Iƹibraniyen 12:1 - Ṯarifiṯ 2020

¹ Iḏen ƹlaḥsab niṯni, iƹni ȓechuḏ nni n lʼiman iy xaneɣ itennḍen am yijjen n umuni ḏ ameqqran, labud a nekkar a nekkes kuȓ dqeȓ ḏ kuȓ ȓmuƹṣiyeṯ iy ḏaneɣ iseḥṣaren. A nazzȓeṯ s ṣṣbar ṯazzȓa nni iy ḏaneɣ itrajan ɣar zzaṯ.

Iƹibraniyen 12:1 ပူးပေါင်းရင်းမြစ်များ

Matta 10:22

Akenniw ƹiffen marra ƹlaḥsab isem inu, walakin wenni ɣa iṣbaren ɣar uneggaru ataf aḏ injem.

Matta 24:13

Walakin wenni ɣa iṣbaren ɣar uneggaru ataf aḏ injem.

Marqus 10:50

Ikkes azeǧab nnes inḍar-iṯ, inexḍef ḏeɣya ibedd x iḍaren nnes yusa-d ɣar Ƹisa.

Luqa 12:15

Inna-asen: "Ḥḍam ixef nwem, beƹƹḏeṯ x ṭṭmaƹ minzi ṯuḏarṯ n bnaḏem war tiȓi ca s waṭṭas n wagȓa."

Luqa 16:28

Ɣari xemsa n ayṯma xseɣ aṯen iƹȓem ḥima uȓa ḏ niṯni war tƹeddiben ca ḏeg umcan-a.

Luqa 21:34

Ma ṯexsem aḏ teccem uȓ nwem? Ḥḍaṯ ixef nwem zi lmaddla n ssekra ḏ waṭṭas n ccreb ḏ ȓehmum n ddunect-a. Qa aḏ d yas Nhar nni aneggaru ƹlaɣafla am yijjen n ṯexcefṯ.

Yuḥanna 3:32

Icehheḏ zi min iẓra ḏ min isȓa, walakin chaḏeṯ nnes war t iqebbeȓ uȓa ḏ ijjen.

Yuḥanna 4:39

Aṭṭas n yiwḏan zi jjiheṯ n Samarya umnen zi Ƹisa wami ṯecheḏ ṯemɣarṯ nni ṯenna-asen qa inna-ayi marra min ggiɣ.

Yuḥanna 4:44

U netta s yixef nnes iqqar uȓa ḏ ijjen n nnabi ma meḥtarem ḏi ṯmurṯ nnes.

Ayṯ-Ruma 12:12

Farḥeṯ ḏi lʼamal. Ṣbareṯ x tamara. Dawwmeṯ x ṯẓaǧiṯ.

Ayṯ-Ruma 2:7

Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.

2 Ayṯ-Kurinṯ 7:1

Iḏen ay imƹizzen inu, wami ḏaneɣ iƹaheḏ Arebbi x ṯmesȓayin-a labud a nessiṣfa ixef nneɣ zi marra min ḏaneɣ isexnizen ḏi ddat ḏ arruḥ ḥima a niȓi ḏ ṣṣaliḥin bȓa axeṭṭi s ṯiggwḏi n Arebbi.

Ayṯ-Galaṭya 2:2

Ƹlaḥsab min zi ḏayi iweṣṣa Arebbi ḏeg yijjen n lwaḥi iy gaƹƹḏeɣ ḏinni sexbareɣ-ṯen x Lʼinjil iy zi tbeccareɣ jar ȓegnus. Walakin ggiɣ manayenni ɣir i yinni iǧan ḏ imeqqranen n jmaƹeṯ ḥima aḏ ssneɣ min xeḏmeɣ ḏ min tuɣa xeddmeɣ war iǧi ca ḏ ȓbaṭeȓ.

Ayṯ-Galaṭya 5:7

Tuɣa kenniw ṯeǧam ḏeg yijjen n ubriḏ ɣar zzaṯ mliḥ. Wi kenniw isbedden bac war teggem ca array i lḥaqiqa?

Ayṯ-Ufasus 4:25

Iḏen labud kuȓ ijjen zzaywem aḏ ibeƹƹeḏ zeg ixerriqen aḏ issiweȓ s ȓḥaqq ak wajjar nnes liʼanna neccin marra ḏ ijjen n jmaƹeṯ iy neǧa.

Ayṯ-Filippas 1:30

Minzi kenniw tmenɣam ḏeg umenɣi nni iy ḏi tuɣa tmenɣiɣ nec u ƹaḏ tesȓim belli tmenɣiɣ ḏayes.

2 Timutawus 2:4

War ḏinni bu can uƹeskari ig itemxumburen ḏi ddur nnes ḏi ṯmesȓayin n ddunect-a ȓaḥeqqac irezzu aḏ yarḍa x wenni iy ṯ yarrin ḏ aƹeskari.

2 Timutawus 4:7

Amenɣi-ya aṣebḥan menɣeɣ-ṯ, ṯazzȓa-ya kemmȓeɣ-t, lʼiman ḥḍiɣ-ṯ.

Iƹibraniyen 6:15

Iwa ammu wami iraja Brahim s yijjen n ṣṣbar yuweḍ-as-d min zi ṯ iwƹeḏ Arebbi.

Yaƹqub 1:3

Kenniw ṯessnem marra ȓemḥayen-a iy ṯseƹḏum ƹlaḥsab lʼiman nwem tawint-id ṣṣbar.

1 Buṭrus 2:1

Iḏen fa kkseṯ zeg wuȓawen nwem marra ccarr ḏ marra lɣeḏran ḏ nnifaq ḏ ȓeḥseḏ ḏ marra ȓbaṭeȓ.

1 Buṭrus 4:2

X manaya nhuraṯ nni iy ḏawem itɣiman ḏi ddat nwem maci aṯen ṯseƹḏum ƹlaḥsab ccehawaṯ n bnaḏem; Lla, seƹḏum-ṯen ƹlaḥsab ȓxaḍar n Arebbi.

1 Buṭrus 5:1

Fa nec tȓaɣiɣ-d x imeqqranen iǧan jar n ṯjumaƹ, nec iy iǧan ḏ ijjen n umeqqran am kenniw ḏ yijjen n ccaheḏ x min xef itwaƹeddeb Lmasiḥ, nec ḏ ijjen ƹaweḏ iy ɣa icarcen ḏi lƹaḍama iy d ɣa imeḍharen.

1 Buṭrus 5:12

Uriɣ-awem-d ṯabrat-a ṯamezyant x ufus n Silwan ḥessbeɣ-ṯ nec am umaṯneɣ ḏayes ttiqeṯ. Tcejjaƹeɣ-kenniw, cehhḏeɣ min qqareɣ manaya ḏ arḍa n Arebbi ḏ ṣṣaḥ. Beddem ḏayes nican.

2 Buṭrus 1:6

u ƹaweḏ arnim ȓeḥkam x yixef nwem ak ṯusna-ya nwem; u ƹaweḏ arnim ṭṭaƹa i Arebbi ak ȓeḥkam-a x yixef nwem;

Lwaḥi 1:9

Nec ḏ Yuḥanna ḏ umaṯwem, cerrceɣ akiḏwem ḏi ȓemḥayen ḏ ȓmulk n Arebbi ḏ ṣṣbar ig iǧan ḏi Ƹisa. Tuɣa ǧiɣ ḏi ṯeyzirṯ n Baṭmus ƹlaḥsab awaȓ n Arebbi ḏ minxef icheḏ Ƹisa.

Lwaḥi 13:10

Wenni minxef yura aḏ itwaḥebbes, ataf aḏ itwaḥebbes. Wenni minxef yura aḏ itwaneɣ s ssif, ataf aḏ itwaneɣ s ssif. Ḏi lḥala nni itxeṣṣa ȓmuminin ṣṣaliḥin aḏ ṣbaren aḏ amnen.

Lwaḥi 22:16

Ḏ nec Ƹisa ssekkeɣ-d lmalak inu ḥima aḏawem icheḏ x ṯmesȓayin-a ḏi ṯjumaƹ n ȓmuminin. Nec ḏ lʼaṣel n Dawed u zi ddurriṯ nnes. Nec ḏ iṯri n ȓefjar itceƹciƹen."

Lwaḥi 3:10

Ṯeṣbareḏ x min c weṣṣiɣ, s manaya ataf nec ac ḥmiɣ zi ṯsaƹƹat nni n ȓemḥayen iy d ɣa ihwan x marra ddunect-a ḥima imezḏaɣ n ṯmurṯ azzayes twajarrben.