jaraneɣ min ɣa iweqƹen i yinni war itṭiƹin ca i Lʼinjil n Arebbi?

Lwaḥi 2:18

Ari-yas i lmalaʼika n jmaƹṯ n ȓmuminin iy iǧan ḏi ṯendint n Ṯiyatra, ini-yas qa wenni iǧan ḏ Mmis n Arebbi, ṯiṭṭawin nnes ggint am uḥaḏuq n ṯmessi, iḍaren nnes ggin am nneḥḥas iṣfan, iqqar-ac:

Lwaḥi 2:25

Innama, lʼiman nwem ṭṭfem ḏayes mliḥ waha aȓ d ɣa aseɣ.

Lwaḥi 2:26

Wenni ɣa irebḥen ḏ wenni ɣa iṣbaren ḏi ȓxeḏmeṯ inu ḥetta aȓ uneggaru aḏas uceɣ nec ssulṭa x ȓegnus, ammec ḏayi ṯemmuc i nec zi Baba: Aṯen yarwes s uƹekkaz n ȓeḥḏiḏ, aṯen irez am iqnucen n ucaȓ.

Lwaḥi 3:11

Aqa usiɣ-d, war tƹeṭṭaȓeɣ ca. Ṭṭef ḏi lʼiman nnec ḥima war d itis ḥadd ac iysi ttaj nnec.