Iƹibraniyen 12:14 - Ṯarifiṯ 2020

¹⁴ Ggeṯ lmejhud bac aḏ tƹicem ḏi ȓehna ak marra iwḏan u bac aḏ tiȓim ṯeṣfam. Bȓa a niȓi neṣfa war ḏinni ḥadd iy ɣa iẓren Mawlana.

Iƹibraniyen 12:14 ပူးပေါင်းရင်းမြစ်များ

Marqus 9:50

Ȓemȓeḥ ṯṣeǧaḥ, walakin meȓa iruḥ-as lmaḏaq nnes, mamc ḏas ɣa negg aḏas ṯiḏ narr? Aɣarwem ṯiȓi ȓemȓeḥ ḏi nnefs nwem, iȓim ḏi ȓehna ak wayawya."

Luqa 1:75

s wuȓ iṣfa ḏ acemȓaȓ i marra ṯuḏarṯ nneɣ.

Ayṯ-Ruma 12:18

Ƹlaḥsab kenniw, meȓa mumken ggeṯ aḏ tiȓim ḏi ȓehna ak yiwḏan marra.

Ayṯ-Ruma 14:19

Iḏen fa itxeṣṣa-yaneɣ u labud a negg lmejhud nneɣ bac a negg min itawin ɣar ȓehna ḏ minzi ɣa ncejjeƹ ayawya.

Ayṯ-Ruma 6:22

Ȓexxu ṯehnam zi ȓmuƹṣiyeṯ, ṯṭaƹam i Arebbi. Man nnfaƹ iy zzayes ɣa ṯawim? Iƹni aḏ tiȓim ṯeṣfam u manayenni itawi ɣar tuḏarṯ n ȓebda.

1 Ayṯ-Kurinṯ 1:10

Fa tettareɣ zzaywem ay ayṯma s yisem n Siḏiṯneɣ Ƹisa Lmasiḥ, msefhameṯ ak wayawya ḥima war itiȓi bu lxilaf jarawem. Itxeṣṣa kenniw aḏ tiȓim kif-kif ḏi ȓaƹquȓaṯ nwem ḏ array nwem.

1 Ayṯ-Kurinṯ 13:12

Aqa ȓexxu nxezzar ḏeg yijjen n ṯisiṯ war ṯeṣfi ca, maca menbaƹd a nemẓer mliḥ qara ḏi qara. Ȓexxu min ssneɣ ḏ aneqṣi ig iǧa, menbaƹd aḏ ssneɣ nec ṯimesȓayin marra, kif-kif mammec twassneɣ nec ḏanita.

2 Ayṯ-Kurinṯ 6:17

X manaya iqqar Siḏi Arebbi: Ffɣem-d zi ȓwesṭ nsen ƹezȓeṯ ixef nwem, war tḥaḏaṯ ca min iǧan ḥaram. Uca nec akenniw qebȓeɣ,

2 Ayṯ-Kurinṯ 7:1

Iḏen ay imƹizzen inu, wami ḏaneɣ iƹaheḏ Arebbi x ṯmesȓayin-a labud a nessiṣfa ixef nneɣ zi marra min ḏaneɣ isexnizen ḏi ddat ḏ arruḥ ḥima a niȓi ḏ ṣṣaliḥin bȓa axeṭṭi s ṯiggwḏi n Arebbi.

Ayṯ-Galaṭya 3:21

Iḏen Ccariƹa n Musa, ma tƹarraḍ lwuƹud n Arebbi? Lla walu! Cuf, maƹlik ṯemmuc can ccariƹa iticcen ṯuḏarṯ i bnaḏem, ataf aḏaneɣ ṯarr nican ak Arebbi ccariƹa nni.

Ayṯ-Ufasus 5:5

Liʼanna wenni iteggen lfasad niɣ ḏ min isexnizen niɣ ḏ min iseḍmaƹen, iƹni netta ḏ wenni iƹebbḏen lʼaṣnam, aqa tessnem bȓa ccekk belli marra yinni iteggen manaya war ɣarsen bu lwareṯ ḏi ȓmulk n Lmasiḥ niɣ ḏi Arebbi.

Ayṯ-Filippas 3:12

War iǧi ca ṣafi ṭṭfeɣ marra ṯimesȓayin nni niɣ ṣafi war ḏayi bu ca n ȓƹib; Lla, nec ƹaḏ tḥawaȓeɣ aḏ ṭṭfeɣ ṯimesȓayin nni iy zi ḏayi iṭṭef Ƹisa Lmasiḥ.

1 Ayṯ-Salunik 3:13

Aḏawem isejheḏ uȓawen nwem bac aḏ tiȓim bȓa ȓƹib aḏ tiȓim muqeddsin zzaṯ i Arebbi Babaṯneɣ xmi d ɣa yas Siḏiṯneɣ Ƹisa ak marra ṣṣaliḥin nnes.

1 Ayṯ-Salunik 4:7

Minzi Arebbi war ḏaneɣ d iȓaɣi ca bac a nƹic ḏi min ixenzen; Lla, iȓaɣa-yaneɣ-d a nƹic ḏi min iṣfan.

1 Ayṯ-Salunik 5:15

Arrem-d ȓbaȓ nwem, itxeṣṣa uȓa ḏ ijjen war itxeǧis ccarr s ccarr nneɣni; Lla, ȓebda rezzuṯ min iǧan ḏ aṣebḥan jarawem ḏ jar yiwḏan marra.

1 Timutawus 6:11

Fa cek ay aryaz n Arebbi, arweȓ zi marra manaya ḏfar min iǧan nican ḏ min ḏas iteƹjiben i Arebbi ḏ lʼiman ḏ ȓemḥibbeṯ ḏ ttasiƹ n ȓxaḍar ḏ ttawaḍuƹ.

2 Timutawus 2:22

Fa arweȓ zi ccahawaṯ nni ṯiƹeffanin n ṯemẓi, ḏeffar ṣṣulḥ ḏ lʼiman ḏ ȓemḥibbeṯ ḏ ȓehna ak yinni iy d iȓaɣan x Siḏiṯneɣ s yijjen n wuȓ iṣfa.

Iƹibraniyen 12:10

Cuf, lwalidin trebban-aneɣ ḏeg yijjen n ȓweqṯ, teggen mammec ḏasen itɣiȓ mliḥ. Walakin Arebbi itrebba-yaneɣ x nnfaƹ nneɣ bac a ncarec ḏi ṭṭabiƹa nnes iǧan ƹaḍim.

Iƹibraniyen 9:28

Ammu Lmasiḥ, itwaqeddem ḏ dbiḥeṯ ijjen n ṯwaȓa bac aḏ yarbu ȓmuƹṣiyaṯ n waṭṭas n yiwḏan. Ṯumma aḏ d ihwa wis marrṯayen. Mayemmi? Maci ƹlaḥsab ȓmuƹṣiyeṯ n yiwḏan ƹaweḏ; Lla, aḏ d ihwa bac aḏ isenjem yinni iy ṯ itrajan.

1 Buṭrus 3:11

Itxeṣṣa aḏ iggwej x ccarr aḏ igg ȓxir, aḏ irzu x ssalam aṯ iḏfar.

1 Buṭrus 3:13

Iwa meȓa ṯḥawȓem aḏ teggem ȓxir, min iƹna wenni iy kenniw ɣa iḍarren?

2 Buṭrus 3:11

Meȓa amenni iy ɣa twamḥant marra ṯimesȓayin-a, mammec iy ɣa ṯiȓi ṯuḏarṯ nwem? Iwa u labud aḏ tƹicem s yijjen n ṯuḏarṯ ṯeṣfa aḏ ṭaƹem i Arebbi

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.

3 Yuḥanna 1:11

Ay uma inu iƹizzen, war tqellad ca min iǧan ḏ aƹeffan; Lla, qelled min iǧan ḏ aṣebḥan. Wenni iteggen min iǧan ḏ aṣebḥan netta zi Arebbi; Wenni iteggen min iǧan ḏ aƹeffan netta war itwiȓi ca Arebbi.