Iƹibraniyen 13:3 - Ṯarifiṯ 2020

³ Xemmmeṯ ḏeg imeḥbas amecnaw kenniw iy kiḏsen ṯetwaḥebbsem ḏ yinni iy xef tbuṣaren amecnaw kenniw ṯetwaƹeddabem.

Iƹibraniyen 13:3 ပူးပေါင်းရင်းမြစ်များ

Matta 25:36

Ṯufim-ayi ḏ aƹaryan ṯeggim-ayi arruḍ. Ṯufim-ayi heȓceɣ ṯbeddem akiḏi. Ṯufim-ayi twaḥebbseɣ ṯeggim-d ɣari zziyara.

Matta 25:43

Ṯufim-ayi ḏ aɣrib, war ḏayi ṯsezḏɣem ca. Ṯufim-ayi ḏ aƹaryan, war ḏayi ṯeggim bu warruḍ. Ṯufim-ayi heȓceɣ twaḥebbseɣ, war ɣari d ṯeggim bu zziyara!

Ȓexḏayem 24:23

Yumar ijjen n umeqqran n ȓƹaskar inna-as: "Ƹess x Bulus ḏi ȓeḥbes." Inna-as: "Walakin uc-as cwayt n lḥurriya, ejj imeddukaȓ nnes aɣares d asen bac aḏayes thillan."

Ȓexḏayem 27:3

Ṯiwecca nnes, wami nuweḍ ɣar ṯendint n Ṣayda igga ȓxir Yulus ḏi Bulus ijji-ṯ aḏ iraḥ ɣar imeddukaȓ nnes bac aḏayes thillan.

Ayṯ-Ruma 12:15

Farḥeṯ ak yinni ifarrḥen, truṯ ak yinni itrun.

1 Ayṯ-Kurinṯ 12:26

Meȓa can yijjen itwaƹeddab, aḏ twaƹeddaben kuȓci. Meȓa can yijjen ṯemmuc-as lqima, akiḏes farḥen marra.

Ayṯ-Ufasus 4:1

Iḏen fa nec ig iǧan ḏ ameḥbus x ssabab n Siḏiṯneɣ akenniw nhiɣ bac aḏ tuyurem nican ƹlaḥsab awaȓ nni iy ḏawem d iȓaɣan zeg ujenna.

Ayṯ-Kulus 4:18

Qa nec ḏ Bulus s ṯira n ufus inu iy zi ḏawem d sawwaḍeɣ sȓam ȓexxu. Feqḏem-ayi-d s snaseȓ inu n ȓeḥbes-a. Akiḏwem yiȓi arḍa.

Iƹibraniyen 10:34

Liʼanna imeḥbas qqimen ḏaywem ḏeg wuȓ. Ƹaweḏ ṯeṣbarem s ȓefraḥeṯ wami ḏawem kksin agȓa nwem, tuɣa tessnem ƹaḏ aɣarwem yiȓi ijjen n wagȓa ḥsen zeg unneɣni, itduman.

Iƹibraniyen 11:37

Rejmen-ṯen s uzru, qessen-ṯen x ṯnayen s ȓmencar, nɣin-ṯen s ssif. Gguren s yiȓemawen n iḥuȓiyen ḏ iɣayḏen. Niṯni ḏ imesƹan, twaƹeddaben, tenƹeddan xasen.

1 Buṭrus 3:8

Lmuhim, itxeṣṣa-kenniw marra iḏwem ȓaƹquȓaṯ nwem aḏ iȓin ḏ ijjen, aḏ tesḥissem ak wayawya, aɣarwem ṯiȓi yijjen n ȓemḥibbeṯ n wawmaṯen, aḏ tḥinnem ḏeg wayawya, war ḏaywem itiȓi bu ttakebbur.