Iƹibraniyen 12:10 - Ṯarifiṯ 2020

¹⁰ Cuf, lwalidin trebban-aneɣ ḏeg yijjen n ȓweqṯ, teggen mammec ḏasen itɣiȓ mliḥ. Walakin Arebbi itrebba-yaneɣ x nnfaƹ nneɣ bac a ncarec ḏi ṭṭabiƹa nnes iǧan ƹaḍim.

Iƹibraniyen 12:10 ပူးပေါင်းရင်းမြစ်များ

Ayṯ-Ufasus 4:24

aḏ teggem ijjen n ṭṭabiƹa ṯenneɣni iƹni ḏ jḏiḏ, ijjen n ṭṭabiƹa iy d ɣa itwaxeȓqen amecnaw wenni n Arebbi ḏayes ȓḥaqq ḏayes min iṣfan.

Ayṯ-Kulus 1:22

Walakin ȓexxu lla, Arebbi isemṣȓaḥ-ikenniw akiḏes s ddat n Lmasiḥ iƹni s ȓmewṯ nnes bac akenniw iqeddem zzaṯes ṯeṣfam bȓa ȓƹib war ḏinni bu wi kenniw iy ɣa itahamen.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Iƹibraniyen 12:14

Ggeṯ lmejhud bac aḏ tƹicem ḏi ȓehna ak marra iwḏan u bac aḏ tiȓim ṯeṣfam. Bȓa a niȓi neṣfa war ḏinni ḥadd iy ɣa iẓren Mawlana.

1 Buṭrus 2:5

uȓa ḏ kenniw ƹaweḏ am ca n yizra iddaren zzaywem iy ṯbenna ijjen n ṯeddarṯ n Arruḥ iqeddsen. Ḥima aḏ tiȓim kenniw ḏ ijjen n jmaƹeṯ n ȓfuqaha ṣṣaliḥin, tqeddamem dbiḥaṯ rruḥiyaṯ yarḍa xasent Arebbi s ufus n Ƹisa Lmasiḥ.

1 Buṭrus 2:9

Fa kenniw ḏ ijjen n ccaƹb itwaxḍaren ḏ ijjen n jmaƹeṯ n ȓfuqaha n Uzeǧiḏ ḏ ijjen n ȓgens ḏ amqeddes ḏ yiwḏan niṯni Bab nsen ḏ Arebbi bac aḏ tbeccarem s ṯmesȓayin ṯiṣebḥanin n wenni iy kenniw issufɣen zeg yijjen n ṯaǧest yarri-kenniw-d ɣar nnur nnes ƹajib.

2 Buṭrus 1:4

Ƹlaḥsab ṯimesȓayin-a netta yuca-aneɣ-d lwuƹud nnes imɣaren ig isewwan aṭṭas. Ḥima s lwuƹud-a aḏ tcarcem ḏi ṭṭabiƹa n wenni yuƹȓan wami ṯarewȓem zi min ifennan ḏi ddunect-a ƹlaḥsab ccehawaṯ ṯiƹeffanin.