Iƹibraniyen 12:13 - Ṯarifiṯ 2020

¹³ Seggḏeṯ ibriḏen nwem nican bac iḍaren nwem izeḥḥafen war tɣimin ca ḏ ineƹḏam aḏ genfan.

Iƹibraniyen 12:13 ပူးပေါင်းရင်းမြစ်များ

Luqa 3:5

Aḏ itwanṭu kuȓ iɣzar, aḏ iwaṭa kuȓ aḏrar ḏ ṯaƹrurṯ. Min war icnin aḏ icna, aḏ twaƹeḏȓen ibriḏen itwaḥfaren.

Ayṯ-Galaṭya 2:14

Wami ṯen ẓriɣ war gguren ca nican ƹlaḥsab lḥaqiqa iy iǧan ḏi Lʼinjil, nniɣ-as i Buṭrus zzaṯsen marra: Cek ḏ aʼisraʼili walakin tƹiceḏ amecnaw iyunaniyen, iƹni maci amecnaw aʼisraʼili. Mammec ɣa ṯeggeḏ aḏ tzeyyareḏ x iyunaniyen bac aḏ ƹicen amecnaw israʼiliyen?

Ayṯ-Galaṭya 6:1

Ay ayṯma, meȓa ṯufim can yijjen zzaywem ṯseḥṣer-iṯ ȓmuƹṣiyeṯ, labud meȓa ṯjehḏem kenniw s Arruḥ iqeddsen aṯiḏ tarrem ɣar ubriḏ s yijjen n wuȓ iṣebbaren. U ḥḍa ixef nnec uȓa ḏ cek bac war ṯetwaɣarriḏ ca.

Yaƹqub 5:16

Ƹtarfeṯ s ȓmuƹṣiyaṯ nwem kenniw i wayawya, ẓẓaǧeṯ x wayawya ḥima aḏ tgenfam. Ṯẓaǧiṯ n bnaḏem ig iǧan nican nettaṯ ḏayes jjheḏ aṭṭas nettaṯ ṯefsus.

1 Buṭrus 2:24

Netta s yixef nnes iysi ȓmuƹṣiyaṯ nneɣ ḏi ddat nnes x ṯeḥnact nni ḥima a nemmeṯ neccin s wuȓawen nneɣ i ȓmuƹṣiyaṯ, a neddar i min iǧan nican. Aqa s ujarriḥ nnes iy zi ṯgenfam kenniw.