Iƹibraniyen 11:7 - Ṯarifiṯ 2020

⁷ S lʼiman nnabi Nuḥ wami ḏas iƹȓem Arebbi x ṯmesȓayin nni war ṯent ẓrin yiwḏan ƹemmarṣ, ikkar netta s yijjen n ṯiggwḏi ḏ yijjen n ȓeḥya igga aɣarrabu bac aḏ isenjem ayṯbab n ṯeddarṯ nnes. Wami igga manayenni netta iƹeyyeb ddunect, iwareṯ ṣṣulḥ nni iy d itasen s lʼiman.

Iƹibraniyen 11:7 ပူးပေါင်းရင်းမြစ်များ

Matta 2:12

Iƹȓem-asen Arebbi ḏi ṯirjiṯ inna-asen war teƹqibem ca ɣar uzeǧiḏ Hirudus. Ṣafi kkaren ḏewȓen ɣar ṯmurṯ nsen x yijjen n ubriḏ nneɣni.

Matta 24:15

Xmi ɣa ṯeẓrem , netta itbedda ḏeg umcan iqeddsen, iƹni mixef issiweȓ nnabi Danyal (A fhem a wenni iɣrin manaya!),

Matta 24:25

Xzarem! Aqa nec ƹeȓmeɣ-awem x manaya qbeȓ ma aḏ iwqeƹ.

Matta 24:38

Yiwḏan ḏi ȓweqṯ nni qbeȓ i ṭṭufan, tuɣa tetten, sessen, meǧcen twasmeǧacen, ḥetta aȓ nhar wami yuḏef Nuḥ ḏeg uɣarrabu.

Matta 3:7

Walakin wami iẓra Yaḥya belli aṭṭas n ȓfuqaha ḏ ifarrisiyen ḏ iṣadduqiyen tasen-d ɣares ḥima aṯen iṭehhar s waman inna-asen: "Ya ṯarwa n ifiɣeran, wi ḏawem iƹeȓmen aḏ tarewȓem zi lɣaḍab n Siḏi Arebbi iy d ɣa yasen?

Luqa 17:26

Amecnaw mamc iwqeƹ ḏi ȓiyyam nni n Nuḥ, amenni iy ɣa iwqeƹ ḏi ȓiyyam n Mmis n bnaḏem:

Ayṯ-Ruma 1:17

Arebbi isbeyyen-aneɣ-d ḏi Lʼinjil mammec ɣa nemṣȓaḥ akiḏes, manaya s lʼiman waḥḏes. Mammec iqqar Lkitab:

Ayṯ-Ruma 10:6

Walakin min iqqar Lkitab x wenni irezzun aḏ imeṣȓaḥ ak Arebbi azzayes yamen? Iqqar: War qqar ca ḏeg wuȓ nnec: Min iƹna wi ɣa igaƹƹḏen ɣar ujenna (iƹni bac aḏ d isehwa Lmasiḥ)?

Ayṯ-Ruma 3:22

Iƹni, Arebbi isemṣȓaḥ akiḏes marra wenni itamnen zi Ƹisa Lmasiḥ, war itferraq jar yiwḏan. Aqa marra ƹṣan Arebbi, twaḥarramen zi lƹaḍama nnes.

Ayṯ-Ruma 4:11

Ṯumma ṭṭahareṯ-a ṯusa-as-d ḏ ijjen n lƹalama ḏ ijjen n ddalil belli Arebbi isemṣȓaḥ-iṯ akiḏes s lʼiman nni iy tuɣa ḏayes qbeȓ ma aḏ iṭehhar. Mayemmi manaya? Bac aḏ yiȓi Brahim ḏ jeddiṯsen n yinni marra itamnen waxxa war ggin ca ṭṭahareṯ, bac uȓa ḏ yinni aṯen isemṣȓaḥ Arebbi akiḏes.

Ayṯ-Ruma 4:13

Ȓƹaheḏ iy zi iwƹeḏ Arebbi Brahim ḏ ddurriṯ nnes ḥima aḏ iwareṯ netta ddunect. Ȓƹaheḏ nni war d yusi ca s ccariƹa, yusa-d s lʼiman nni ig isemṣȓaḥen iwḏan ak Arebbi.

Ayṯ-Ruma 9:30

Iwa, min ɣa nini? Yinni war iǧin ca zi Ayṯ-Israʼil tuɣa war rezzun ca ṣṣulḥ ak Arebbi, walakin ufin-ṯ wami umnen.

Ayṯ-Galaṭya 5:5

Qa neccin lla, netraja Arebbi aḏaneɣ isemṣȓaḥ akiḏes s lʼiman, u lʼamal-a nneɣ netta s jjheḏ n Arruḥ iqeddsen.

Ayṯ-Filippas 3:9

Ḥima aḏayi afen ḏayes bȓa ca n ṣṣulḥ ak Arebbi iy d itasen zzayi nec waha ƹlaḥsab ccariƹa. Lla, ṣṣulḥ nni inu ak Arebbi itas-d s lʼiman inu zi Lmasiḥ, iƹni ṣṣulḥ nni itas-d zi Arebbi itas-d s lʼiman.

Iƹibraniyen 11:1

Fa lʼiman netta ḏ ijjen n ttiqeṯ ijehḏen ḏi min netraja, neccin metʼakkadin ḏi ṯmesȓayin waxxa war ṯent netwiȓi ca.

Iƹibraniyen 12:25

Arrem-d ȓbaȓ nwem war tjihiȓem ca awaȓ n wenni issawaȓen, mayemmi? Liʼanna Ayṯ-Israʼil war feȓṯen ca wami jehȓen awaȓ n wenni tuɣa ṯen iweṣṣan ḏi ṯmurṯ. U neccin ƹaḏ ktar, meȓa nugi a ntaƹ i wenni ḏaneɣ iweṣṣan zeg ujenna ataf ƹemmarṣ a nefȓeṯ.

Iƹibraniyen 5:7

Ḏeg wussan nni iy ḏi tuɣa iddar Ƹisa ḏi ṯmurṯ-a, itẓaǧa itȓaɣa x Arebbi s jjheḏ u s imeṭṭawen itettar-as i wenni izemmaren aṯ isenjem zi ȓmewṯ. Arebbi itṣennaṭ-as wami Ƹisa iteggweḏ zzayes.

Iƹibraniyen 8:5

Yina xeddmen ccɣeȓ nsen ḏeg yijjen n ṯemziḏa nettaṯ am yijjen n ṯiȓi itemcabbahen ḏi min iǧan ḏeg ujenna. X manayenni Arebbi iƹȓem i Musa wami ibḏa isbedda Aqiḍun nni Ameqqran inna-as:

1 Buṭrus 3:20

Mayemmi? Liʼanna mecḥaȓ zeg wami ḏi zman n Nuḥ ugin yiwḏan-a aḏ ggen array i Arebbi wami ṯen tuɣa itraja s ṣṣbar itṣennaƹ aɣarrabu n Nuḥ. Ḏeg uɣarrabu-ya ḏrust n yiwḏan ṯmenya waha kkin x waman nni nejmen.

2 Buṭrus 1:1

Nec ḏ Simƹan Buṭrus ḏ ijjen n ȓƹabḏ n Ƹisa Lmasiḥ ḏ arrasul nnes. Tsekkiɣ-d ṯabrat-a i yinni iqebȓen nnefs n lʼiman am wenni iy neqbeȓ neccin s ṣṣulḥ nni n Arebbi ḏ Ƹisa Lmasiḥ wenni iy ḏaneɣ isenjamen.

2 Buṭrus 2:5

War iḥinn ca ƹaweḏ x ddunect-a n zman aqḏim wami xasen d isehwa ijjen n ṭṭufan n waman x yinni war ḏas itṭiƹin ca. Tuɣa iḥḍa ɣir Nuḥ wenni itbeccaren s ȓḥaqq ḏ yijjen n sebƹa akiḏes.

2 Buṭrus 3:6

Menbaƹd isɣreq ddunect n ȓweqṯ nni s waman-a s yijjen n ṭṭufan imḥa-t.