Iƹibraniyen 12:24 - Ṯarifiṯ 2020

²⁴ Ṯqarrbem-d ɣar Ƹisa wenni itcafaƹen ḏayneɣ s yijjen n ȓƹaheḏ ḏ jḏiḏ. Ṯqarrbem-d kenniw ɣar iḏammen nnes itwaruccen iy qqaren ijjen n wawaȓ ḥsen zeg wenni n nnabi Habil.

Iƹibraniyen 12:24 ပူးပေါင်းရင်းမြစ်များ

Matta 23:35

X manayenni aḏ twaƹaqbem x marra iḏammen iy yuzzȓen n ȓmuminin ḏi ddunect-a. Zeg iḏammen n Habil ȓmumen aȓ iḏammen n Zakariya mmis n Barxiya iy ṯenɣim jar ȓmeḏbaḥ ḏ ṯemziḏa ṯameqqrant.

Matta 26:28

Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan ḥima aḏasen iɣfar Arebbi ȓmuƹṣiyaṯ nsen.

Marqus 14:24

Inna-asen: "Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan.

Luqa 11:51

Zeg iḏammen n Habil aȓ iḏammen n Zakariya wenni inɣin jar ȓmeḏbaḥ ḏ ṯemziḏa ṯameqqrant. Wah, aḏawem iniɣ: Marra lƹiqab x manayenni ḏ iwḏan n ȓweqṯ-a iy xas ɣa itwaḥesben!

Luqa 22:20

Ammu ƹaweḏ menbaƹd i umensi iysi-d ȓkas inna-asen: "Ȓkas-a ḏ ȓƹaheḏ ḏ jḏiḏ iy kiḏwem teggeɣ s iḏammen inu aḏ azzȓen ƹlaḥsab kenniw."

Ayṯ-Galaṭya 3:20

Netta ḏ lwasiṭ waha, iƹni war ixeddem ca waḥḏes. Walakin Arebbi netta ig iǧan waḥḏes.

1 Timutawus 2:5

Liʼanna ḏinni ijjen n Arebbi waḥḏes ḏ yijjen lwasiṭ waḥḏes jar Arebbi ḏ yiwḏan iƹni aryaz-a ḏ Ƹisa Lmasiḥ.

Iƹibraniyen 11:28

S lʼiman ikkar netta igga Ȓƹiḏ Ameqqran irucc ṯiwwura s iḏammen n ȓƹiḏ ḥima Ƹazȓayen war ineqq ca imenza n Ayṯ-Israʼil.

Iƹibraniyen 11:4

S lʼiman ikkar nnabi Habil iqeddem ijjen n dbiḥeṯ iy zi xas yarḍa Arebbi ḥsen zi ṯenni n wumas Qabil. Ƹlaḥsab lʼiman-a itcekkar-iṯ Arebbi iqbeȓ-iṯ netta nican wami xas issiweȓ Arebbi mliḥ x min iqeddem. U nnabi Habil s lʼiman nnes netta ƹaḏ issawaȓ waxxa immuṯ.

Iƹibraniyen 13:20

Arebbi ḏayes ȓehna, ḏ netta iy d yarrin Siḏiṯneɣ Ƹisa zeg imettinen s iḏammen n ȓƹaheḏ ig itduman i ȓebda, Ƹisa-ya ḏ Ameksa Ameqqran n iḥuȓiyen.

Iƹibraniyen 7:22

Ṯjaǧiṯ nni n Arebbi ḏ nettaṯ ig yarrin Ƹisa aḏ iḍemmen ijjen n ȓƹaheḏ ḥsen zi ȓƹaheḏ nni aqḏim.

Iƹibraniyen 8:13

Wami issiweȓ Arebbi x yijjen n ȓƹaheḏ ḏ jḏiḏ, ṣafi wenni amezwaru isbeṭṭaȓ-iṯ. U wenni ig itwasbeṭṭaȓen ȓexxu iḏewweȓ ḏ aqḏim, ataf ḏeɣya aḏ itwakkes war itɣimi ca.

Iƹibraniyen 8:6

Walakin ccɣeȓ nni n ȓefqi iy ḏas yuca i Ƹisa imɣar aṭṭas x ccɣeȓ nni aqḏim n ȓfuqaha nneɣni. U ȓƹaheḏ-a iy xef itcafaƹ netta imɣar aṭṭas x wenni aqḏim, liʼanna ibedd x yijjen n dsas n lwuƹud iy iǧan ḥsen.

Iƹibraniyen 8:8

Liʼanna Arebbi yufa iwḏan nni ḏ ineqsiyen wami inna:

Iƹibraniyen 9:15

Falihaḏa netta Lmasiḥ itcafaƹ jaraneɣ ḏ Arebbi s yijjen n ȓƹaheḏ ḏ jḏiḏ bac yinni umi d iȓaɣa Arebbi ataf aḏ awin lwareṯ iy zi ṯen iwƹeḏ itduman i ȓebda. Liʼanna Lmasiḥ immuṯ ḏ lfidya ḥima aḏasen iḍȓeq aḏ iȓin ḥurr zi ȓmuƹṣiyaṯ iy ggin swadday i ȓƹaheḏ nni amezwaru.

Iƹibraniyen 9:19

Aqa nnabi Musa wami iɣra kuȓ ȓuṣiyeṯ i marra ccaƹb, ṯumma iysi iḏammen n iyenduzen ḏ iɣayḏen ixelleṭ-iṯen ak waman, ṯumma irucc zzaysen Lkitab s yixef nnes ḏ marra ccaƹb s ṯaḍufṯ ṯazeggwaɣṯ ḏ uzuy.

Iƹibraniyen 9:21

Amenni ƹaweḏ irucc Aqiḍun Ameqqran s iḏammen-a ḏ marra ȓeqcuƹ iy ḏayes staƹmaȓen ḏi lƹibada.

1 Buṭrus 1:2

Arebbi Babaṯneɣ ixḍar-ikenniw ƹlaḥsab mammec tuɣa issen netta zi qbeȓ, issiṣfa-kenniw s yijjen n ȓxeḏmeṯ n Arruḥ iqeddsen ḥima aḏ tṭaƹem i Ƹisa Lmasiḥ aḏ twaruccem s iḏammen nnes iy yuzzȓen. Aḏaywem imarni arḍa ḏ ȓehna s waṭṭas.