Iƹibraniyen 13:4 - Ṯarifiṯ 2020

⁴ Weqqareṯ ȓemȓac marra. Qama n ȓemȓac aḏ tiȓi s nniyyeṯ bȓa ȓɣedȓan. Aqa Arebbi aḏ iƹaqeb yinni ifessḏen ḏ yinni izennan.

Iƹibraniyen 13:4 ပူးပေါင်းရင်းမြစ်များ

1 Ayṯ-Kurinṯ 5:13

Lkuffar ɣar barra axasen iḥkem Arebbi. Ṣafi, mammec iqqar Lkitab:

1 Ayṯ-Kurinṯ 6:18

Arewȓeṯ zi lfasad. Kuȓ ȓmuƹṣiyeṯ nneɣni ig itegg bnaḏem aḏ tiȓi ɣar barra n ddat nnes. Wenni iteggen lfasad iƹeṣṣa ddat nnes nniṯ.

1 Ayṯ-Kurinṯ 6:9

Ma war ṯessinem ca belli yinni war yuminen ca war zemmaren aḏ warṯen ȓmulk n Arebbi? War xeddƹem ca ixef nwem. Yinni iteggen lfasad, ḏ yinni iƹebbḏen lʼaṣnam, ḏ yinni izennan, ḏ iḥenjiren ifessḏen ak iryazen, ḏ iryazen ifessḏen ak iryazen,

1 Ayṯ-Kurinṯ 7:38

X manaya wenni imeȓcen ak ṯenni ig ixḍeb, maƹlic igga mliḥ. U wenni war kiḏes imȓicen ca, igga ḥsen ƹaḏ.

1 Ayṯ-Kurinṯ 9:5

Neccin ma war ɣarneɣ bu ȓḥaqq a nawi akiḏneɣ ṯimɣarin ȓmuminaṯ mammec ggin arrusul nneɣni ḏ ayṯmas n Siḏiṯneɣ ḏ Buṭrus?

2 Ayṯ-Kurinṯ 5:10

Liʼanna labud a nbedd marra iḏneɣ zzaṯ i lƹarc n Lmasiḥ mani iy ɣa netwaḥkem. Kuȓ ijjen aṯ ijaza x min isḏaheǧ ƹlaḥsab ṯimesȓayin nni ig igga wami izḏeɣ ḏi ddat, ḏ ṯiṣebḥanin niɣ ḏ ṯiƹeffanin.

Ayṯ-Galaṭya 5:19

Ȓexḏayem n ṭṭabiƹa ṯaƹeffant nneɣ aqa tbanent-id iƹni lfasad ḏ min isexnizen ḏ ȓeqbaḥeṯ,

Ayṯ-Galaṭya 5:21

ḏ ȓeḥseḏ ḏ waṭṭas n ccreb ḏ lmadella n ssekra ḏ min itcabbahen ḏi manaya. Ƹeǧmeɣ-awem-d ȓexxu mamc tuɣa ḏawem ƹeȓmeɣ zi qbeȓ: yinni iteggen ȓexḏayem-a war twariṯen ca ȓmulk n Arebbi.

Ayṯ-Ufasus 5:5

Liʼanna wenni iteggen lfasad niɣ ḏ min isexnizen niɣ ḏ min iseḍmaƹen, iƹni netta ḏ wenni iƹebbḏen lʼaṣnam, aqa tessnem bȓa ccekk belli marra yinni iteggen manaya war ɣarsen bu lwareṯ ḏi ȓmulk n Lmasiḥ niɣ ḏi Arebbi.

1 Ayṯ-Salunik 4:6

Ƹlaḥsab manaya itxeṣṣa labud uȓa ḏ ijjen war iḍeǧem umas war ṯ itɣecci ca liʼanna ḏ Siḏiṯneɣ ig itxeǧasen x marra ṯimesȓayin-a mammec ḏawem ṯ nenna qbeȓ neƹȓem-awem xas.

1 Timutawus 3:12

Imsexxaren itxeṣṣa u labud aḏ iȓin ḏ iryazen n yijjen n ṯemɣarṯ waha, aḏ ḥekkmen x iḥenjiren ḏ ṯuḏrin nsen mliḥ.

1 Timutawus 3:2

Fa arrayes n jmaƹeṯ maci am yijjen n bnaḏem iy tƹeyyaben yiwḏan. U labud aɣares ṯiȓi ijjen n ṯemɣarṯ waha. U labud aḏ iḥkem x yixef nnes aḏayes yiȓi lmaƹqul ḏ lʼiḥtiram aḏ itreḥḥab zeg inewjiwen aɣares ṯiȓi ṯzemmar aḏ iseȓmeḏ iwḏan.

1 Timutawus 3:4

Aḏ yiȓi ḏ ijjen n bnaḏem ig iḥekkmen x ṯeddarṯ nnes mliḥ, tṭaƹan-as iḥenjiren nnes tseḏḥan-ṯ.

1 Timutawus 4:3

Niṯni aḏ sbedden iwḏan bac war meǧcen ca, qqaren-asen ƹaweḏ qa ca n lmaklaṯ memnuƹ aṯent ccen. Walakin lmaklaṯ nni ixȓeq-iṯent-id Arebbi aṯent neqbeȓ neccin ig itamnen nessen lḥaqiqa.

1 Timutawus 5:14

Iḏen, xseɣ ṯajjaȓin ṯimezyanin aḏ meȓcent aḏ d jjent iḥenjiren aḏ sugurent ṯaddarṯ nsent mliḥ war tejjint bu can lfurṣa i ȓaƹḏu axasent issiweȓ s ȓƹib.

Titus 1:6

Ameqqran-a maci aḏ yiȓi ḏ ijjen n bnaḏem tƹeyyaben-ṯ yiwḏan. Aɣares ṯiȓi ijjen n ṯemɣarṯ waha aḏ iȓin iḥenjiren nnes ḏ ȓmuminin. Maci axasen inin yiwḏan teggen lmadella n ssekra niɣ war tseḏḥin ca.

Iƹibraniyen 12:16

Arrem-d ȓbaȓ nwem bac war itegg can yijjen zzaywem lfasad, niɣ can yijjen war ɣares itiȓi bu Arebbi am Ƹasu nni iruḥ netta izzenz ȓḥaqq nnes zi lbaraka n babas x yijjen n ṭṭebsi n lmakla.

Lwaḥi 22:15

Ɣar barra n ṯendint ǧan ḏinni iqzinen ḏ iseḥḥaren ḏ yinni ifessḏen ḏ yinni ineqqen iwḏan ḏ yinni iƹebbḏen lʼaṣnam ḏ marra yinni isxerriqen iy tḥibban ixarriqen.