Iƹibraniyen 12:3 - Ṯarifiṯ 2020

³ Fekkareṯ mliḥ ḏi Ƹisa netta mecḥaȓ iṣbar x ccmayeṯ iy ḏas iƹarrḍen bac kenniw war tiḥȓem ca war tefciȓem ca.

Iƹibraniyen 12:3 ပူးပေါင်းရင်းမြစ်များ

Matta 11:19

Yusa-d Mmis n bnaḏem itett isess war itẓummi ca, nnan qa wanita itett isess aṭṭas, ƹaweḏ netta ḏ ameddukeȓ n iƹeccaren ḏ yinni iƹeṣṣan. Innama, ȓefhameṯ n Arebbi qebbȓen-teṯ marra yinni ifehhmen."

Matta 12:24

Tesȓan ȓḥizeb n ifarrisiyen i wawaȓ nsen nnan-asen: "Bnaḏem-a isufuɣ jnun minzi arrayes n jnun umi qqaren Bƹalzabul yuca-as jjheḏ-a."

Matta 15:2

"Mayemmi imeḥḍaren nnec beṭṭȓen lƹadaṯ n ȓejḏuḏ nneɣ? Mayemmi war siriḏen ca ifassen nsen qbeȓ ma aḏ ccen aɣrum?"

Matta 21:23

Yuḏef Ƹisa ḏi ṯemziḏa ṯameqqrant iseȓmaḏ ḏinni. Qarrben-d ɣares arruyas n ȓfuqaha ḏ imeqqranen zi Ayṯ-Israʼil nnan-as: "Cek manis ḏac d ṯekka ssulṭa nni iy zi teggeḏ ṯimesȓayin-a? Wi ḏac yucin ssulṭa nni?"

Matta 21:46

Rezzun aṯ ṭṭfen, walakin ggwḏen zi ccaƹb minzi twaȓan Ƹisa ḏ nnabi.

Matta 22:15

Kkaren ifarrisiyen mcawaren jarasen ggin ijjen n lxuṭa aḏ ṭṭfen Ƹisa x min iqqar.

Luqa 14:1

Ijjen n nhar n ssebṯ n lƹibada iruḥ Ƹisa yuḏef ṯaddarṯ n yijjen zeg imeqqranen n ȓḥizeb n ifarrisiyen ḥima aḏ icc aɣrum, niṯni ḥeṭṭan-ṯ.

Luqa 15:2

Ȓḥizeb n ifarrisiyen ḏ imseȓmaḏen n ccariƹa ssawaȓen ḏi Ƹisa nnan: "Aryaz-a itreḥḥab zeg yinni iƹeṣṣan itett akiḏsen!"

Luqa 16:14

Ȓḥizeb n ifarrisiyen niṯni zeg yinni itexsen tmenyaṯ, wami sȓin i marra manaya ḍeḥcen xas.

Luqa 2:34

Ibarek-iṯen Cimƹun inna-yas i yemmas Maryam: "Aqa wanita iggi-ṯ Siḏi Arebbi aḏ d isehwa aḏ isiȓi aṭṭas n yiwḏan ḏi Ayṯ-Israʼil. Netta ḏ ijjen n lƹalama ataf war t txisen ca,

Luqa 5:21

Bḏan imseȓmaḏen n ccariƹa ḏ ȓḥizeb n ifarrisiyen tfekkaren nnan ḏeg wuȓawen nsen: "Min iƹna wanita itarra ixef nnes ḏ Arebbi? Ȓmuƹṣiyaṯ war ṯent iɣfar ca illa Arebbi waḥḏes!"

Yuḥanna 10:20

Nnan aṭṭas zzaysen: "Wanita ḏayes jnun. Netta ḏ abuhaȓi, mayemmi ɣares tesȓam?"

Yuḥanna 18:22

Inna-as Ƹisa manaya ȓexddenni ijjen zeg iƹessasen ibedden ḏinni yuca-as ijjen n useqqiȓ i Ƹisa inna-as: "Ma s wawaȓ-a iy zi ɣa ṯarreḏ x arrayes n ȓfuqaha?"

Yuḥanna 5:16

S manayenni rezzun israʼiliyen aḏ ƹeddben Ƹisa minzi itegg manaya ḏi nhar n ssebṯ n lƹibada.

Yuḥanna 7:12

Aṭṭas ig itwecwicen zi ȓɣaci xas qqaren netta ḏ aryaz n ȓxir. Walakin inneɣni zzaysen qqaren lla, isxarriq xaneɣ waha.

Yuḥanna 8:13

Nnan-as ifarrisiyen: "Cek ṯcehhḏeḏ x yixef nnec, chaḏeṯ nnec war ṯeǧi ca ḏ ṣṣaḥ."

Yuḥanna 8:52

Nnan-as israʼiliyen: "Ȓexxu nessen belli cek ḏayek jnun. Siḏna Brahim ḏ lʼanbiya marra mmuṯen. Cek ṯeqqareḏ meȓa can yijjen aḏ igg array i wawaȓ inu ƹemmarṣ aḏ iqqas ȓmewṯ.

Yuḥanna 8:59

Kkaren israʼiliyen nni ysin izra ḥima aṯ rejmen, walakin Ƹisa inesȓeṯ iffeɣ zi ṯemziḏa ṯameqqrant.

Yuḥanna 9:40

Sȓin-as ȓebƹaḍ zeg ifarrisiyen iy iǧan ḏinni nnan-as: "Ma uȓa ḏ neccin ḏ iḍarɣaȓen niɣ?"

1 Ayṯ-Kurinṯ 15:58

S manaya ay ayṯma imƹizzen inu, beddeṯ nican maci akenniw senhezzen. Ggeṯ lmejhud nwem ȓebda ḏi ȓxeḏmeṯ n Siḏiṯneɣ, qa ṯessnem belli ȓxeḏmeṯ nwem ḏi Siḏiṯneɣ maci ḏ ȓbaṭeȓ.

2 Ayṯ-Kurinṯ 4:1

S manaya, war ntefciȓ ca minzi ɣarneɣ ȓƹaheḏ-a wanita s arraḥmeṯ n Arebbi.

2 Ayṯ-Kurinṯ 4:16

X manaya neccin war ntefciȓ ca. Waxxa ṭṭabiƹa n ddat nneɣ ɣar barra traḥ, ṭṭabiƹa nneɣ ɣar ḏaxeȓ tejhiḏ nhar x nhar.

Ayṯ-Galaṭya 6:9

Iwa itxeṣṣa war ntiḥeȓ ca ḏi ȓexḏayem n ȓxir. Mayemmi? Ȓaḥeqqac aȓ ȓweqṯ nni nican n umjar a nemjar iƹni meȓa war nefciȓ ca.

2 Ayṯ-Salunik 3:13

Amma kenniw ay ayṯma, ggeṯ ȓxir bȓa ma aḏ taḥȓem.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.

Iƹibraniyen 12:5

Kenniw ṯettum awaȓ nni zi Lkitab iy kenniw ɣa icejjƹen, issawaȓen akiḏwem am ṯarwa nnes inna-awem:

Iƹibraniyen 3:1

Ay ayṯma ṣṣaliḥin, ḏ kenniw iy iǧan ḏ imƹacaren ḏeg uȓaɣi nni iy d yusin zeg ujenna. Fekkareṯ mliḥ ḏi Ƹisa, netta ḏ arrasul netta ḏ ȓefqi ameqqran n lʼiman iy xas ncehheḏ neccin.

1 Buṭrus 2:23

Wami tuɣa xas tbuṣaren, netta war xasen d yarri ca abuṣar nsen. Wami tuɣa ṯ tƹeddaben, netta war ṯen iheddeḏ ca; Lla, netta isellem ixef nnes ḏeg ifassen n wenni iteḥkamen nican.

Lwaḥi 2:3

Ṯeṣbareḏ, ṯeysiḏ tamara ƹlaḥsab isem inu bȓa ma aḏ taḥȓeḏ.