Iƹibraniyen 11:39 - Ṯarifiṯ 2020

³⁹ Marra yina twacekkaren s lʼiman nsen. Innama, uȓa ḏ ijjen zzaysen tuɣa ƹaḏ war ḏas d yuwiḍ ca min zi ṯ iwƹeḏ Arebbi.

Iƹibraniyen 11:39 ပူးပေါင်းရင်းမြစ်များ

Iƹibraniyen 10:36

Aqa itxeṣṣa aḏ teṣbarem, mayemmi? Bac xmi ɣa ṯeggem ȓxaḍar n Arebbi, ataf aɣarwem yiȓi minzi iy kenniw iwƹeḏ.

Iƹibraniyen 11:13

Yina marra mmuṯen ḏi lʼiman nni nsen qbeȓ ma ḏasen d awḍent ṯmesȓayin nni iy zi ṯen iwƹeḏ. Walakin ẓrin-ṯent reḥḥben zzaysent zi ȓeggwaj, ƹtarfen belli niṯni ḏ ibarraniyen ḏ iƹezzaben ḏi ṯmurṯ-a.

Iƹibraniyen 11:2

S lʼiman-a iy twacekkaren iwḏan n zman.

Iƹibraniyen 9:15

Falihaḏa netta Lmasiḥ itcafaƹ jaraneɣ ḏ Arebbi s yijjen n ȓƹaheḏ ḏ jḏiḏ bac yinni umi d iȓaɣa Arebbi ataf aḏ awin lwareṯ iy zi ṯen iwƹeḏ itduman i ȓebda. Liʼanna Lmasiḥ immuṯ ḏ lfidya ḥima aḏasen iḍȓeq aḏ iȓin ḥurr zi ȓmuƹṣiyaṯ iy ggin swadday i ȓƹaheḏ nni amezwaru.

1 Buṭrus 1:12

Ismeḍhar-asen-d i lʼanbiya belli manaya war ṯ xeddmen ca i yixef nsen, xeddmen-ṯ i kenniw wami ssawaȓen s ṯmesȓayin-a. U ȓexxu nnan-awem ṯimesȓayin-a yinni iy kenniw itbeccaren s Lʼinjil s jjheḏ n Arruḥ iqeddsen iy ḏawem d itwassekken zeg ujenna. Waxxa ḏ lmalaʼikaṯ ḏaysent mezȓi aḏ xzarent ḏi ṯmesȓayin-a.