Iƹibraniyen 13:9 - Ṯarifiṯ 2020

⁹ Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

Iƹibraniyen 13:9 ပူးပေါင်းရင်းမြစ်များ

Matta 24:24

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Matta 24:4

Ijaweb-iṯen Ƹisa inna-asen: "Ḥḍam ixef nwem ḥima war kenniw ixeddeƹ ḥadd.

Luqa 5:38

Walakin aman n uḍiȓ ḏ jḏiḏ xeǧqen ḏeg yiȓemawen ḏ jḏiḏ.

Ȓexḏayem 20:30

Ƹaweḏ zzaywem aḏ d meḍharen can iṯarrasen aḏ sƹewwjen lḥaqiqa ḥima aḏ jarren ɣarsen imeḥḍaren.

Ȓexḏayem 20:32

Ay ayṯma, ȓexxu axawem weddiɣ, iȓiṯ ag Arebbi ḏ wawaȓen n arḍa nnes. Awaȓen-a ḏaysen ṯizemmar aḏawem ucen jjheḏ aḏawem ucen ȓwarṯ ak marra ȓmuminin ṣṣaliḥin.

Ayṯ-Ruma 14:17

Liʼanna ȓmulk n Arebbi netta war iǧi ca s macca niɣ ḏ ṯisessi; netta s umṣȓaḥ ak Arebbi ḏ ȓehna ḏ ȓefraḥeṯ s Arruḥ iqeddsen.

Ayṯ-Ruma 14:2

Ijjen itwaȓa lmakla marra ḥalal. Ijjen nneɣni wenni ɣar iǧa lʼiman nnes iḍƹef itett ɣir ȓxuḍarṯ.

Ayṯ-Ruma 14:6

Wenni itwaȓan ijjen n nhar mubarak zeg unneɣni aḏ igg manaya bac aḏ iweqqar Siḏi Arebbi. Wenni itetten zi marra lmakla qa itett bac aḏ iweqqar Siḏi Arebbi liʼanna aḏ icekkar Arebbi. Wenni war itetten ca zi marra lmakla qa itegg manaya ḥima aḏ iweqqar Siḏi Arebbi, uȓa ḏ netta aḏ icekkar Arebbi.

1 Ayṯ-Kurinṯ 6:13

Aḏ yini ijjen: "Iwa lmakla n uƹeddis, aƹeddis n lmakla." Walakin Arebbi aṯen ihḏem s ṯnayen iḏsen. Ddat maci n lfasad, ddat nettaṯ n Siḏiṯneɣ. U Siḏiṯneɣ itḏebbar i ddat.

1 Ayṯ-Kurinṯ 8:8

Iwa maci ḏ lmakla iy ḏaneɣ ɣa isqarrben ɣar Arebbi; Lla, war ḏaneɣ ineffeƹ ca meȓa necca niɣ war necci ca.

2 Ayṯ-Kurinṯ 1:21

Arebbi netta iy ḏaneɣ isbedden mliḥ akiḏwem ḏi Lmasiḥ. Ixḍar-aneɣ iḍbeƹ-aneɣ s ṭṭabaƹ nnes yuca-aneɣ Arruḥ nnes iggi-ṯ ḏeg wuȓawen nneɣ am ijjen n ttesbiq.

Ayṯ-Galaṭya 6:1

Ay ayṯma, meȓa ṯufim can yijjen zzaywem ṯseḥṣer-iṯ ȓmuƹṣiyeṯ, labud meȓa ṯjehḏem kenniw s Arruḥ iqeddsen aṯiḏ tarrem ɣar ubriḏ s yijjen n wuȓ iṣebbaren. U ḥḍa ixef nnec uȓa ḏ cek bac war ṯetwaɣarriḏ ca.

Ayṯ-Ufasus 4:14

Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.

Ayṯ-Ufasus 5:6

War tejjaṯ can ḥadd akenniw icmeṯ s wawaȓen nnes ixwan. Liʼanna x ssabab n ṯmesȓayin-a iy d ihewwa uɣḍab n Arebbi x yinni iy ṯ iƹeṣṣan.

Ayṯ-Kulus 2:4

Qqareɣ-awem manaya bac war d itis ḥadd akenniw icmeṯ s wawaȓ nnes aḏawem isneƹmiȓ ḏ ṣṣaḥ.

2 Ayṯ-Salunik 2:2

war tenxȓiƹem ca ḏeɣya ḏi ȓaƹqeȓ nwem, war txeyyaqem ca ƹlaḥsab ca n arruḥ n lwaḥi niɣ ḏ ca n wawaȓ niɣ ḏ ca n ṯebrat zzayneɣ zaƹma iqqaren qa Yum n Siḏiṯneɣ aqa yuweḍ-d.

1 Timutawus 6:20

A Timutawus, ḥḍa minxef tkellafeḏ qbeȓ. Awggwej zi min tperpiren yinni war yuminen ca ḏ lʼafkar nni iy ḏaneɣ itƹarraḍen qqaren-as Lƹarfaniya walakin manayenni ḏ ixarriqen waha.

1 Yuḥanna 4:1

Ay imƹizzen inu, war tiqqim ca ḏi marra arruḥaṯ, jarrbem-ṯen bac aḏ tessnem ma zi Arebbi ma lla. Qa ffɣen-d aṭṭas n iṯarrasen ɣar ddunect-a tarran ixef nsen ḏ lʼanbiya.

Yahuḏa 1:12

Iṯarrasen-a yina twessaxen imensiwen nwem n ṯemƹacarṯ. Tetten akiḏwem bȓa ma aḏ seḏḥan, niṯni ggin am ca n imeksawen iy ƹettqen ixef nsen waha. Niṯni ḏ iseynuṯen bȓa yanẓar ɣir itawi-ṯen arriḥ itarra-ṯen. Niṯni ggin am ṯcejjura ḏi ȓexȓif war itarwen ca, tneqȓaƹent-id zeg iẓewran nsent; iƹni ibriḏen nsent mmuṯen s ṯnayen.

Yahuḏa 1:3

Ay imƹizzen inu, tuɣa rzuɣ aḏawem ariɣ x ubriḏ nni iy zi nnejjem neccin iy ḏi ncarrec marra, walakin ufiɣ u labud aḏawem ariɣ ṭṭalab-a ḥima aḏ tmenɣem x lʼiman-a iy zi twakellfen ṣṣaliḥin ḏeg yijjen n ṯwaȓa i ȓebda.