Iƹibraniyen 2:9 - Ṯarifiṯ 2020

⁹ Walakin Ƹisa wah, netwaȓa-ṯ ȓexxu s ttaj nnes n ȓuweqqar ḏ waṭṭas n ccan. Mayemmi? Lʼianna Ƹisa ḏeg yijjen n ȓweqṯ tuɣa isehwa-ṯ-iḏ Arebbi cwayt swadday i lmalaʼikaṯ iƹni wami iṣbar i ȓaƹḏab n ȓmewṯ. Bac netta s arḍa n Arebbi aḏ iqqas ȓmewṯ, ȓmewṯ nni aḏ tiȓi n marra iwḏan.

Iƹibraniyen 2:9 ပူးပေါင်းရင်းမြစ်များ

Matta 16:28

Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren Mmis n bnaḏem yusa-d ḏi ȓmulk nnes."

Matta 6:28

Mayemmi ṯkessim amnus i warruḍ? Xzareṯ ḏi nwar n ȓexȓa mammec igga, war yarebbeȓ war itxeyyiḍ.

Marqus 9:1

Inna-asen Ƹisa: "Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren ȓmulk n Arebbi yusa-d s jjheḏ."

Luqa 9:27

Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren ȓmulk n Arebbi."

Yuḥanna 1:29

Ṯiwecca nnes Yaḥya itwaȓa Ƹisa iggur-d ɣares, inna: "Xzarzeṯ, ḏ win ḏ Izmar n Arebbi iy ɣa ikksen ȓmuƹṣiyeṯ x yiwḏan marra.

Yuḥanna 10:17

S manaya Baba itḥibba-ayi minzi nec tṣeddaqeɣ ṯuḏarṯ inu ḥima ƹaweḏ atid arreɣ.

Yuḥanna 12:32

Xmi ɣa twasbeddeɣ ḏeg ujenna i ṯmurṯ, aḏ seḏfareɣ ɣari marra iwḏan."

Yuḥanna 3:16

Wami iḥibb Arebbi ddunect-a, ihḏa-yas Mmis aweḥḏani ḥima wenni zzayes ɣa yamnen war ifenni ca aɣares ṯiȓi ṯuḏarṯ n ȓebda.

Yuḥanna 8:51

Aqa tesȓam ȓḥaqq: Wenni iteggen array i wawaȓ inu ataf war itwiȓi ȓmewṯ ƹemmarṣ."

Yuḥanna 8:52

Nnan-as israʼiliyen: "Ȓexxu nessen belli cek ḏayek jnun. Siḏna Brahim ḏ lʼanbiya marra mmuṯen. Cek ṯeqqareḏ meȓa can yijjen aḏ igg array i wawaȓ inu ƹemmarṣ aḏ iqqas ȓmewṯ.

Ȓexḏayem 2:33

Wami itwarfeƹ ɣar ufusi n Arebbi, iysi zi Babas Arruḥ iqeddsen iy zi ṯ iwƹeḏ, isfareɣ-d Ƹisa manaya iy twaȓam ȓexxu ḏ manaya iy ṯesȓam.

Ȓexḏayem 3:13

Lla, ḏ Arebbi n ȓejḏuḏ nneɣ iƹni Arebbi n Brahim ḏ Arebbi n Isḥaq ḏ Arebbi n Yaƹqub. Liʼanna ḏ netta iy d isbeyynen lƹaḍama nnes ḏeg uxeddam nnes Ƹisa. Walakin ḏ kenniw iy ṯ isellmen i lḥukkam ṯenkarem-ṯ zzaṯ i Bilaṭus wami tuɣa irezzu aḏas iḍȓeq.

Ayṯ-Ruma 5:18

Iḏen ijjen n ȓmuƹṣiyeṯ ig igga ijjen n bnaḏem ṯuwi-d lḥisab ḏ lƹiqab i marra iwḏan. Amenni ijjen n baraʼa ig igga ijjen n bnaḏem yuwi-d ṣṣulḥ ḏ ṯuḏarṯ i marra iwḏan.

Ayṯ-Ruma 5:8

Walakin neccin tuɣaneɣ ƹaḏ nƹeṣṣa Arebbi wami immuṯ xaneɣ Lmasiḥ. S manayenni isbeyyen-aneɣ-d Arebbi mecḥaȓ ḏaneɣ itexs.

Ayṯ-Ruma 8:3

Cuf, Arebbi igga min war ṯzemmar aḏ tegg ccariƹa n Musa, mayemmi? Ƹlaḥsab ḍḍuƹef n ddat nneɣ iy ḏas ikksen jjheḏ i ccariƹa. Arebbi, wami iy d issekk Mmis imeṯṯel-iṯ-iḏ am ddat n bnaḏem iƹṣan, issekk-iṯ-id ḏ lfidya x ȓmuƹṣiyeṯ nneɣ. Ammu iḥaseb iƹaqeb ȓmuƹṣiyeṯ ig iǧan ḏi ddat n bnaḏem

Ayṯ-Ruma 8:32

Siḏi Arebbi war isƹizz ca Mmis xaneɣ, iqeddem-iṯ i ȓmewṯ xaneɣ marra. Ma aḏ teqqim can ȓḥajeṯ war ḏaneɣ-t iticc ca akiḏes?

2 Ayṯ-Kurinṯ 5:15

Immuṯ netta ƹlaḥsab marra iwḏan bac yinni iddaren war teddaren ca i yixef nsen waha, aḏ ddaren i wenni xasen immuṯen ṯumma itwasekkar-d zi ȓmewṯ.

2 Ayṯ-Kurinṯ 5:21

Tuɣa wanita war ɣares bu ȓmuƹṣiyeṯ yarri-ṯ Arebbi ḏ ȓƹiḏ nneɣ ḥima aḏaneɣ yarr nican ak Arebbi.

Ayṯ-Galaṭya 4:4

Walakin wami d ṯuweḍ ȓweqṯ ig izemmem Arebbi, ikkar netta issekk-d Mmis itwaxȓeq-d zeg yijjen n ṯemɣarṯ, itwaxȓeq-d ṯḥekkem xas Ccariƹa n Musa.

1 Timutawus 2:6

Netta iṣeddeq ṯuḏarṯ nnes ḏ ijjen n lfidya bac azzayes isenjem marra iwḏan, manaya aḏ itwacheḏ ḏi ȓweqṯ nnes.

Iƹibraniyen 1:9

Tḥibbiḏ min iṣeȓḥen, tƹiffiḏ ccarr. S manaya Arebbi iƹni Arebbi nnec, iḏhen-ac s zzect n ȓefraḥeṯ, isiȓi-yic ḏeg ujenna x imƹacaren nnec.>

Iƹibraniyen 10:5

X manaya, wami d yusa Lmasiḥ ɣar ddunect-a inna-as i Arebbi: <Ṯeswejḏeḏ-ayi ijjen n ddat, war ṯerzuḏ ca dbiḥaṯ ḏ ṣṣeḏqeṯ lla.

Iƹibraniyen 11:5

S lʼiman ikkar nnabi Axnux itwaxḍef ɣar ujenna ḥima war itwiȓi ca ȓmewṯ. War ṯ ufin ca, iysi-ṯ Arebbi ɣares. U qbeȓ ma aḏ itwaxḍef itwacekkar am yijjen yarḍa xas Arebbi.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.

Iƹibraniyen 2:7

Ṯeggiḏ-ṯ ƹȓayen am lmexluqaṯ ujenna yuƹȓan, ṯuciḏ-as ttaj n ȓuweqqar ḏ waṭṭas n ccan,

Iƹibraniyen 7:25

X manaya yinni zzayes itqarraben ɣar Arebbi izemmar Ƹisa aṯen isenjem i ȓebda. Mayemmi? Liʼanna netta iddar i ȓebda aḏaysen itcafaƹ.

Iƹibraniyen 8:3

Cuf, kuȓ ȓefqi ameqqran tixḍaren-ṯ bac aḏ iqeddem ṣṣeḏqeṯ ḏ dbiḥaṯ. X manaya wa labud ȓefqi wanita iƹni ḏ Ƹisa aḏ iqeddem can n ȓḥajeṯ.

1 Buṭrus 1:21

Zzayes netta iy zi tamnem zi Arebbi iy ṯiḏ isekkaren zeg imettinen, yuca-as lƹaḍama bac ttiqeṯ nwem ḏ lʼamal nwem tiȓin ḏi Arebbi.

1 Yuḥanna 2:2

Ḏ netta ig iruḥen ḏ lfidya x ȓmuƹṣiyaṯ nneɣ u maci ɣir x ȓmuƹṣiyaṯ nneɣ waha, ḥetta uȓa ḏ ȓmuƹṣiyaṯ n ddunect-a amen-ṯekmaȓ.

Lwaḥi 19:12

Ṯiṭṭawin nnes am uḥaḏuq n ṯmessi, x uzeǧif nnes aṭṭas n ttajaṯ. Yura xas ijjen n yisem war ṯ issin ḥadd illa netta.

Lwaḥi 5:9

Tɣennajen s yijjen n yizȓi ḏ jḏiḏ qqaren: "Ḏ cek iy isḏaheǧen aḏ teysiḏ Lkitab aḏ terzmeḏ icemmaƹen nnes, ȓaḥeqqac twaɣarṣeḏ, ṯesnejmeḏ iwḏan i Arebbi s iḏammen nnec zi mkuȓ ȓqum ḏ lluɣa ḏ ccaƹb ḏ ȓgens.