Iƹibraniyen 12:23 - Ṯarifiṯ 2020

²³ Ṯqarrbem-d ɣar yinni itmunen ḏi ȓefraḥeṯ iƹni ɣar jmaƹeṯ n yinni ixḍar Arebbi iy d ixeȓqen ḏ imezwura isemawen nsen twazemmen ḏeg ujenna. Ṯqarrbem-d ɣar Arebbi wenni iǧan ḏ ȓqaḍi x marra iwḏan. Ṯqarrbem-d ɣar arruḥaṯ n ṣṣaliḥin yarri-ṯen Arebbi bȓa ȓƹib.

Iƹibraniyen 12:23 ပူးပေါင်းရင်းမြစ်များ

Luqa 10:20

Innama, war farrḥeṯ ca wami jnun ḏawem teggen array. Lla, farḥeṯ wami isemawen nwem urin zemmen ḏeg ujenna."

Yuḥanna 5:27

Yuca-as ƹaweḏ jjheḏ ḥima aḏ iḥaseb minzi netta ḏ Mmis n bnaḏem.

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

1 Ayṯ-Kurinṯ 13:12

Aqa ȓexxu nxezzar ḏeg yijjen n ṯisiṯ war ṯeṣfi ca, maca menbaƹd a nemẓer mliḥ qara ḏi qara. Ȓexxu min ssneɣ ḏ aneqṣi ig iǧa, menbaƹd aḏ ssneɣ nec ṯimesȓayin marra, kif-kif mammec twassneɣ nec ḏanita.

1 Ayṯ-Kurinṯ 15:49

Mammec netcabbah ḏi ṣṣifeṯ n wenni itwaṣennƹen zeg ucaȓ, amenni ƹaweḏ iy ɣa ncabbah ḏi ṣṣifeṯ n wenni zeg ujenna.

1 Ayṯ-Kurinṯ 15:54

Min ifennan xmi ɣa iɣmes s min war ifennin, ḏ min itmettan xmi ɣa iɣmes s min war itmettin, ȓexddenni aḏ d iffeɣ min yurin ḏi Lkitab: <Ȓmewṯ iseɣȓey-t arbaḥ.>

2 Ayṯ-Kurinṯ 5:8

War ntefciȓ ca, lla! Maƹlic neccin meȓa ntaggwaj zi ddat-a n ddunect-a ataf neccin netƹic ak Siḏiṯneɣ.

Ayṯ-Ufasus 1:22

Igga Arebbi ƹaweḏ marra ṯimesȓayin swadday iḍaren nnes iggi-ṯ ḏ azeǧif iy itrayyan x marra ṯimesȓayin ḏi jmaƹeṯ n ȓmuminin.

Ayṯ-Filippas 4:3

Wah, tettareɣ uȓa ḏ cek ay amƹacar inu n ṣṣaḥ, ƹawen ṯimɣarin-a iy kiḏi ixeddmen fus ḏeg ufus ḏi Lʼinjil, akiḏsent ƹaweḏ Krimu ḏ imƹacaren inu nneɣni. Isemawen nsen marra aqaṯen ḏi Lkitab n Ṯuḏarṯ.

Ayṯ-Kulus 1:12

bac aḏ tcekkarem Babaṯneɣ wenni iy ḏawem yucin ȓḥaqq aḏ tcarcem ḏi lwareṯ n ṣṣaliḥin ḏi nnur.

Ayṯ-Kulus 1:24

Ȓexxu nec farrḥeɣ x minxef tƹeddabeɣ ƹlaḥsab kenniw. Liʼanna ḏi ddat-a inu kessiɣ ȓḥaqq inu zi min ƹaḏ ineqqṣen zeg uƹeddeb nni n Lmasiḥ ƹlaḥsab ddat nnes iƹni jmaƹeṯ n ȓmuminin.

1 Timutawus 3:5

Iwa bnaḏem-a meȓa war issin ca aḏ iḥkem x ṯeddarṯ nnes, mammec iy ɣa igg aḏ itraya x jmaƹeṯ n ȓmuminin n Arebbi?

Iƹibraniyen 11:4

S lʼiman ikkar nnabi Habil iqeddem ijjen n dbiḥeṯ iy zi xas yarḍa Arebbi ḥsen zi ṯenni n wumas Qabil. Ƹlaḥsab lʼiman-a itcekkar-iṯ Arebbi iqbeȓ-iṯ netta nican wami xas issiweȓ Arebbi mliḥ x min iqeddem. U nnabi Habil s lʼiman nnes netta ƹaḏ issawaȓ waxxa immuṯ.

Iƹibraniyen 11:40

Tuɣa Arebbi iḏebbar-aneɣ-d i neccin zi qbeȓ ijjen n ȓḥajeṯ ḥsen bac niṯni war tiwiḍen ca ɣar uneggaru iƹni aḏ iȓin kemȓen bȓa neccin.

Iƹibraniyen 2:12

Lla, iqqar-as i Arebbi:

Iƹibraniyen 9:27

Ȓmewṯ itmetta-t bnaḏem ijjen n ṯwaȓa, ṯumma iḏeffar-it Lḥisab ḏ Lƹiqab.

Yaƹqub 1:18

Wami ixes netta, ikkar yarra-aneɣ ḏ ṯarwa nnes iy d ijja s wawaȓ n lḥaqiqa ḥima a niȓi neccin ḏ imezwura zi min d ixȓeq.

1 Buṭrus 2:23

Wami tuɣa xas tbuṣaren, netta war xasen d yarri ca abuṣar nsen. Wami tuɣa ṯ tƹeddaben, netta war ṯen iheddeḏ ca; Lla, netta isellem ixef nnes ḏeg ifassen n wenni iteḥkamen nican.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.

Lwaḥi 14:4

Yina ḏ yinni war iẓrin ƹemmarṣ ṯimɣarin qqimen ḏ iƹzriyen. Yina ḏ yinni iḏeffaren Izmar mani ma iruḥ. Twasnejmen niṯni zi ȓwesṭ n yiwḏan ḥima aḏ twaqeddmen ḏ imezwura i Arebbi ḏ Yizmar.

Lwaḥi 20:15

Wenni war ɣar ufin ca isem nnes izemmem ḏi Lkitab n Ṯuḏarṯ qa imenḍar-d ḏi ȓebḥar n ṯmessi.

Lwaḥi 6:11

Ṯumma immuc-asen marra ij-ij, čammir ḏ acemȓaȓ itwanna-yasen ƹaḏ aḏ teṣbarem cwayt aȓ ɣa itwakemmeȓ lƹadad nican n ayṯmaṯwem iy ɣa itwanɣen amecnaw kenniw, iƹni yinni iy iƹebbḏen am kenniw.

Lwaḥi 6:9

Izmar nni wami irzem acemmaƹ wis xemsa, ẓriɣ swadday i ȓmeḏbaḥ buḥbeȓ n yinni itwanɣen ƹlaḥsab awaȓ n Arebbi ḏ chaḏeṯ iy cehḏen.