Iƹibraniyen 12:22 - Ṯarifiṯ 2020

²² Walakin kenniw ṯqarrbem-d ɣar Uḏrar n Ṣiyun iƹni ṯandint n Arebbi iddaren ḏ Lquds n ujenna, ḏayes aȓaf n uȓufaṯ n lmalaʼikaṯ.

Iƹibraniyen 12:22 ပူးပေါင်းရင်းမြစ်များ

Matta 16:16

Indeq-d Simƹan Buṭrus inna-as: "Cek ḏ Lmasiḥ, Mmis n Arebbi iddaren."

Matta 5:35

uȓa s ṯmurṯ ȓaḥeqqac xas itmarsen iḍaren nnes; waxxa s ṯendint n Lquds ȓaḥeqqac nettaṯ ḏ ṯandint n Uzeǧiḏ ameqqran.

Ayṯ-Ruma 11:26

Amenni iy ɣa nejmen marra Ayṯ-Israʼil mammec iqqar Lkitab:

Ayṯ-Ruma 9:26

U ḏeg umcan nni wenni mani ḏasen inna Arebbi: Kenniw war ṯeǧim ca ḏ ccaƹb inu, ḏinni iy ḏasen ɣa ȓaɣan a ṯarwa n Arebbi iddaren.

Ayṯ-Galaṭya 4:26

Walakin ṯandint n Lquds iy iǧan ḏeg ujenna aqat ḥurr, nettaṯ ḏ yemmaṯneɣ.

Ayṯ-Ufasus 2:19

Iḏen, ȓexxu kenniw war ṯeqqimem ca ḏ ibarraniyen niɣ ḏ imezḏaɣ. Lla, ȓexxu kenniw ḏ imƹacaren ak ṣṣaliḥin iƹni yuca-awem Arebbi ljinsiya akiḏsen ṯḏewȓem ḏ ȓeḥbab n ṯeddarṯ n Arebbi.

Ayṯ-Filippas 3:20

Neccin lla, ljinsiya nneɣ aqat ḏeg ujenna. Ssenni iy d ɣa yas wenni iy netraja iy ḏaneɣ ɣa isnejmen iƹni Siḏiṯneɣ Ƹisa Lmasiḥ.

1 Ayṯ-Salunik 1:9

Iwḏan nni s yixef nsen sufuɣen xawem ȓexbar x mamc iy ḏaneɣ ṯqebȓem ḏ mamc iy ṯsemḥem ḏi lʼaṣnam bac aḏ tƹebḏem Arebbi iddaren iy iǧan ḏ ṣṣaḥ.

2 Timutawus 4:18

Aḏayi isefȓeṯ Siḏiṯneɣ zi mkuȓ ṯamesȓayṯ ḏ ṯaƹeffant aḏayi isenjem ɣar ȓmulk nnes iǧan ḏeg ujenna. Aɣares ṯiȓi lƹaḍama i ȓebda n ȓebdaṯ. Amin.

Iƹibraniyen 10:31

Meȓa ijjen ḥekkmen xas ifassen n Arebbi iddaren, ataf manaya isaggwaḏ.

Iƹibraniyen 11:10

Ȓaḥeqqac Brahim itraja ṯandint nni ɣar ǧan dsasaṯ itduman, ixaṭṭ-it Arebbi ibna-t.

Iƹibraniyen 11:16

Walakin lla, rezzun x yijjen n ṯmurṯ ḥsen zi ṯenni, iƹni icten ḏeg ujenna. X manayenni Arebbi war iseḏḥi ca aḏas inin qa cek ḏ Arebbi nneɣ minzi netta isewjeḏ-asen ijjen n ṯendint.

Iƹibraniyen 13:14

Minzi ḏanita war ɣarneɣ bu ṯendint itduman; Lla, nrezzu x ṯendint nni iy d ɣa yasen.

Iƹibraniyen 3:12

Ay ayṯma, ḥḍam ixef nwem bac uȓa ḏ ijjen zzaywem war ɣares itiȓi wuȓ ḏ abercan niɣ war ḏayes itiȓi bu lʼiman bac war itbeƹƹiḏ ca netta x Arebbi iddaren.

Iƹibraniyen 9:14

Meȓa amenni, mecḥaȓ iy ḏaneɣ ɣa ssiṣfan iḏammen n Lmasiḥ ktar! Netta iruḥ s Arruḥ nni itduman i ȓebda iqeddem ixef nnes bȓa ȓƹib i Arebbi, iḏammen nnes aḏaneɣ ssiṣfan ḍḍamir nneɣ zi ssayiʼaṯ bac a neƹbeḏ Arebbi iddaren.

Yahuḏa 1:14

Fa Axnux wenni ig iǧan ḏ ayyaw n Adam zi jeddiṯwem wis sebƹa netta iƹȓem ijjen n wawaȓ zi Arebbi inna-ṯ x iṯarrasen-a: "Xzareṯ, aqa yusa-d Siḏiṯneɣ s waȓaf n uȓufaṯ n imqeddsen nnes

Lwaḥi 14:1

Wami xzareɣ, twaȓiɣ Izmar ibedd x uḏrar n Lquds akiḏes miyya u arbeƹa u arbeƹin aȓaf. Yura x ṯenyarṯ nsen isem n Yizmar ḏ yisem n Babas.

Lwaḥi 21:10

Iysi-ayi arruḥ ɣar yijjen n uḏrar ḏ ameqqran yuƹȓa, ismeḍhar-ayi-d ṯandint iqeddsen iƹni Lquds, ṯehwa-d zeg ujenna zi Arebbi.

Lwaḥi 21:2

Ẓriɣ ṯandint iqeddsen nettaṯ ḏ Lquds ḏ jḏiḏ. Ṯehwa-d zeg ujenna zi Arebbi ṯegga am ṯsȓiṯ ṯeƹḏeȓ ixef nnes bac aḏ teȓqa muȓay.

Lwaḥi 22:19

Wenni ɣa ikksen zeg wawaȓen-a n lwaḥi ḏi Lkitab-a, ataf Arebbi as ikkes ȓḥaqq nnes zi ṯmesȓayin ig yurin ḏi Lkitab-a, iƹni ȓḥaqq nnes n ṯcejjarṯ n ṯuḏarṯ ḏ ȓḥaqq nnes n ṯendint iqeddsen.

Lwaḥi 3:12

Qa wenni ɣa irebḥen aṯ sbeddeɣ am yijjen n upilar ḏi ṯemziḏa ṯameqqrant n Arebbi inu aḏ iqqim ḏinni i ȓebda. Axas ariɣ isem n Arebbi inu ḏ yisem n ṯendint n Arebbi inu, iƹni Lquds n jḏiḏ iy d ɣa ihwan zeg ujenna zi Arebbi inu. Axas ariɣ isem inu ḏ jḏiḏ.

Lwaḥi 7:2

Ẓriɣ ijjen n lmalak nneɣni itgaƹƹaḏ-d zi ccarq iysi-d ṭṭabaƹ n Arebbi iddaren, iȓaɣa s yijjen n ṯmijja ṯejheḏ i arbeƹa n lmalaʼikaṯ nni ṯinni umi immuc jjheḏ ḥima aḏ ḍeyyƹent ȓbarr ḏ ȓebḥar.